[size=6][b]Kosova ka humbur burrin më të madh të Kosovës së re, thotë zëvendësministri Hajdaraj[/b][/size]

Prishtinë, 22 janar - Ministria e Bujqësisë, përatësisht zëvendësministri i saj, Tomë Hajdaraj, ngushëllon familjen e Presidentit Rugova, Institucione të Kosovës, Presidencën e Kosovës dhe LDK-në.
"Me vdekjen e Presidentit të Kosovës, dr.Ibrahim Rugova, Kosova ka humbur burrin më të madh të Kosovës së re, njeriun që e shkroi historinë e Kosovës së Pavarur.
Kumti i zi mbi vdekjen e njeriut të madh të Kosvës, dr. Ibrahim Rugova ishte jehu më i rëndë i shekullit të ri, ishte dhe mbetet dhembja më e madhe e popullit të Kosovës. Populli i Kosovës humbi njeriun më të madh të kohës së re të Kosovës, personalitetin i cili i ngjalli dhe i ndërtoi shpresat e shqiptarëve të Kosovës, për liri, demokraci e pavarësi. Dr. Rugova ishte arkitekt i pavarësisë së Kosovës dhe burrështetas me cilësi të larta njerëzore e kombëtare", thuhet ndër të tjera në telegramin e ngushëllimit të zëvendësministrit Hajdaraj.

[size=6][b]LDK në Austri: Populli i Kosovës humbi ikonën e pavarësisë së Kosovës [/b][/size]

Prishtinë, 22 janar - Lidhja Demokratike e Kosovës, dega në Austri i ka dërguar telegram ngushëllimi kryetarit të Kuvendit të Kosovës, z.Nexhat Daci, Kryesisë së Lidhjes Demokratike të Kosovës, familjes Rugova dhe qytetarëve te Kosovës. “Populli i Kosovës humbi personalitetin më të rëndësishëm të historisë së Kosovës, vizionarin, humanistin e madh, Ikonën e Pavarësisë së Kosovës... Presidenti Dr. Ibrahim Rugova i vuri themelet e shtetit të Pavarur të Kosovës dhe e miqësoi Kosovën me SHBA-të dhe shtetet demokratike të Evropës", thuhet ndër të tjera në telegramin e kësaj dege të LDK-së.

[size=6][b]Rojters e AP thonë se Presidenti Rugova nuk ka ndonjë trashëgimtar të qartë [/b][/size]Londër, Uashington, 22 janar - "Vdekja e Rugovës i lë pa lider shqiptarët, të cilët përbëjnë 90 përqind të popullsisë së Kosovës, në prag të fillimit të negociatave për statusin final", shkruan agjencia e lajmeve Rojters.
"Rugova, i cili ka qenë udhëheqës i fuqishëm e karizmatik, nuk ka ndonjë trashëgimtar të qartë, si President apo si udhëheqës i ekipit negociator të Kosovës", shkruan kjo agjenci.
"Fuqitë e mëdha e kanë bërë të qartë se dëshirojnë zgjidhe të statusit brenda këtij viti", shkruan Rojters, duke përkujtuar se Serbia insiston që Kosova të jetë pjesë e saj dhe assesi të jetë e pavarur, ndërsa shqiptarët e përjashtojnë mundësinë e kthimit në Serbi.
"Pritet që diplomatët perëndimorë t'i drejtojnë negociatat drejt një forme të pavarësisë, nën mbikëqyrje të vazhdueshme ndërkombëtare, gjatë disa viteve të ardhshme", shkruan Rojters.
Agjencia e lajmeve Asoshieted Pres shkruan se vdekja e Presidentit Rugova ka lënë një vakuum të madh në skenën politike të Kosovës, duke shtuar se skena politika kosovare nuk është e bashkuar në prag të bisedimeve për statusin e Kosovë. Ajo përkujton se liderët ndërkombëtarë kanë bërë thirrje për qetësi dhe unitet, duke shprehur dronë se vdekja e Presidentit Rugova mund të shkaktojë destabilizimin e situatës në Kosovë.

[size=6][b]Fatos Nano: Vdekja e Rugovës, humbje e një figure të shquar e kombit shqiptar[/b][/size]

Tiranë, 22 janar - Për vdekjen e Presidentit Ibrahim Rugova, ish- kryeministri i Shqiperise Fatos Nano ka shprehur solidaritetin dhe dhimbjen e tij, per familjaret, miqte dhe gjithe popullin e Kosoves.
"Eshte nje humbje e madhe jo vetem per familjaret, klasen politike dhe popullin e Kosoves, por dhe humbje e nje figure te shquar e kombit shqiptar i cili me filozofine e tij ka personifikuar integrimin dhe shpirtin e bashkejeteses, eshte humbja e simbolit te pavaresise kosovare, i cili beri gjithcka per te ruajtur konsensusin brenda dhe jashte Kosoves", tha Nano.

[size=6][b]P.Majko: Rugova -monument i të kaluarës dhe të ardhmes së Kosovës[/b][/size]

Tiranë, 22 janar - Pandeli Majko, sekretar i Përgjithshëm i Partisëa Socialiste shprehu dje ngushëllimet për vdekjen e Presidentit të Kosovës, Ibrahim Rugova.
"Vdekja e Presidentit të Republikës së Kosovës Ibrahim Rugova padyshim është një moment tepër i vështirë, jo vetëm për Kosovën, jo vetëm për momentet që po kalon ajo tani, por në raste të tilla dhimbjeje, kufiri midis Shqipërisë dhe Kosovës pothuajse kthehet në inekzistent. Rugova mbetet një nga ata misionarë, të cilët patën guximin të bëjnë aktin e madh të fillimit të atij procesi të jashtëzakonshëm historik që po merr formë dalëngadalë mes vështirësive të panumërta nga të cilat sot në vdekjen e tij ne kemi të drejtë ta kujtojmë këtë misionar me respektin më të thellë. Partia Socialiste u shpreh ngushëllime familjarëve të zotit Rugova, të afërmve të tij, gjithë popullit të Kosovës. Vdekja e zotit Rugova siç e thashë mbetet një moment i vështirë, por Kosova dhe kosovarët i kanë borxh Ibrahim Rugovës jo vetëm thjesht homazhet, por jam i bindur se i kanë borxh edhe amanetin e tij, pavarësinë e Kosovës. Edhe një herë dëshiroj të them që jo vetëm si përfaqësues i PS së në këtë ditë të vështirë për Kosovës dhe gjithë popullin shqiptar, dëshiroj të shpreh ngushëllimet. Sot Partia Socialiste ngrin gjithë veprimtarinë e vet politike. Ne jemi në pritje edhe të vendimmarrjes përkatëse edhe nga Presidëenti i Republikës në këtë moment të vështirë. Gjendemi përkrah njerëzve tanë në Prishtinë. Do të jemi sigurisht edhe atje. Vdekja e zotit Rugova është një nga ato vdekje, të cilat datojnë momente historike të rëndësishme pikërisht për shkak të punës dhe kontributit të njerëzve të tillë si Rugova. Padyshim tani në Kosovë fillon ajo që quhet faza post Rugovë, por Rugova padiskutim mbetet një monument i të kaluarës dhe të ardhmes së Kosovës.

[size=6][b]Gazetat e Prishtinës me numra specialë kushtuar Presidentit Rugova[/b][/size]

Prishtinë, 22 janar - Shtypi i sotëm i Prishtinës i kushton hapësirë të gjerë ndarjes nga jeta të Presidentit të Kosovës Dr. Ibrahim Rugova. Nga gjashtë gazetat që kanë dalë sot, katër kanë dalë me botim të jashtëzakonshëm sepse sot të dielave nuk botohen.
E përditshmja Bota Sot, 22 faqe ia kushton vdekjes së Presidentit, ndërsa në faqen e parë përmban këta tituj:
"Presidenti Ibrahim Rugova nuk është më, kombi shqiptar mbeti jetim"; "Presidenti i Kosovës, Dr. Ibrahim Rugova ndërroi jetë".
Gazeta Zëri, numrin e sotëm të jashtëzakonshëm, që ka dalë me 24 faqe, ia kushton vdekjes së Presidentit, ndërsa në faqen e parë përmban këta tituj: "Vdiq Presidenti i Kosovës, Ibrahim Rugova". "Shtetbërja si trashëgimi historike"; "Pesë ditë zie kombëtare"
E përditshmja Koha ditore, 11 faqe ia kushton vdekjes së Presidentit, ndërsa në faqen e parë përmban këta tituj:
"Pesë ditë zie në Kosovë, tri ditë në Shqipëri";
"Liderët nga Evropa e SHBA-ja, ngushëllojnë për Rugovën";
"Kosova humbi Presidentin në finale të Pavarësisë";
Koment i botuar nga Tim Xhuda: "Ndërron jetë arkitekti i Kosovës së pavarur". "Njeriu i cili ka luajtur një rol të rëndësishëm në drejtimin e Kosovës drejt pavarësisë do të përkujtohet me respekt do t'i mungojë shumicës së shqiptarëve të Kosovës", shkruan Xhuda.
Gazeta Lajm, ka dalë me një numër special dhe gratis, ku tetë faqet e saj ia kushton vdekjes së Presidentit. Në faqen e parë përmban: "Burrështeti (1944 – 2006)".
"Ndërroi jetë Presidenti i Kosovës, Dr. Ibrahim Rugova: "Kolosi i brishtë i Kosovës".
Po ashtu e përditshmja Express, në numrin special që përmban 24 faqe ia kushton jetës dhe veprës së Presidentit Rugova. Ndërsa, në faqen e parë paraqet fotografin e Presidentit me titull “Epoka e Rugovës (1989 – 2006) "Lamtumirë, Marathanomak!"; Kai Eide: "Gjiganti ndërroi jetë". Medlin Ollbrajt: "Mbajmë zi".
Ndërkaq Kosova Sot, në edicionin special 11 faqe ia kushton vdekjes së Presidentit, ndërsa në faqen e parë përmban këta tituj: "Kosova humb liderin". "Po tani". "Vdekja e Profetit"
"Shtyhen bisedimet".

[size=6][b]Akademia e Shqipërisë ngushëllon ASHAK-un për humbjen e shkencëtarit dhe eruditit dr.Rugova[/b][/size]

Prishtinë, 22 janar - Akademinë e Shkencave dhe të Arteve të Kosovës me një telegram e ka ngushëlluar Akademia e Shkencave të Shqipërisë, në të cilin i shpreh dhimbjen e thellë për vdekjen e parakohshme të dr.Ibrahim Rugovës, Presidentit të Kosovës.
"Emri i Ibrahim Rugovës do të jetë gjithmonë i skalitur me gërma të arta në faqet e historisë së kombit tonë si themelues i Republikës së pavarur të Kosovës, që ai nuk arriti ta shohë të realizuar", thuhet në telegram.
"Me vdekjen e Ibrahim Rugovës humbëm edhe shkencëtarin e talentuar dhe erudit, anëtarin korrespondent të Akademisë së Shkencave dhe të Arteve të Kosovës, njeriun që bashkoi përkushtimin për çështjen e popullit të vet me pasionin dhe punën e palodhur në fushën e shkencës", thuhet ndër të tjera në këtë telegram të nënshkruar nga kryetari Ylli Popa.

Deklarata pas mbledjes komemorative të ASHAK-ut

Sabri Hamiti: Prijësi i luftës për liri të Kosovës ishte dijetar i madh, që është formula e prijësve të mëdhenj shqiptarë në dy shekujt e fundit
"Sot jemi mbledhur këtu për ta përkujtuar presidentin Rugova si anëtar të Akademisë së Shkencave dhe të Arteve të Kosovës. Të gjithë ata që e njohin kulturën shqipe, duhet ta dinë dhe unë besoj që e dinë, që Rugova është ta quaj një nga anëtarët më të fortë të asaj që unë e quaj Qarku Kulturor i Prishtinës, që ishte themeluar në fund të viteve të 60-ta dhe që kishte të bënte me thellimet e studimeve shqiptare, si studime autentike, dhe lidhjen e kulturës shqiptare me kulturën moderne perëndimore. Në këtë vijë ai ka krijuar protretin e fuqishëm të dijetarit të kulturës shqiptare, dhe të kulturës përgjithësisht. Pra, ne sot këtu e kujtojmë Rugovën si dijetar të madh. Dhe natyrisht prijësi i luftës për liri të Kosovës nuk kishte si të dilte pos si dijetar i madh dhe kjo është faktikisht matrica, ose do të thosha unë formula e prijësve të mëdhenj shqiptarë në dy shekujt e fundit.

Esat Stavileci: E dallonte qëndrimi njerëzor, guximi intelektual, maturia politike

"Kam çmuar qëndrimin e tij prej njeriu, kam çmuar në mënyrë të veçantë guximin prej intelektuali, e kam çmuar maturinë prej politikani. Ndoshta vetëm e ardhmja do të dëshmojë se cili ishte dhe cila ishte figura e Ibrahim Rugovës. Duke qenë edhe vetë pjesë e dhembjes i dërgojë ngushëllimet më të sinqerta familjes Rugova dhe gjithë popullit të Kosovës dhe popullit shqiptarë në përgjithësi".

[size=6][b]Shuarja e dijetarit, prijësit frymëgjatë për pavarësi është humbje e jashtëzakonshme për të gjithë, tha akad.Ismajli[/b][/size]

Prishtinë, 22 janar - Akademia e Shkencave dhe Arteve të Kosovës (ASHAK), ka përkujtuar sot në lokalet e saj anëtarin e saj të nderuar dhe njërin nga studiuesit dhe personalitetet më të shquar të letësrisë dhe përgjithësisht kulturës shqiptare dr.Ibrahim Rugovën, presidentin e Kosovës.
"Shuarja e dijetarit, studiuesit të letrave dhe të kulturës, personalitetit të shquar të botës shqiptare, anëtarit të ASHAK, bartësit të shumë çmimeve e dekoratave ndërkombëtare për paqe, doktor honoris causa të universiteteve të Parisit VIII dhe të Tiranës, prijësit frymëgjatë të lëvizjes për emancipimin dhe çlirimin, për pavarësimin e Kosovës dhe për krijimin e shtetit të pavarur të saj, personalitetit të çmuar për shpalosjen dhe begatimin e vlerave evropiane, dr. Ibrahim Rugovës është humbje e jashtëzakonshme për të gjithë", tha akad.Rexhep Ismaili në fillim të fjalës së tij.
Ismaili përkujtoi se Ibrahim Rugova u shfaq në jetën publike qysh në vitet 1967-1968. "Qysh në shkrimet e para ai manifestoi qartë mëvetësinë dhe pavarësinë e vështrimit dhe të gjykimit, autonominë personale në fushën e kritikës dhe të interpretimit letrar. Në vitet '80 të sh. 20 ai shquhej me hulumtimin historiko-letrar albanistik, me vlerësimin kritik të tendencave për klasifikime dhe përgjithësime lidhur me rrjedhat e mendimit dhe të shkrimit shqip", tha akad.Ismaili. Ai tha se në më pak se dy dekada ai arriti të bëhej ndër figurat e rëndësishme të studimeve letrare në albanistikë, në fushën e kritikës dhe të interpretimit letrar në botën shqiptare. Ai tha se dr.Rugova me veprimtarinë studimore në fushë të letrave e të kulturës shqiptare Rugova "shënoi rritje të cilësisë së atyre studimeve e njëherësh ndikoi në çlirimin e opinionit në ato fusha nga shtrëngesa të ndryshme ideologjike të kohës".
"Rrezatimet e tij çliruese intelektuale u përhapën përmes veprave të tij, përmes projekteve hulumtuese, udhëheqjes së revistave shkencore e kulturore dhe Shoqatës së Shkrimtarëve të Kosovës", tha ai. Akad.Ismaili tha se dr.Rugova kishte depërtuar më thellë me informimet dhe me formimin teorik në frymën e kohës, në rrymimet që merreshin me interpretimin dhe me teoritë estetike dhe në veprat si ajo për Bogdanin, apo monografia e mendimit kritik shqiptar, ai i shkrinte njohjet, hulumtimin personal me interpretimin, kontekstualizimin dhe ndriçimin e fenomeneve letrare e implikimet shoqërore të tyre. "Në mes të këtyre interesimeve estetike, filozofike, teorike letrare, vjen e rishfaqet natyra kontestuese e Ibrahimit dhe kjo ngjet në kohë të rënda zhvillimesh intelektuale në Kosovë e në botën shqiptare. Natyrë joimpulsive, e shtruar, kontempluese, kontestimet e tij vinin nga brenda, synonin qenësoren, depërtonin thellë", tha ai.
Ai tha se ishte fryma shoqërore e pakënaqur me klasën e atëhershme politike, që gjeti tek intelektuali Rugova -liderin, "kontestues konstruktiv, frymëgjatë, mjedisin për idetë e tij vepruese të padhunshme në drejtim të realizimit të idealeve çlirimtare, emancipuese". Por, në personalitetin e tij dhe në lëvizjen shqiptare do të mbrujë humanizmin dhe vlerat më të rëndësishme politike e shpirtërore evropiane e perëndimore të kohës. "Në vitet 1988-89, Dr. Ibrahim Rugova qe zëri mbi zërat që arrinin të artikuloheshin publikisht në mbrojtje të interesave kombëtare, kulturore e të tjera shqiptare dhe fare natyrshëm u bë bashkëbiseduesi më i parapëlqyer i opinionit publik evropian. Në dekadën e fundit të sh. 20 Rugova u njoh ndërkombëtarisht lider i lëvizjes më të madhe paqësore në Evropë, lider i lëvizjes për emancipim, për çlirim kombëtar e për pavarësi të Kosovës", tha ai. Ai tha se presidenti Rugova në vitet '90 me LDK-në, u bë një nga figurat e shquara të lëvizjes politike në Ballkan "drejt daljes nga shtrëngesat e përgjithshme të regjimeve komuniste dhe çlirimit kombëtar". Ismaili, tha se dr.Rugova ishte një nga bashkëbiseduesit e rëndësishëm në kontaktet e Perëndimit me Ballkanin. Ai tha se presidentin dr.Ibrahim Rugova vdekja e gjeti në një situatë delikate për Kosovën dhe fatin e saj të mëtejmë, në fazën e fillimit të pavarësimit të vërtetë, për çka ai luftoi gjithë jetën.
"Na mban shpresa se lëvizja politike që po le pas ai do të bashkohet edhe më shumë dhe ta çojë më tej këtë proces për ta realizuar synimin e popullit të saj, pavarësinë e plotë të Kosovës", përfundoi akad. Ismaili.

[size=6][b]KKSHA: Shqiptarët kudo do të jenë krenar me Presidentin Rugova dhe veprimatrinë e tij[/b][/size]

Uashington, 22 janar - Me pikellimin më të madh morëm lajmin qëe Presidenti i Kosoves, Dr. Ibrahim Rugova, ndërroi jetë. Ky është një lajm tepër i hidhur për Kosovën dhe për mbarë kombin shqiptar. Eshte fatkqesi qe Dr. Rugova nuk arriti te shohe kurorezimin me sukses te perpjekjeve te tij shumevjecare per nje Kosove demokratike, te pavarur dhe sovrane, per te cilen ai punoi aq shume, thuhet në deklaratën e Këshillit Kombëtar Shqiptaro-Amerikan (KKSHA).
Presidenti Rugova filloi veprimtarine e tij diplomatike ne Washington qe ne vitin 1989 per te siguruar perkrahje nga Shtetet e Bashkuara te Amerikes per popullin e tij te pervuajtur. Ai vazhdimisht thoshte se ne shqiptaret kemi mjaft armiq e duhet te perpiqemi te bejme sa me shume miq. Fakti se pothuaj e gjithe bota i erdhi ne ndihme Kosoves ne castin me kritik te ekzistences se saj, eshte gjithashtu merite e ketij burri shteti i cili misheronte Kosoven martire dhe vuajtjet e popullit te saj.
Presidenti Rugova ishte nismetar dhe punoi dite e nate per nje identitet politik shteteror per Kosoven. Ne fillim te viteve 1990 ai u vu ne krye te levizjes shqiptare per pavaresi. Fale menyres paqesore me te cilen ai e udhehoqi popullin e Kosoves gjate kohes se regjimit te ashper te Milloshevicit, Dr. Rugova u kthye ne simbol i paqes dhe arriti te njihet ne arenen nderkombetare si Gandi i Ballkanit.
Ndonese i pllakosur me nje semundje te rende, Presidenti Rugova punoi deri ne castet e fundit te jetes per pavaresine e Kosoves. Shqiptaret kudo qe jane do krenohen me presidentin Rugova dhe veprimtarine e tij patriotike.
Mungesa e Dr. Rugoves ne jeten politike te Kosoves do te ndihet shume. I takon tani te gjithe klases politike te Kosoves qe ta nderoje kujtimin e Presidentit Rugova duke treguar nje pjekuri politike te madhe e duke bashkepunuar edhe me shume per arritjen e qellimit te perbashket, pavaresine e Kosoves. Gjate gjithe historise, kombi shqiptar i dhuroi njerzimit figura te medha krenarie. Shqiptaret kudo, do te jene krenar me Presidentin Rugova dhe veprimatrine e tij. I ndeshur me te keqen gjate 10 15 vjeteve te fundit, Presidenti Rugova, si gjithmone gjate historise sone, ofroi urtesine, miqesine, e qendresen qe kane perbere gjithmone qenjen shqiptare se bashku me besen, nderin e burrenine.
Keshilli Kombetar Shqiptaro Amerikan i shpreh ngushellimet me te thella familjes se presidentit Rugova dhe mbare Kosoves. Vdekja e presidenti Rugova eshte nje humbje e madhe jo vetem per Kosoven, por per mbare kombin shqiptar.

[size=6][b]Ollbrajt: "Isha e nderuar që e njoha"[/b][/size]

Prishtinë, 22 janar - Ish-Sekretarja amerikane e Shtetit Madeleine Albright, i ka shprehur ngushëllimet më të thella Familjes së Presidentit Rugova dhe tërë popullit të Kosovës. Në një prononcim për Express, të shtunën, Albright ka rikujtuar edhe një herë kohën që kishte njohur Presidentin Ibrahim Rugova, duke thënë se është e nderuar që e ka njohur atë.
"Mbajmë zi për ndërrimin e jetës së Presidentit Rugova dhe e kujtojmë trashëgiminë e tij. E ka prekur jetën e gjithë neve... Dhe, unë isha e nderuar që e njoha", ka deklaruar Albright.

[size=6][b]Bashkësia Shqiptaro Amerikane e Virgjinisë, prej sot mban emrin e Dr. Ibrahim Rugovës[/b][/size]

Roanoke/SHBA 22 janar - Në shenjë nderimi dhe respekti të veprës së tij prej humanisti dhe lideri shumëvjeçar kombëtar, Këshilli drejtues vendosi që sot e tutje, Bashkësia Shqiptaro amerikane në Virgjina (SHBA) të emërohet: Shoqata Shqiptaro Amerikane e Virgjinisë "Dr.Ibrahim Rugova".
Pjesëtarët e Bashkësisë Shqiptaro amerikane po e ndajnë pikëllimin me bashkëkombasit e tyre në Kosovë dhe kudo në botë, me rastin e vdekjës së hershme të presidentit Dr.Ibrahim Rugova simbolit të demokracisë, urtësisë dhe mençurisë shqiptare. Vdekja ishte e pamë shirëshme ndaj tij, në këto momente vendimtare e historike për Kosovën, kur pritet të realizohet synimi i rezistencës shumëvjeçare shqiptare të prirë nga ai, u theksua në mbledhjen e Këshillit Drejtues të kësaj bashkësie.
Vepra e tij na obligon të jemi unik dhe këmbëngulës në sensibilizmin e mëtejmë të opinionit dhe qendrave të vendosjës këtu në SHBA në betejën përfundimtare drejt njohjës së pavarësisë së Kosovës, si shtet i paqës, harmonisë dhe lirisë qytetare. Ai na miqësoi me popujt liridashës kudo në botë, të cilët na
përkrahën pa rezervë në rrugën tonë drejt lirisë dhe pavarësisë, prandaj vetëm në këtë mënyrë do ta mbajmë në jetë amanetin dhe vizionin e pavdekshëm të tij.

[size=6][b]Merkel e befasuar nga lajmi i vdekjes se Rugovës[/b][/size]

Berlin, 22 janar - Kancelarja gjermane Angela Merkel është shtangur, kur ka marrë lajmin për vdekjen e Rugovës. Përmes një deklarate zonja Mekel ka ngushëlluar familjen dhe shoqen e jetës së Presidentit kosovar, duke vënë në dukje reputacionin mirë që ai gëzonte në Gjermani:
"Pozicionimi i Rugovës në anën e rrugës së padhunshme dhe demokracisë ka qenë porosia dhe amaneti për të gjthë ata, që mbajnë përgjegjësi politike në Kosovë," - ka deklaruar kancelarja Merkel, duke theksuar se e ardhmja e Kosovës është në Evropë.
Edhe ministri gjerman i Punëve të Jashtme, Frank Valter Shtajnmajer, u ka shprehur organeve zyrtare të Kosovës dhe popullit kosovar ngushëllimet për vdekjen e presidentit Rugova, i cili sipas ministrit socialdemokrat ka qenë i lidhur ngushtë me Gjermaninë.
"Endërra e jetës së tij ka qenë pavarësia e Kosovës, për të cilën është përpjekur në mënyrë të palodhshme, si edhe integrimi i saj në familjen evropiane," - ka deklaruar Shtajnmajer të shtunën në Berlin.

Reagime e tjera gjermane

Ekspertja e fraksionit socialdemokrat në Bundetag për Ballkanin, Uta Capf, është shprehur e hidhurar për humbjen e Rugovës.
"Eshtë një humbje e madhe, sepse si president i ekuilibraur Rugova gjithmonë ka qenë partner i preferuar për perëndimin," - i tha Capf Dojçe Veles. Politikanja socialdemokrate shpreson që pasardhësi i tij do t'i udhëheqë bisedimet për statusin me përgjegjësinë e Rugovës.
Eksperti i liberalëve për Ballkanin, Rainer Shtiner, është shprehur i merakosur për boshllëkun e krijuar në udhëheqjen kosovare. Shtiner i tha Dojçe Veles:
"Rugova ishte padyshim pika qendrore e politikës në Kosovë. Nga boshllëku i krijuar me humbjen e tij ka rrezik të përfitojnë grupet militante, prandaj ka rëndësi që tani Bashkësia Ndërkombëtare e në mënyrë të veçantë, Bashkimi Evropian të kenë kujdes, që Kosova të mbetet e qendrueshme."
Koordinatorja e të gjelbërve evropianë për Ballkanin, Angelika Beer, ka shprehur keqardhjen që Rugova nuk arriti të udhëhiqte palën kosovare në bisedimet për statusin e Kosovës. Beer i tha Dojçe Veles:
"E kam ndjekur për vite me radhë luftën e tij për një zgjidhje paqësore, për një Kosovë që nuk është më e kërcënuar nga Serbia dhe mendoj, se është një humbje e madhe edhe për shqiptarët."
Drejtuesi i sektorit të Ballkanit Perëndimor në fondacionin "Shkenca dhe Politika" nga Berlini, Franc Lotar Altman, në një intrvisë dhënë televizionit të Dojçe Veles, ka thënë se gjetja e një pasardhësi për Rugovën do të jetë e vështirë.
"Ai luante një rol atëror për shqiptarët," - ka deklaruar shkencëtari gjerman. Altman parasheh që konkurrenca ndërmjet kandidatëve të mundshëm për të zëvendësuar Rugovën, të çojë deri në përçarjen e Lidhjes Demokratike të Kosovës, duke vënë në rrezik bisedimet për statusin.

[size=6][b]Gjenerali Çeku: Presidenti Rugova ishte një përkrahës dhe mbështetës i madh i vizionit të TMK së[/b][/size]

Prishtinë, 22 janar - Në mesazhin e TMK së drejtuar familjes Rugova dhe qytetarëve të Kosovës, thuhet se lajmi për vdekjen e Presidentit të Kosovës Dr. Ibrahim Rugova, na ka tronditur dhe prekur thellë edhe ne pjesëtarëve të TMK së.
"Ne qëndrojnë pranë Jush në këto momente të rënda dhe bashkëndjejmë me Ju këtë dhembje të madhe për gjithë qytetarët e Kosovës. Pranoni Ju lutem ngushëllimet më të thella dhe më të sinqerta në emrin tim personal dhe në emrin e gjithë oficerëve, nënoficerëve dhe ushtarëve të Kosovës. Me vdekjen e Presidentit Rugova, Kosova dhe qytetarët e saj kanë humbur një personalitet të shquar dhe një lider të madh, në një moment shumë të rëndësishëm dhe vendimtar për të ardhmen. Mungesa e tij qoftë si faktor prijës, qoftë si faktor uniteti do të reflektohet shumë edhe ne procesin qe kemi përpara. Por ne jemi të bindur se qytetarët e Kosovës dhe institucionet e saj do të vazhdojnë të punojnë se bashku dhe me përkushtim për ta bërë realitet shtetin dhe pavarësinë e Kosovës. Presidenti Rugova ishte një përkrahës dhe mbështetës i madh i vizionit të TMK së, të cilën e shihte dhe e ndjente si Ushtri të Kosovës. Ne i jemi mirënjohës për këtë mbështetje dhe si shenjë nderimi dhe respekti për të do ta ushqejmë dhe mbajmë gjallë këtë vizion", thuhet në mesazhin e TMK së, nënshkruar nga komandanti i TMK s , gjeneral Agim Çeku.

[size=6][b]Bill Klinton: Rugova më impresiononte me devotshmërinë dhe pasionin e tij[/b][/size]

Uashington 22 janar - Ish Presidenti amerikan Bill Klinton ka shprehur dhembjen e tij të thellë për vdekjen e Presidentit Rugova, duke e cilësuar humbje të madhe për Kosovën.
"Në rend të parë, dua t'i shpreh ngushëllimet e mia të thella popullit të Kosovës, me rastin e vdekjes së Presidentit Rugova.
Për mua është dhimbje personale, sepse pata nderin ta njoh personalisht dhe pata respekt dhe admirim të madh për të.
Me Presidentin Rugova jam takur shumë herë në Shtëpinë e Bardhë. Ka qenë kënaqësi, sa herë e kam takuar, sepse çdo herë më impresiononte me devotshmërinë dhe pasionin e tij për paqe, liri dhe për një të ardhme më të mirë për popullin e tij.
Vdekja e Presidentit Rugova është humbje e madhe për Kosovën, por unë shpresoj se vdekja e Dr. Rugovës do t'i inspirojë të gjithë kosovarët që të vazhdojnë të punojnë më me ngulm për paqe dhe liri", thuhet në një deklaratë të ish Presidentit amerikan Bill Klinton.

[size=6][b]Rugova bëri që Kosova të mos mbetet jashtë proceseve të rendit të ri botërorë[/b][/size]

Prishtinë, 22 janar - Për vdekjen e presidentiti të Kosovës, dr.Ibrahim Rugova, Unioni i Inteligjencies shqiptare në Maqedoni, ngushëllon familjen Rugova, kryekuvendarin Nexhat Daci, Institucioneve tjera të Kosovës, LDK-në dhe qytetarët e Kosovës.
“Unioni i Inteligjencies shqiptare në Maqedoni, me këtë rast ndan dhembjen për humbjen e kryetarit të Kosovës, i cili me atdhedashurinë e tij, vizionin e tij prej një lideri të mirëfilltë politik, i cili me strategjinë e tij paqësore bëri që në momente më të rëndësishme të historisë, të ndërkomtarozojë çështjen e Kosovës, që edhe pas rrënimit të murit të Berlinit dhe pas shumë ngjarjeve të disfavorshme për çështjen shqiptare në Ballkan, bëri që Kosova të mos mbetet jashtë proceseve të rendit të ri botërorë”, thuhet në telegram.

[size=6][b]Presidenti Rugova ka qenë gjithmonë një simbol dhe forcë kohezioni për Kosovën[/b][/size]

Prishtinë, 22 janar - "Në emër të përfaqësuesve të Bashkimit Evropian në Prishtinë do të dëshironim që në këtë moment të rëndë të shprehim dhembjen dhe simpatinë e thellë Kryeadminstratorit dhe popullit të Kosovë", shkruajnë në mesazhin e tyre përfaqësuesit e Bashkimit Evropian në Prishtinë.
"Presidenti Rugova ka qenë gjithmonë një simbol dhe forcë kohezioni për Kosovën. Parimet e tija të palëkundura dhe vendosmëria e tij për të punuar për të mirën e Kosovës dhe popullit të tij e kanë bërë atë të ketë respekt, jo vetëm të popullit të Kosovës, por edhe të krejt bashkësisë ndërkombëtare.
Ne e shohim si tragjedi shkuarjen e Presidentit në këtë moment krucial në historinë e Kosovës. Presidenti Rugova nuk do të mund të shohë të gjitha rezultatet e punës së tij, të cilave ua kushtoi jetën.
Ne shprehim shpresën se Kosova do të vazhdojë trashëgiminë e Presidentit Rugova dhe liderët politikë do të qëndrojnë të bashkuar në periudhën e mëtejme, në mënyrë që të përballen me sfidat e ardhshme. Kjo do të jetë mënyra më e mirë për të nderuar kujtimin e Presidentit të ndjerë dhe për t’i treguar botës pjekurinë e liderëve politikë. Ngushëllime të sinqerta", thuhe në fund të mesazhit të përfaqësuesve të BE-së në Prishtinë: i nënshkruar nga Giorgo Mamberto, shef i Zyrës ndërlidhëse të BE-së, Torbjorn Sohlstrom, Përfaqësues personal i Përfaqësuesit të lartë për punë të përgjithshme dhe politikë të sigurimit dhe Aleksandër Bayerl, përfaqësues i Presidencës së BE-së.

[size=6][b]N.Pano: Vdekja e Ibrahim Rugovës trargjedi e madhe[/b][/size]

Uashington, 22 janar - Edhe komuniteti shqiptaro amerikan e priti me pikëllim vdekjen e Presidentit Rugova. Eksperti i çështjeve shqiptare, Profesor Nikollas Pano, e cilësoi humbjen e Ibrahim Rugovës si një tragjedi të madhe për familjen e tij si edhe për mbarë popullin e Kosovës. "Kjo, tha profesor Pano në një intervistë me Zërin e Amerikës, është një ngjarje që mund të ketë ndikim të madh mbi procesin e bisedimeve për statusin përfundimtar të Kosovës".
"Ibrahim Rugova ishte simboli i lëvizjes së shqiptarëve të Kosovës për pavarësi. Ai ishte një udhëheqës revolucionar, që mund të krahasohet me Mahatma Gandin e Indisë dhe Martin Luther Kungun në Shtetet e Bashkuara. Rugova ishte një udhëheqës që kërkonte arritjen e objektivave të tij politike me rrugë paqesore dhe kjo i siguroi atij mbështetje dhe respekt të madh në komunitetin ndërkombëtar", tha profesor Pano.
Pano tha se në një farë mënyre, vdekja e Rugovës i kujton vdekjen e parakohshme të Martin Luther Kingut. Sikurse Martin Luther Kingu, Rugova pati një ëndërr; ëndrra e tij ishte Kosova e pavarur dhe sikurse Martin Luther Kingu, Ibrahim Rugova nuk jetoi për të parë realizimin e ëndrrës së tij. Në këtë pikëpmaje theksoi zoti Pano, kjo ishte një tragjedi e madhe.
Eksperti i çështjeve shqiptare tha se ndikimi i menjëhershëm i vdekjes së Rugovës do të jetë një vonesë në bisedimet mbi statusin përfundimtar. Do të jetë e nevojshme që delegacioni i Kosovës në bisedime të plotësohet, por zoti Pano tha se nuk mendon që do të ketë ndryshime në qendrimin e përgjithshëm politik, pasi anëtarët e delegacionit janë me të vërtetë të bashkuar në të gjitha pikat, kryesisht përfaqësimi i vullnetit të popullit të Kosovës, i cili kërkon pavarësinë.
Profesor Pano tha se çështja tani është të zgjidhet pasardhësi i zotit Rugova, i cili ishte edhe simboli i unitetit të popullit të Kosvës dhe shtoi se çështja sesa do të vonohen negociatat për statusin përfundimtar mund të varet shumë nga negociatat për gjetjen e një pasardhësi të Rugovës.
Megjithatë, ai nuk parashikon ndonjë krizë politike në Kosovë: "Mendoj se do të ishte gabim i madh sikur udhëheqësit e partive të ndryshme politike të Kosovës të angazhohen në këtë kohë në grindje të parëndësishme politike apo luftë për pushtet. Ajo që duhet të ndodhë në Kosovë, tha Profesor Pano, është të hapen diskutimet midis grupive të ndryshme politike nga të cilat të dalë një udhëheqës i pranueshëm për të gjithë".
Ai tha se është me rëndësi që populli i Kosovës të tregohet i qetë dhe i përmbajtur në këtë periudhë kritike kalimtare të historisë së tij. "Është qenësore", shtoi profesor Pano, "që të gjithë në Kosovë ta kuptojnë gjendjen kritike në të cilën nodhet Kosova dhe populli si edhe udhëheqësit e tij politikë të mos bëjnë asgjë që do të largonte vëmendjen nga objektivi përfundimtar, zhvillimi i negociatave që shpresohet të çojnë në pavarësinë e Kosovës.
Edhe ish-kryetari i Lidhjes Demokratike të Kosovës për Nju Jorkun me rrethe, Marian Cubi, i cili shërben tani si nënkryetar i degës, shpehu pikëllim të thellë për vdekjen e zotit Rugova. "Vdekja e Ibrahim Rugovës", tha zoti Cubi, "është një humbje e rëndë për Kosovën dhe mbarë kombin shqiptar. Ai ia përkushtoi gjithë jetën lirisë e pavarësisë së Kosovës si edhe demokratizimit shqipëtar në gjirin evropian dhe me miqësinë e përhershme me Shtetet e Bashkuara".
"Kryetari Rugova", tha zoti Cubi, "na mësoi sesi të orientohemi politikisht dhe shpirtërisht që të bindim botën për lashtësinë tonë, autoktoninë tonë dhe vlerat tona historike e tradicionale.
As zoti Cubi nuk pajtohet me zërat se vdekja e Rugovës do të pasohet me një krizë politike në Kosovë: "Mendoj se veprimtaria e tij ka çuar në krijimin e një mjedisi ku të mos ketë kriza e vështirësi, të mos ketë dyshime për vazhdimsinë politike dhe të përpjekjeve për zgjidhjen e statusit përfundimtar".
Është e kuptueshme, shtoi zoti Cubi, se personaliteti i Rugovës dhe aftësitë e tij nuk mund të zëvendësohen, por vepritaria, bashkëpunimi dhe duresa e tij kanë çuar në organizimin dhe krijimin e institucioneve të themelta të afta për ta udhëhequr popullin në rrugën e duhur.

[size=6][b]Shysel: Ibrahim Rugova i dha trajtë politikës në Evropën Juglindore me personalitetin e tij të fuqishëm[/b][/size]

Prishtinë, 22 janar - Kancelari i Austrisë Volfgang Shysel (Schuessel) ka deklaruar: "Ibrahim Rugova i dha trajtë politikës në Evropën Juglindore me personalitetin e tij të fuqishëm. Ai promovoi zgjidhje paqësore për konfliktin në Kosovë dhe punoi për të ardhmen e Kosovës pa menduar as për shëndetin e vet".
"Austria do të vazhdojë me gjithë fuqinë e saj t'i mbështesë përpjekjet për arritjen e stabilitetit dhe paqes së qëndrueshme në Kosovë", tha kancelari austriak Volfgang Shysel.

[size=6][b]Vdekja e parakohshme e Dr.Rugovës i ka pikëlluar thellë shqiptarët në Zvicër dhe më gjërë[/b][/size]

Prishtinë, 22 janar - "Lajmi i hidhur për vdekjën e parakohshme të dr.Ibrahim Rugovës, Presidentit të Kosovës, liderit të madh, intelektualit dhe humanistit të shquar të Kosovës (Dardanisë), i ka pikëllluar thellë në zemër të gjithë shqiptarët që jetojnë dhe punojnë në Zvicer dhe më gjërë", thuhet në telegramin e ngushëllimit të Bashkimit të Intelektualëve Shqiptarë në Zvicër.
"Vepra dhe emri i dr. Ibrahim Rugovës, kanë qenë dhe do mbeten simbol i Lirisë dhe i Pavarësisë së Kosovës. Ishte arkitekt i madh i pavarësisë së Kosovës. Dr.Ibrahim Rugova do të mbetet i nderuar dhe i respektuar tek populli i Kosovës dhe populli shqiptarë në përgjithësi, brez pas brezi", thuhet ndër të tjera në telegram.

[size=6][b]Volfovic: "Rugovën e kujtoj si një luftëtar të madh"[/b][/size]

Nju Jork, 22 janar - Presidenti i Bankës Botërore, Pol Volfovic, i ka shprehur ngushëllime popullit të Kosovës për vdekjen e Presidentit Rugova, duke e cilësuar si luftëtar të madh për të drejtat e popullit të Kosovës.
"Dëshiroj t'i shpreh ngushëllime të sinqerta popullit dhe qeverisë së Kosovës për humbjen e presidentit Rugova.
Rugova ka lënë pas vete një trashëgimi impresive të veprimit të përkushtuar për paqe dhe për realizimin e të drejtave të popullit të Kosovës. Unë e kujtoj atë si një luftëtar të madh për të drejtat e popullit të tij dhe si një njeri modern dhe të arsyeshëm.
Në këtë moment vendimtar për Kosovën, shpresoj se shembulli i Presidentit Rugova do të ndiqet nga liderët e Kosovës.
Banka Botërore do të vazhdojë ta përkrahë Kosovën në luftën e saj për një të ardhme më të mirë për popullin e saj", thuhet në mesazhin e presidentit të Bankës Botërore, Pol Volfovic.

[size=6][b]BBC: Udhëheqës botërorë Rugovën e quajnë një lider për pavarësi dhe udhëheqës historik të Kosovës[/b][/size]

Londër, 22 janar - Liderët ndërkombëtarë në deklarimet e tyre i kanë shprehur nderim Presidentit të Kosovës, Ibrahim Rugova, duke bërë thirrje të vazhdohet puna e tij për një të ardhme stabile për Kosovën, bën të ditur BBCWorld në një koment të saj.
Pasi jepen prononcimet e Kofi Ananit, Mari Ahtisari, Zhak Shirakut, të cilët Rugovën e quajnë një lider të moderuar për pavarësi dhe udhëheqës historik të Kosovës, ndër të tjera, thuhet:
"Lufta e mosdhunës e z. Rugova për pavarësi i ka siguruar atij respekt të lartë në bashkësinë ndërkombëtare.
Kur presidenti serb, Sllobodan Milosheviq, anuloi autonominë e Kosovës më 1989, z. Rugova themeloi Lidhjen Demokratike të Kosovës (LDK), e cila krijoi sistemin e vet të spitaleve, të shkollave dhe të taksave, duke bojkotuar kështu administratën serbe. Kjo ia dha atij statusin e 'babait të kombit' në radhët e shqiptarëve të Kosovës", thekson seksioni botëror i BBC-së.

[size=6][b]NGUSHËLLIM I MINISTRISË SË SHËRBIMEVE PUBLIKE PËR VDEKJEN E PRESIDENTIT RUGOVA[/b][/size]

Familjes së Presidentit dr. Ibrahim Rugova

Presidencës së Kosovës

Lajmi për vdekjen e Presidentit dr. Ibrahim Rugova na goditi rëndë. Presidenti i Kosovës me urtësi të madhe për më shumë se një dekadë na priu në rrugën e lirisë, pavarësisë dhe demokracisë së Kosovës. Dr. Rugova ishte arkitekt i pavarësisë, vizionar i madh dhe burrështetas me cilësi të larta njerëzore e kombëtare. Në rrugën plot sfida të pavarësisë së Kosovës, Dr. Rugova krijoi shumë miq në botë.

Vdekja e Presidentit Dr. Ibrahim Rugova është një humbje e madhe për Kosovën. Ai u nda nga kjo botë në momentet më të rëndësishme historike për popullin e Kosovës. Ai ishte i përkushtuar për shtetësinë e Kosovës , për demokracinë e saj dhe për vlerat civilizuese dhe perëndimore .Ishim krenar që patëm President dr. Ibrahim Rugovën i cili kultivoi frymën e tolerancës të paqes dhe unitetit.

Ai do të kujtohet përherë si udhëheqës i urtë që ka dhënë kontribut të pazëvendësueshëm për pavarësinë e Kosovës dhe të ardhmes së saj.



Prishtinë, 21.01.2006

MelihateTërmkolli Ministre e MSHP-së

[i][b]Kryetarit te Kuvendit te Kosoves, z. Nexhat Daci
Kryeministrit te Qeverise se Kosoves z. Bajram Kosumi
Kryesise se Lidhjes Demokratike te Kosoves,
Familjes Rugova
Qytetareve te Kosoves [/b][/i]

Telegram ngushellimi
Me dhimbje dhe pikellim morem lajmin per vdekjen e kryetarit te Kosoves, z. Ibrahim Rugova.


Gjithe populli shqiptar, kudo qe te ndodhet, e ndien dhe ndane me Ju dhimbjen per humbjen e madhe per Kosoven, per Ju dhe per te gjithe ne.
Atehere kur kosova kishte me se shumti nevoje per fjalen e Tij te urte, per qendrimin e Tij te qarte, per rolin e tij te rendesishem ne permbylljen e paralajmeruar te procesit te pavaresimit definitiv te Kosoves, Ai nuk do te jete me ne mesin tone.
Duke Ju percjelle ngushellimet e mia, te bashkepunetoreve te mi dhe te gjithe shqiptareve te Maqedonise, Ju lus te beheni te forte dhe dhimbjen ta ktheni ne perkushtim edhe me te vendosur ne percaktimin jetik te kryetarit te ndjere Rugova ; - gjithcka ne sherbim te pavaresise se Kosoves.
Ftoj popullin e Kosoves qe ne keto caste te veshtira jo vetem per familjen Rugova, po per te gjithe ne, te jete dinjitoz ne pikellim, sepse edhe me kete sjellje tonen ne do te deshmojme se Kosova tashme eshte shtet.
Me ngushellime vellazerore.
21 janar 2006

[b]Ali Ahmeti Kryetar i BDI-se [/b]

[size=6][b]Për: Kryesinë e LDK-së
Nga: Kuvendi Komunal i Deçanit[/b][/size]

Ndarja nga jeta e presidentit të Kosovës z. Ibrahim Rugova, është humbje e madhe për institucionet e Kosovës në mënyr të veçantë dhe popullin e Kosovës në përgjithësi. Këtë humbje e rëndon edhe më shumë kjo periudhë nëpër të cilën po kalon Kosova, periudhë kjo e finales së perpjekjeve tona për sovranitet dhe pavarësi.
Urojmë që faktori politik shqipëtar dhe ai institucional, këtë humbje ta
shëndrrojnë në një frymë të unitetit dhe mobilizimit, në këtë fazë delikate
dhe të rëndë për ne.
Pranoni ngushllimet më të sinqerta të Kuvenit Komunal të Deçanit dhe të
popullatës deçanase.

[i]Kryetari i Kuvendit
Nazmi Selmanaj[/i]

[size=6][b]LIDHJA DEMOKRATIKE E KOSOVËS-DEGA NË RAHOVEC[/b][/size]

[i][b]TELEGRAM NGUSHËLLIMI FAMILJES RUGOVA, KRYESISË SË LDK-së, KRYEKUVENDARIT AKADEMIK NEXHAT DACIT DHE KRYEMNISTRIT B.KOSUMI[/b][/i]

Kryesia e Degës së LDKsë në Rahovec, përkatësisht kryetari Ibrahim Kryeziu, bashkë me kryesinë e FR dhe FG të LDK-së, si dhe në emër të anëtarësisë së gjerë të LDK-së në këtë komunë, shpreh ngushëllimet më të sinqerta për vdekjen e presidentit të Kosovës, themeluesit të LDK-së, kryetarit të përjetshëm të LDK-së, vizionarit dhe arkitektit të pavarësisë së Kosovës Dr. Ibrahim Rugova. Kumti për vdekjen e presidentit Ibrahim Rugova, ishte lajmi më i rëndë e më i dhembshëm për të gjithë ne dhe miqtë tanë kudo në Botë. Me këtë rast, Kosova, humbi njeriun e ëndërrave shekullore, burrshtetasin e parë të Kosovës në historinë e re të saj, vizionarin, politikanin, liderin, njeriun e unitetit dhe intergimeve kombëtare e ndërkombëtare. Nuk thuhet rastësisht se njerëzit e mëdhenjë, vdesin heret dhe pa kohë, siç na la edhe presidenti i Kosovës Dr. Ibrahim Rugova, në kohën kur i duhej më së shumti Kosovës dhe popullit të saj e gjithë shqiptarëve.

Vdekja e presidentit të Kosovës, është humbje tepër e madhe dhe e pakompensueshme, pasi ai ishte një burrshtetas i urtë, largpamës, humanist, personalitet i përmasave kombëtare dhe ndërkomëbtare, që trasoi rrugën e një procesi të ri të shtetit të Kosovës së pavarur dhe sovrane. Kjo figurë e ndritshme do të jetë gjithmonë dritë e përjetshme që do të ndriçojë mbi Kosovën e lirë, të pavarur e demokratike, si dhe të integruar në institucionet më të larta ndërkombëtare, për të cilën dr. Ibrahim Rugova punoi, luftoi dhe sakrifikoi deri në fund të jetës së tij. Në këtë rast, Kosova, vështirë ngushëllohet, sepse e humbi njeriun e ardhmërisë së ndritshme, ndërsa miqtë tanë ndërkombëtarë humbën njeriun e paqes e të demokracisë së mirëfilltë.

Rahovec, 22 janar 2006 [i]Kryetari i Degës së LDKsë

Ibrahim Kryeziu[/i]

[i][b]Presidences se Kosovës Kuvendit,Qeveris,dheInstitucioneve,Shtetrore Lidhjes Demokratike te Kosovës Familjes se Presidentit dr Ibrahim Rugova Mbar popullit Shqiptarë në Përgjithësi[/b][/i]

[b] TELEGRAM NGUSHLLIMI[/b]

Me një pikllim të thellë në zemër, të prekur në shpirt, dhe të lënduar në palcë morëm lajmin për vdekjen e Presidentit,,dr Ibrahim Rugovës.

Presidenti Rugova mbeti nje drit e pashuar i cili i ben roje Pavarsises, se Kosoves.Aji ishte arkitekti i Shtetit te Kosoves.Vepra e ti ishte vepër madhështore ku Kosova e shumvuajturë pati për fatë të mirë që në momentët më kyqe të historisë së saji ta ketë në krye të saji një burrë të Shekujve, i cili me nje ndërgjegje të lartë Kastriotase i priu popullitë shqiptarë për dy dekada më radhë. Presidenti Rugova në rrugën e ti të pavarsisë krijoji miqe të shumtë.Pasiqë njihte mirë rrethanatë kohore politike, si dhe dallonte miqtë e vërtet të shqiptarëve aji na bëri mikë dhe aleatë më shtetin me te fortë në Botë me Ameriken. Aji përmes shumë veprimtarëve kombëtarë që vepronin ne Amerikë, e ku në mesin e të cilëve do ta veqojmë mikun e ti më të ngushtë atdhetarin dom Anton Kqirën, depërtoji thëllë tekë administrata Amerikane, dhe nxorri sheshazi për herë të parë të vertëten historike se populli shqiptarë nukë ësht popullë fundamentalistë siqë trumbetoninë borit pansllaviste te Beogradit, porë ësht nje popullë i civilizuar, me një kulturë të lartë Evropiane dhe më një miqësi të pashoqë me Shtetet e Bashkuara të Amerikës. E nderuara Familje e Presidentit Rugova Te nderuar Institucione te Kosovës Duhet te beheni te fortë në këto momente të zisë dhe pikellimit, në këto momentë kurë nga ju dhe ne u nda burri i besës e burrnisë, burri i madhë i kombitë i cili preji fillimitë e deri sa shkoji në jetën e pasosurë punonte për një Kosovë të pavarur dhe demokratike, duke mosë lënë anashë edhe opcionet tjera të mëvonshme për Bashkim Kombëtarë. Madje ky bashkim kombëtarë i trojeve etnike dhe demokratike për një Shqipëri Etnike, e la jetim Presidentin tonë qyshë në moshën njëvjeqare, sepse për kët ideal të shenjët kombetarë ju flijuan babaji Uke Rugova,dhe gjyshi Rrustem Rugova. Në këto qaste të dhimbjesë krenare duhetë të jemi të fortë,të bashkuarë si kurrnjëher më parë, për të quarë në vendë amanetin e Presidentit Historikë te Kosovës dr Ibrahim Rugova. Ne këto qaste te pikëllimitë të thellë edhe ne historianët,studiuesitë dhe veprimtarët kombëtarë që kemi marrë përsipër ndriqimine e historisë tonë ju premtojm se të vërtetën historike do të punojmë që tja shkruajmë dhe lëm brezave, ku do të kenë rastinë të lexojn se ne fundshekullin e njezet dhe fillim shekullin e njezet e një ishte një burrë i madhë i cili me menquri,vizionë të qartë kombëtarë,përmes miqëve të jashtëm, bëri që tja hapë rrugën pavarsisë se Kosovës, dhe më vonë bashkimitë të trojeve Etnike Shqiptare e aji atdhetarë ishte dr Ibrahim Rugova.

I qoftë i lehtë dheu i tokës së Atdheut Presidentitë të Kosovës dr Ibrahim Rugovës. [i][b]Në emër të Keshillitë Organizues për Ndriqimin e Historisë Shqiptare[/b][/i][b]Prof dr Muhamet Shatri Kryetar

Nue Oroshi Sekretar[/b]

Kosovo mourns Rugova
Sun Jan 22, 2006 3:13 PM ET

By Matthew Robinson and Shaban Buza
PRISTINA, Serbia and Montenegro (Reuters) - Thousands of Kosovo Albanians paid tribute to their deceased president, Ibrahim Rugova, on Sunday as the search began for a successor to lead the disputed Serbian province into independence negotiations.

Police said that by early evening tens of thousands had filed silently past Rugova's hillside villa, where he died of lung cancer on Saturday just days before negotiations Kosovo Albanians hope will clinch the independence Rugova championed for 15 years.

Flags hung at half-mast as the 90-percent ethnic Albanian majority contemplated a vacuum left by the two-time president, a charismatic and powerful figurehead who had no clear successor when he died at the age of 61.

The government declared 15 days of official mourning.

The head of the United Nations mission that has run Kosovo since NATO bombs drove out Serb forces in 1999 appealed for unity as direct talks with Serbia begin, postponed from next week to early February after Rugova's death.

"[b]The aim to which he dedicated his life is that of a free Kosovo[/b]," Soren Jessen-Petersen told a special session of parliament.

"It is a vision whose realization remains in the hands of you, Kosovo's political leaders, whose unity and commitment to the president's mission will be vital in the coming months."

Rugova will be buried on Thursday in the capital Pristina, four months after he was diagnosed with lung cancer.

Pristina's main street was to be closed to cars for three days from midnight to accommodate thousands more people expected to visit parliament, where Rugova's body will lie in state from Monday.

"[b]People came from across Kosovo to pay a last visit to a man who lived as proudly as he died[/b]," presidential aide Muhamet Hamiti said of the crowds filing past Rugova's residence.

[b]Parliament has three months to vote in a new president, but Kosovo's Western backers are keen for Rugova's Democratic League of Kosovo to overcome bitter factionalism and fill the void sooner. Analysts struggled to come up with a likely candidate[/b].

"After Rugova begins a period of true democracy, since he left no successor," the Kosovo daily Express wrote. "Now the political competition will be between equals."

Parliament speaker Nexhat Daci, a Rugova ally, was appointed acting president and is reported to want the job long-term.

Television broadcast archive footage throughout Sunday charting Rugova's rise from long-haired dissident scholar to passive resistance icon.

Legally part of Serbia, the province of 2 million people has been run by the United Nations since 1999, when NATO drove out Serb forces accused of the "ethnic cleansing" of Albanian civilians in a two-year war with separatist guerrillas.

The UN Security Council gave the green light to talks on Kosovo's future late last year, responding to growing Albanian impatience with the status quo and U.S. warnings of fresh violence.

The major powers want a decision within the year. Serbia says Kosovo is the cradle of the its nation and can never secede.

But the Albanian majority has ruled out a return to Serb rule after years of repression in the 1990s, when Rugova turned the other cheek while he created a virtual underground state.

His policy of peaceful resistance was eclipsed by the guerrillas in 1998, but he bounced back after the war and was twice elected president.

Diplomats say Western powers will likely override Serbian opposition and steer negotiations over the next six months toward a form of independence, under continued international supervision for years to come

Sunday, January 22, 2006
Condolences on Ibrahim Rugova’s death
[b]UN Secretary General Kofi Annan [/b]expressed deep regret over the death of
Kosovo president and said that Rugova’s death came “at an important stage of
final preparations for talks on future status of Kosovo.” Annan said the president’s
death will not hinder negotiations process.

[b]UNMIK chief Søren Jessen-Petersen [/b]said that President of Kosovo Ibrahim
Rugova was a uniting force. He said the unwavering belief of President Rugova in
his vision for Kosovo led him decisively towards all his life. “The best tribute we
can pay to President Rugova is to stand united in the coming months,” Jessen-
Petersen said.

[b]UN Status Envoy Martti Ahtisaari [/b]said Kosovo lost a historic leader in a crucial
period. “He was symbol of aspirations of Kosovo people,” said Ahtisaari, adding
that he was impressed by Rugova’s visions on the future of Kosovo.
[b]Albanian President Alfred Mo[/b]isiu said the news on the death of Ibrahim Rugova
“touched the hearts and feelings of Albanians everywhere.” He said the loss of
Rugova is great not only for Kosovo but for all those that speak the Albanian
language. [b]Prime Minister Sali Berisha [/b]said Rugova was a symbol of “historical
resistance of Albanians for realizing a centuries-old dream of independence.” He
said he hoped Rugova’s dream for an independent Kosovo will come true as soon
as possible.

[b]NATO General Secretary Jaap de Hoop Scheffer [/b]stated that Kosovo President
Ibrahim Rugova was committed to the idea of a democratic Kosovo. “I am
convinced that his legacy will continue at this crucial stage and lead people of
Kosovo towards the future.”

[b]COMKFOR Giuseppe Valotto [/b]said he lost a great friend in Rugova. He called on
the people of Kosovo to continue to act according to Rugova’s thoughts and
ideals.

[b]EU Foreign Policy Representative Javier Solana [/b]said, “With deep sorrow I
received the news on the death of President Ibrahim Rugova”. Solana said Kosovo
lost a historic leader who dedicated his life to the protection and promotion of
human rights in Kosovo.

[b]Head of European Commission Jose Manuel Durrao Barroso [/b]said Rugova was a
“highly respected leader”. He encouraged all leaders to continue to work in
Rugova’s spirit.

[b]Ursula Plassnik, chairperson of EU’s presidency [/b]said that Rugova, during his
extraordinary political career worked tirelessly for the interests of Kosovo.
US State Department issued a statement where it says that Kosovo lost a dearlyloved
leader and USA lost and old and respected friend. State Secretary
[b]Condoleezza Rice [/b]said United States will work with all citizens of Kosovo to build
a society based on principles of democracy, human rights and interethnic tolerance
“so highly appreciated by President Rugova.”

[b]British Foreign Secretary Jack Straw [/b]said Rugova was one of the most popular
figures in Kosovo. He said people of Kosovo should continue work on a stable and
multiethnic society.

[b]German Chancellor Angela Merkel [/b]said Rugova’s commitment against violence
should be a “legacy to all politically responsible people in Kosovo.”
[b]French President Jacques Chirac [/b]said, “Today, France…pays tribute to historic
role and courage that led Ibrahim Rugova to protect democratic rights of Kosovo
people.”

[b]Italian Foreign Minister Gianfranco Fini [/b]expressed condolences of Italian
Government to the people and administration of Kosovo.

[b]Austrian Chancellor Wolfgang Schussel [/b]said that Rugova with his strong
personality contributed to the policymaking in the southeastern Europe.
[b]Bulgarian Foreign Ministry [/b]issued a press release where it stated that the death of
Kosovo President comes at a delicate moment. “We are convinced that the
wisdom and pragmatism of Ibrahim Rugova will characterize the goals of leaders
that are to replace him,” reads the release.

[b]Croatian President Stjepan Mesic [/b]said Kosovo lost a leader who’s peaceful and
calm politics is needed in this key moment Kosovo is going through. “Ibrahim
Rugova will be remembered not only as a regional politician but as one of the
main characters in the events that occurred in former Yugoslavia in years
following its disintegration.”
(Kosovo Media)

[b]OSCE Ambassador in Kosovo Werner Wnendt said President Rugova shall be
missed by all.[/b]

Fundi i gandizmit apo lindja e nje miti
E Diele, 22 Janar 2006
Nga Sokol Dervishaj



Vdekja e Rugoves nuk eshte thjesht fizike. Ajo eshte padyshim kryelajmi i rajonit dhe shqetesimi me akut i kancelerive me te rendesishme boterore. Kosova mbeti pa President dhe LDK pa kryetar. Vakumi qe krijohet do te kerkoje nderhyrjet kirurgjikale me te sofistikuara politike dhe diplomatike, pasi nuk jeton me njeriu qe i dha dimension boteror njeres prej ceshtjeve ende te pazgjidhura te gjeopolitikes globale me gjithe dritehijet qe e kane shoqeruar. Pa dyshim qe vdekja e tij fizike ishte e pritshme, pasi Rugova kishte kohe qe vuante nga nje semundje e pasherueshme. Por ajo ishte edhe e parakohshme, pasi Kosova gjendet ne momentin me te rendesishem te te gjithe ekzistences se saj pa liderin historik, i cili u be i njohur ne te gjithe boten, jo aq per shallin simbolik qe mbante rreth qafes, sesa per politiken e tij te rezistences gandiste dhe lidershipin e pazevendesueshem qe i dha nje populli martir ne ditet e tij me te veshtira. Figura shume komplekse e Rugoves eshte shume e veshtire te zevendesohet, pasi ai ben tashme pjese ne ate komunitet te vogel personalitetesh dhe shtetaresh qe i kane vene vulen historise, jo vetem te vendit te tyre. Mungesa e tij ne negociatat e arferta per statusin e Kosoves e le kete te fundit pa negociatorin e saj kryesor, nje hapesire qe veshtire se do te mbushet ne lartesine e tij nga dikush tjeter. Mungesen e Rugoves do ta ndjejne si miqte ashtu edhe armiqte e tij. Bashkeqytetaret e tij kosovare do ta ndjejne kete mungese ne jeten e tyre te perditshme dhe ate te perspektives, pasi guri me i rende i themelit te shtetit te ardhshem kosovar nuk eshte me atje. Shume do ta ndjeje kete mungese politika kosovare, e cila mund te marre konfigurime krejt te reja dhe te paparashikueshme per shkak te nje hapesire personaliteti dhe politike shume te madhe qe mbetet pas. Mungesen e tij do ta ndjejne te gjithe bashkeatdhetaret shqiptare, te cileve do t'u mungoje njera prej figurave me epokale dhe influente te historise se kombit shqiptar. Ai do t'i mungoje gjithashtu politikes dhe diplomacise nderkombetare, per te cilet ai ishte perfaqesuesi dhe udheheqesi kryesor i shqiptareve te Kosoves edhe ne ditet me te errta dhe te paqarta te karrieres se tij politike. Kete mungese do ta ndjeje gjithashtu edhe politika ne Beograd, e cila tashme duhet te ballafaqohet me nje drejtues te ri negociatash, i cili nuk mund te kete staturen politike te Rugoves dhe as ndikimin e tij absolut mbi ndjenjat dhe besimin e popullit kosovar. Prandaj vdekja, pervec se e largoi fizikisht nga kjo jete dhe kjo ishte me e shumta qe mund te bente, i jep atij dimensionin e nje miti dhe heroi te pazevendesueshem, qe ka lene gjurme ne historine e vendit te tij dhe qe ka qene nje nder aktoret kryesor te ngjarjeve megadimensionale ne kete rajon te trazuar te botes qe quhet Ballkan e qe ka shembur disa perandori.

23 janar 2006 /TN

[b]Zëri i Amerikës [/b](22.01.2006) - Besim Abazi

Kryetari i Parlamentit të Kosovës, Nexhat Daci, i cili sipas Kornizës Kushtetuese të Kosovës, trashëgon postin e presidentit, tha sot në një intervistë për Zërin e Amerikës se Prishtina do t’i dëshmojë botës së Kosova është vend i stabilitetit në Ballkan. Në intervistën që i dha Zërit të Amerikës, ai tha se institucionet janë të gatshme t’i përmbushin detyrimet e tyre në pajtim me përgjegjësitë kushtetuese e ligjore.

[b]Zëri i Amerikës[/b]: Zoti Daci, ku është Kosova 24 orë pas vdekjes së presidentit Rugova?

[b]Nexhat Daci:[/b] Kosova është në rrugën që 16 vite më parë e ka filluar presidenti Rugova. Dhe unë i garantoj shqiptarët jo vetëm të Kosovës por shqiptarët në diasporë, në Shqipëri, në Maqedoni, në Luginë të Preshevës, në Mal të Zi dhe në Evropë, që personaliteti i Rugovës është obligim shpirtëror i qytetarëve të Kosovës, i shqiptarëve në veçanti që ta vazhdojnë atë rrugë që jemi afër finalizimit të saj.

Kosova është në dhimbje të thellë për humbjen e personalitetit kryesor të shekullit që kaluam për Kosovën. Por, Kosova është krenare më tepër se gjithkush në Evropë që pati fat ta ketë një personalitet të tillë që të jetë lider jo vetëm shpirtëror por dhe politik edhe krijues dhe janë obligime të mia në institucione, të qeverisë, parlamentit dhe partive politike që të ruajmë një unitet edhe më funksional se sa e krijuam me presidentin dhe janë obligimet e mia në institucione që t’i shtojmë mundin dhe djersën tonë për ta finalizuar atë që presidenti Rugova i thoshte gjithkujt, njohjen formale të pavarësisë së Kosovës.

Në të njëjtën kohë do të doja t’i shprehja falënderimet ose të them ngushëllimet për presidentin Clinton dhe madam Albright që aq shumë bënë për idenë e Rugovës, për sjelljen e demokracisë në Ballkan, por edhe NATO-s dhe të gjitha vendeve të Bashkimit Evropian.

[b]Zëri i Amerikës[/b]: Vdekja e presidentit Rugova ndodhi në një periudhë shumë të ndjeshme për Kosovën kur kanë filluar edhe bisedimet për zgjidhjen e statusit politik të saj. Si mendoni se mund të reflektohet mungesa e tij në këtë proces?

[b]Nexhat Daci:[/b] Unë mendoj duke e njohur mentalitetin e popullit tim, kjo ngjarje tragjike për ne do të jetë mobilizim i shumëfishtë që unitetin e krijuar në institucione pozitë – opozitë jo vetëm ta ruajmë por ta forcojmë edhe më tepër. Të mos bëjmë asnjë hap, asnjë gjest që do të dëmtonte këtë unitet dhe me këtë do t’i tregonim bashkësisë ndërkombëtare që shqiptarët janë faktor i rëndësishëm në Ballkan, faktor stabiliteti, ndërsa Kosova e përgatitur për shtet sovran dhe të pavarur.

[b]Zëri i Amerikës:[/b] Ndonëse ka vetëm një ditë nga vdekja e presidentit, tashmë diskutohet për trashëgiminë politike të tij, duke theksuar se ka lënë një zbrazëtirë në udhëheqjen politike të Kosovës. A do të kenë institucionet e saj kurajë të mjaftueshme për të tejkaluar këtë posaçërisht kur bëhet fjalë për trashëgiminë politike të tij?

[b]Nexhat Daci:[/b] Unë besoj që kosovarët kanë kapacitet, kanë vullnet, por mbi të gjitha kanë obligim, që atë barkë, atë anije të udhëhequr në mënyrë brilante nga presidenti Rugova, nuk do të mundohemi t’ia ndërrojmë as kursin as ta destabilizojmë. Jam i bindur thellë se ka shumë vullnet në këtë drejtim në LDK (Lidhja Demokratike e Kosovës) dhe në Kosovë dhe institucionet janë të gatshme që obligimet e tyre konform përgjegjësive kushtetuese, ligjore dhe shoqërore t’i kryejnë dhe t’i udhëheqin si duhet.

[b]Profeti nga Cerrca [/b]

E Diele, 22 Janar 2006

[b]"Vetem Hazreti Muhamedi, tani Rugova, kane qene. Njeri si Rugova nuk mund te lind nene shqiptare mbi kete toke". Keshtu thone bashkefshataret e Ibrahim Rugoves ne vendlindjen e tij ne Cerrce te Istogut [/b]

Nga fshati Cerrce i Istogut

Nebih Maxhuni

Heren e fundit tashme me te ndjerin Ibrahim Rugoven ishte takuar para nje viti gjate ceremonise se perurimit te rruges Istog-Peje. Lokja Myze Hasanaj, rreth te 65-ve, prej se kishte marre vesh per vdekjen e Presidentit Rugova, asaj nuk iu kishin ndalur lotet per humbjen e fqinjit te pare. Kjo plake thote se Rugova ka qene njeri i urte dhe se ishte rritur jetim, ngase babai e kishte lene ate vetem nje muajsh.

Myza para 41 vjetesh ishte martuar ne Cerrce, ku kishte lindur Presidenti Ibrahim Rugova. Edhe pse ne moshe te shtyre, kujton shume qarte se si ishte rritur dhe shkolluar Ibrahim Rugova. "Une e mbaj mend shume mire. Eshte shkolluar per gazep, nena e ka shkolluar vete se Serbia ia ka vrare baben dhe babagjyshin e tina", thote plaka, e cila nuk pushon se qari per vdekjen e Presidentit dhe fqinjit te saj.

I kujtohet shume mire gjithe historia e Rugoves, por ne mendjen e saj sillen vetem dy gjera. Fotografia qe ka bere me Presidentin tashme te ndjere si dhe mbajtja peng me gjithe familjen e tij nga forcat e sigurimit shteteror te Sllobodan Milloshevicit. "Njeri ma te mecum nuk ka, pasi ai ka luftue shume per Kosoven vec ne burg cka ka hjek prej shkijeve gjate luftes, vetem ai e din dhe nuk ia m' rrini ymri me ba Kosoven shtet sovran dhe te pavarur", thote plaka Myze Hasanaj, e cila kishte dale para shtepise se saj dhe shikonte cdo njeri qe hynte ne familjen Rugova per te ngushelluar.

Ajo tere kohen sa po fliste, luste Zotin qe Kosova te behet ashtu sic kishte kerkuar Rugova ne cdo takim te tijin me burreshtetas te ndryshem per njohjen formale te pavaresise se Kosoves. "Ishalla more Zot bohet Kosova qysh ai ka pas qejf . Eshte dem i madh qe vdiq Rugova per Kosoven se nuk mujti me prit Kosoven te pavarur pas gjithe asaj qe ka bo", rrefen ajo.

Ndryshe, prej se mediat ne Kosove kane raportuar per vdekjen e Presidentit Ibrahim Rugova, turma e njerezve ia kishte mesyre shtepise se familjes Rugova ne Cerrce te Istogut, per te ngushelluar per vdekjen e Rugoves. Ismajl Rugova, djali i axhes se Ibrahim Rugoves, thote se pak para ores 12 te mesdites vellai i tij, Naseri, kishte njoftuar per vdekjen e Presidentit.

"Ka qene lajm te cilin nuk e kemi prit ne keto momente. E kemi marre lajmin shume rende, eshte humbje e madhe per familjen si dhe popullin e Kosoves", thote Ismajli, i cili kishte dale ne hyrje te shtepise dhe priste njerezit qe vinin per te ngushelluar. Ismajli thote se shume njerez te Kosoves nuk e kane ditur se kush ka qene Ibrahim Rugova, por pas vdekjes se tij gjithcka do te merret vesh. Ai thote se eshte rritur si femije se bashku me Rugoven dhe se kane jetuar se bashku ne nje shtepi.

"Kemi jetuar ne bashkesi se kemi ndare kurre nga vellezerit ne jemi gjashte dhe Ibrahimin e kemi konsideruar si vellain e shtate", tregon Ismajli. Ai thote se karakteristike e Ibrahim Rugoves ka qene se qysh si femije ishte i urte dhe nxenes e student i dalluar. "Une shume e kam ngucur gjate jetes, s'ka dite me kthye dore kurre. Ai ka mbet jetim njemuajsh, e ka rrit baba im, e ka shkolluar deri sa ka shkue ne Prishtine per studime. Ka qene nxenes shume i zgjute. Vetem kujtime te mira kemi prej tij", thone ne familjen Rugova.

Ne familjen e tij ne Cerrce thone se Rugova ka qene nje intelektual i rralle dhe burreshtetas i mire, qe ka punuar per ceshtjen e Kosoves. "Ka punuar per me arrit qe ta beje Kosoven shtet enderr, kjo e secilit shqiptar, por Zoti i madh dhe qe ndodhi kjo..., por prape jemi te bindur se se bashku do ta realizojme endrren e tij", thone familjaret. Nga viset e ndryshme te Kosoves, njerezit vinin per te ngushelluar familjen Rugova. Sipas familjareve, ne oret e vona eshte paralajmeruar te vine shuam zyrtare te institucionesh ne Cerrce per te ngushelluar familjen Rugova per vdekjen e Ibrahim Rugoves.

"Fshataret shume jane te pikelluar, i gjithe fshati u organizua per te shkuar ne Prishtine, ne Velani, per te bere homazhe. E kemi deshte jo si President, por si bashkefshatar, ka qene shembull gjithmone", thone ne vendlindjen e Presidentit Ibrahim Rugova.

Pak para rruges qe con drejt familjes Rugova ishin mbledhur shume bashkefshatare te Rugoves per te udhetuar drejt rezidences, ku tashme gjendet trupi i pajete i tij. "Une Dr. Ibrahim Rugoven e njoh prej feminise. Ka qene 5 vjet para meje qitu i kemi shpijat vetem Hasreti Muhamedi, se njeri ma te mire se Ibrahim Rugoven nuk lind nene shqiptare ne Kosove. Sot kesi njeri nuk ka as kurre nuk ka me lind, u kon i urte, i sjellshmi, i shoqerum me cdo njeri po deri qaty e ka pas...", thote Muhamet Magjari, banor i Cerrces. Ne oret e mbremjes nje autobus me perplot cerrcas kane udhetuar drejt Prishtines ne rezidencen e Ibrahim Rugoves.

I ndjeri Ibrahim Rugova heren e fundit ne vendlindjen e tij kishte shkuar para nje viti per te prere shiritin perurues te rruges Peje-Istog. Presidenti Ibrahim Rugova eshte larguar nga fshat i tij i lindje, Cerrce, ne vitin 1970 per te jetuar ne kryeqytet. Por, ai here pas here kishte shkuar ne familjen e tij ne fshat per te vizituar me te dashurit e tij. Qe nga viti 1990 kur ishte zgjedhur kryetar i Lidhjes Demokratike te Kosoves, Ibrahim Rugova ishte pare me rralle duke udhetuar ne Cerrce te Istogut.

Diten e varrimit, te merkuren, bashkefshatare te tij do te organizojne qe me autobus te vine deri ne Prishtine per t'i dhene lamtumiren e fundit bashkefshatarit te tyre si dhe njehere ish kryetarit te Kosoves, Ibrahim Rugova. Ne qytetin e Istogut, me t'u kumtuar lajmi per vdekjen e tij, ishin ngritur flamujt kombetare ne gjysmeshtize ne shenje zie.

[b]Prishtina vajton Presidentin

E Diele, 22 Janar 2006
Qytetaret e Prishtines jane te merzitur me vdekjen e Presidentit te Kosoves, Ibrahim Rugoves. E cilesojne si njeri te paqes dhe mirekuptimit, i cili e ka treguar veten ne momentet me te veshtira qe ka kaluar dhe po kalon Kosova [/b]
Milot Hasimja

Artan Behrami

Vdekja e Presidentit i ka shkretuar dje rruget e Prishtines, te cilat ndryshe nga dite tjera te fundjaves, nuk gumezhinin nga qytetaret e shumte. Ne fytyrat e qytetareve verehej pikellimi, ndersa dhimbja edhe me shume shtohej kur nga radio transistoret per cdo ore perseritej lajmi per vdekjen e Presidentit te Kosoves, dr. Ibrahim Rugova. Fjalet nuk mjaftonin per ta treguar dhimbjen, por emocionet ne fytyrat e qytetareve tregonin qarte per gjendjen emocionale, e kesaj dhimbjeje i shtohej edhe qetesia qe mbreteronte ne rruget e kryeqytetit.

Fjalet qe me se shumti perseriteshin ishin "ngushellime, ngushellime", ndersa pas tyre pasonin shtrengimet e duarve te qytetareve te cilet ngushellonin njeri-tjetrin. Kafenete e kryeqytetit ishin te mbushura plote me qytetare, fytyrat e te cileve ishin te drejtuara ne televizionet e varura ne mure per te mesuar me shume rreth vdekjes se presidentit te tyre.

Te gjithe e kishin pritur se nje dite do te vdese, por e kishin te veshtire qe te besonin se e shtuna do te jete dita e zeze per Kosoven. Lejla Dyla e kishte te veshtire qe t'i shprehte emocionet e saj me fjale, lidhur me vdekjen e Presidentit Ibrahim Rugova. Asaj i dridhej zeri dhe faqet i kuqeshin, ndersa nga syte e saj pikonin lot qe tregonin dhimbjen e saj per Presidentin.

"Eshte nje humbje shume e madhe.....", ishin vetem keto fjale qe Lejla i nxori nga goja, ngase lotet dhe fytyra e ngrire e saj tregonin me se miri pikellimin qe ndiente ne ato caste per vdekjen e Presidentit Rugova. Per shume kryeqytetas, Ibrahim Rugova ishte mit dhe ne mendjen e tyre i pazevendesueshem, i tille ka qene dhe do te mbetet perhere edhe ne kujtesen e kitaristit te njohur kosovar, Shefqet Hoxha nga Prishtina. "Ibrahim Rugova eshte ba mit i shqiptareve kosovare", thote Hoxha, duke shtuar se vdekja e tij megjithate ka qene nje fakt qe tashme sa kohe pritej.

Ndonese shpresat per t'u sheruar plotesisht nga semundja e rende e kancerit qe kishte Presidenti Rugova ishin shume te vogla, Shefqeti megjithate ka shpresuar qe do ta priste pavaresine, per te cilen ai ka luftuar tere jeten e tij. "Edh pse eshte pritur kjo vdekje, me ngushellim shume te madh e kemi pritur, Ibrahim Rugoves i kemi shume borxh, ai ishte luftari i palekundshem gjate gjithe terrorit serb ne Kosove dhe asnjehere nuk iu treme syri dekada me radhe", tregon Shefqet Hoxha i pikelluar thelle me vdekjen e Rugoves.

Pikellimin per humbjen e jetes se Presidentit Rugova e shpreh edhe Aziz Salihu, boksieri me i mire kosovar i gjitha koherave. Vdekja e Rugoves per Azizin "eshte nje humbje per gjithe Kosoven, duke e cilesuar ate si nje njeri te urte i cili fale politikes se tij paqesore nuk eshte dorezuar as ne kohet me te veshtira". "Eshte nje humbje e madhe per Kosoven, eshte shume keq qe ai nuk e ka pritur pavaresine e Kosoves, ai ka ba cmos, i vetmi ai kurre nuk eshte dorezu dhe e pruni krejt boten ne Kosove", thote boksieri Salihu. Ndersa syte po i mbusheshin lot, Presidenti Rugova per Salihun eshte nje njeri qe veshtire se mund te nderrohet dhe te gjendet nje si ai. "Vec Rugoven nuk mundet me nderrua kerkush hic, duhet tash populli me zgjedh nje kryetar tjeter, por si ky nuk eshte kerkush. Nje kohe e gjate ka me shku per me pas nje njeri si ky. Ai eshte njeri i madh edhe kane me pa shqiptaret ca ka me bo bota per to", thote Salihu.

"Per mu si Azis, si sportisti ma i madh shqiptar, une vete , familja ime, gruja ime, f' mit e mi jane te hendikepum jane te merzitur , ai njeri eshte njeri i madh edhe do te shkon nje kohe e gjate e nuk do te kemi asi njeri", thote Salihu.

I tronditur rreth vdekjes se Presidentit Rugova ishte edhe qytetari i vjeter i Prishtines, Avni Plepolli. "Jemi shume te tronditur..., shume ai ka qene personi me i merituar gjate ketyre viteve Kosova duhet te mburret me veprat e tij', shprehet ai, duke kujtuar momentin kur e ka marre lajmin per vdekjen e Presidentit.

Alban Isufi, nje i ri nga Prishtina, ishte tronditur me vdekjen e Presidentit Rugova, duke e cmuar ate si nje njeri te paqes dhe nje njeri te pazevendesueshem per vendin te cilin e ka pasur. "Dr Rugoven e cmoj si njeri dhe si politikan famoz i popullit tone, si njeri i paqes,. Eshte i pazevendesueshem", thote Albani, student i shkencave politike. Albani mendon se me vdekjen e Rugoves do te vine edhe problemet, posacerisht kur per disa dite do te fillojne negociatat, ndersa lideri mungon. Qamil Galimunes nga Prishtina i dhimbset tej mase Presidenti Rugova, duke e cilesuar ate si njerin nga personat qe ka marre detyren ne kohet me te veshtira. "Po mu dhimet shume valla se ai e ka marre ate detyre atehere kur u kane ma s' veshtiri", thote ai. Qamili tashme e ka hallin se kush do te mund te ta zevendesonte presidentin e ndjere dhe kush do te mund ta kryente punen sikurse ai.

[size=6][b]TRAGJIZMI I TE NESERMES[/b][/size]
[i]
KOLEC TRABOINI, Boston[/i]

Vdekja e Rugoves eshte nje dhembje deri ne fatalitet, eshte nje tragjedi qe e perjeton mbare populli. Por pertej dhembjes e tragjedise qe shoqeron cdo vdekje njerezore, vdekja e Ibrahim Rugoves eshte dhembja per nje humbje te pazevendesueshme ne nje moment kritik per fatet e Kosoves, nje prej sfidave me te rrezikshme qe koha e fati u ve perpara shqiptareve.
Ne kete kuptim tragjizmi me te cilin nisi dhe u mbyll jeta e nje lideri, kalon tek populli i tij pa mundur kurre te sherohet nga kjo dhembje deri ne fund. E kjo jo se Ibrahim Rugova kur ishte femije pa ti pushkatohej babai prej pushtuesve serb ne prak te shtepise, pa ti pergjakej femijeria e vet, cfare e shtyti mesaduket ne idete e tij paqesore dhe te urrente dhunen, por per faktin se askush nuk do te mund te kete ne te ardhmen profilin e tij si paqeberes. Ndoshta ky eshte shkaku qe populli i thjeshte, ndryshe prej politikaneve, e besonte ate dhe i kishte dhene qe ne te gjalle atributet e nje profeti, simbolit te paqes.
Te ishte vrare Ibrahim Rugova ne lufte sic i vra i paharruari Fehmi Agani, ndoshta nuk do te ishte ndjere kaq tragjike si sot vdekja e tij fizike, sepse ai moralisht kurre nuk ka vdekur e kurre nuk do te vdese, kjo per faktin se atehere ishte lufte dhe ne lufte faktori Rugova nuk ishte zoterues i gjendjes e i rrjedhojave, ndersa ne kohe paqe ai ishte e mbeti zoterues i plotfuqishem e i pazevendsueshem i situatave ne Kosove.
Rugova ishte paqesor i luftes dhe luftetar i paqes. Dhe pikerisht vdekja e tij ndodhi atehere kur paqja e triumfi i idealeve te tij per pavaresine e Kosoves kishte me shume se kurre nevoje per urtesine, pjekurine, mencurine dhe gjakftohtesine e Rugoves, cfare gjasat jane te mos mund ti gjejme tek asnje udheheqes tjeter ne radhet e atyre qe bejne sot politiken ne Shqiperi dhe ne Kosove.
Ibrahim Rugova vdiq duke lene pas enigmen se kush do te mund ta udheheq popullin e Kosoves me po ate siguri prej shkembi rugovian drejt lirise, pavaresise se plote e te pakushtezuar, drejt prosperitetit dhe bashkimit te plote ne familjen europiane. Kjo per faktin se shumica e atyre qe sot gjenden ne tribunat e politikes kosovare, jane nje brez luftetaresh qe njohin armet per tu mbrojtur, njohin rezistencen, kane aspirata te njejta me Rugoven sa i perket qellimit final, por nuk kane as aftesite e intuiten diplomatike dhe as autoritetin e tij per tju imponuar opinionit dhe qarqeve diplomatike nderkombetare. Keshtu qe ekipit qe perfaqeson popullin e Kosoves ne negociatat per te ardhmen, u mungon drejtuesi, u mungon kapiteni, ai qe me gjakftohtesi sheh fushen e lojes dhe jep keshillat, orjentimet, ve mencurine dhe argumentin ne sherbim te forces per tja arritur qellimit. Ajo qe e ben gjendjen akoma me te pikellueshme eshte kumti i te nesermes nese bashke me vdekjen e liderit vdes dhe endrra qe pershkoi dy skajet e jetes se tij
Ne sot shprehim dhembje, dergojme ngushellime, shprehim levdata te meritueshme per prinjesin qe vdiq atehere kur nuk duhej te vdiste,shpallim dite zie kombetare, e varrosim me nderime, i veme kurora lavdie mbi varr, mund tu veme emrin e tij rrugeve, shesheve e shkollave por pa mundur kurre ta kthejme pas, cfare do te thote pa mundur qe te shohim nje Rugove te ri, nje udheheqes ne formatin e tij, sa te perfolur dhe aq te admirueshem gandist, per te cilin te kene respekt dhe besim thuajse te verber si populli shqiptar i po ashtu edhe qarqet diplomatike nderkombetare.
Ne fjale te fundit, dhembjen per humbjen e Ibrahim Rugoves e ndjejme sot, por akoma me shume do ta ndjejme neser.

[size=6][b] LAVDI PRESIDENTIT IBRAHIM RUGOVA[/b][/size]
[i][b]Sami Repishti[/b][/i]


Me 22 janar 2006, ne Prishtine, Kosova e Lire, pushoi zemra fisnike e Presidentit te Kosoves, Dr. Ibrahim Rugova. Vdekja e tij, ne moshen 61 vjecare, megjithese jo e pa-pritun, ka trondite zemrat e miljona shqiptareve, dhe miqve e huej ne cdo kand te botes. Humbja e tij ne nji periudhe kritike per trojet dardane e per kombin shqiptar e ban kete humbje edhe ma te thelle. Ngushellimet tona ma te ndieshme per familjen Rugova, kole-get e tij, dhe te gjithe vellaznit e motrat tona shqiptare te Republikes se Lire te Kosoves.



Une e njoha Presidentin Ibrahim Rugova ne prill te vitit 1990, kur ai me koleget e tij erdhen ne Washington,D.C. I qarte ne mendime, i bindun ne drejtesine e kauzes tij, i frymezuem nga idete perparimtare dhe demokratike te botes euro-atlantike, Dr. Rugova kerkoi me binde Administraten amerikane ne drejtesine e kerkesave te tia per mbrojtje te popullsise shqiptare te persekutueme nga autoritetet komuniste serbo-jugosllave, dhe per njohjen e identitetit shqiptar te atdheut tij. Kete mision ai e kreu me sukses, tue fitue kre-dibilitetin e Kongresit dhe Ekzekutivit amerikan. Fale punes tij, sot “problemi shqiptar” ne ish-Jugosllavine ashte ne rendin e dites se diplomacise botenore, e sidomos amerikane.

(Ato dite, Shqiperia per Kosoven ka qene nji udhetare e hutueme ne mes te dy boteve: njena e vdekun bashke me ramjen e turpshme te komunizmit, dhe tjetra e traumatizueme nga mbas-efekti i ketij fenomeni te shemtuem,dhe e paafte me linde si “bote europiane”)



Qe nga viti 1990 e deri sot, une e perkraha me ndergjegje te plote kete figure madhe-shtore te historise bashkekohore te Kosoves martire, e cmova punen e tij, dhe dhashe kontributin tim modest cdo here qe ai e kerkoi. Sot, une vajtoj nji udheheqes shqiptar qe lindi e rriti nana shqiptare, nji shembull te shkelqyeshem te fisnikerise dardane, nji inte-lektual te ndershem e perparimtar, e nji burre shteti qe arrijti shkallen superiore te njihet ne histori si “babaj i kombit” per ma shume se dy miljone shqiptare te Kosoves.



Presidenti Ibrahim Rugova, njeriu dhe vepra, do te mbeten gjithehere nji individ-subjekt i mirenjohjes , dhe nji subjekt-objekt studimi e interpretimi qe do te pasunojne historine tone kombetare shqiptare. Per 16 vjet me rradhe, intelektuali i angazhuem shqiptar, Dr. Ibrahim Rugova, ka jetue me litar ne gryke. Ma ne fund, e mundi smundja, e heshti vdekja fizike. Por Ibrahim Rugova ashte nga ata qe tejkalojne prakun e vdekjes e fitojne permasa universale, ne kohe e hapesine. Kjo figure e shqueme bujarie dardane, ka marre permasa te perhereshme qe mundin edhe vdekjen.

Pushofte ne paqe e lavdi te perjeteshme!

*

Madheshtia e personalitetit te Ibrahim Rugoves u realizue sidomos kur ai perballoi dilemen e terrorit millosheviqian : a duhet te terhiqemi para nji realiteti te ketill qyshe ne fillim, a duhet ta denojme, si duhet te reagojme? A duhet te perpiqemi me e tejkalue, tue e cveshe lakuriq murtajen e terrorit komunist serb para botes e qytetnueme, tue fitue keshtu simpatine e botes, si viktime e pafajshme qe refuzon dorezimin pa kushte? Pergjegja qe dha Dr. Ibrahim Rugova ka qene rezistenca aktive me mjete paqesore,- jo agresionit, jo shtypjes, jo nenshtrimit, dhe jo dhunes si arme e qendreses se patundun , deri ne fitoren finale, te larget ndoshta, por te sigurt.







2

“Levizja e jone- shkruente Dr. Rugova – ka linde nga nji domosdoshmeni (e imponue-me), dhe nga nji zgjedhje e jona ( e ndergjegjshme). Populli e kuptoi se me kohe, na do te fitojme. Ai kupton gjithashtu se nuk ka zgjidhje tjeter vec vete-permbajtjes kur ballafaqo-het terrori…Nji lufte ne Kosove, don te thote masaker… Ne pesojme dhunen shtetnore dhe segragacionin. Qe kjo gjendje nuk ashte nji lufte e hapun, ashte merita e politikes sone paqesore te rezistences.”

Dr. Ibrahim Rugova ka qene arkitekti dhe mjeshtri i punes qe zbatoi kete politike!



Si rrjedhim, nji shoqeni e re shqiptare ka linde ne Kosove! Sot, vellaznit e motrat tona po ndertojne nji jete te re, moderne: nji vazhdimesi kulturale, morale e politike ne Kosove Menjifjale, esencen e nji identiteti dardan te njimendte, para-ardhes i lirise se vertete per te gjithe. Filozofi shqiptar, Ibrahim Rugova, qe humbi gjyshin, dhe babajn 27 vjecar ne vitin e mbrapshte 1945, dy viktima te terrorit serb, dhe qe perjetoi ne Kosovne martire vitet e”vrasjes kolektive te nji populli te heshtun…” (Ch.von Kohl), shprehet keshtu:” Na garantojme se nuk do te kete hakmarrje, na nuk do ta lejojme! Perndryshe, do te desh-tojme ne perpjekjen tone me kepute zinxhirin e dhunes (ne vendin tone)…Na jemi angazhue me adoptue vlerat politike e shpirtenore te Europes (se perendimit)”

Kjo kethese shenon edhe lindjen e patriotizmit te ri e modern ne trojet dardane!



Kundershtimi qe i bahej sistemit komunist ne Kosove ishte perbuzeja e ‘rendit politik’ dhe “qetesise” qe mbeshtetej ne bindjet terroriste qe perjashtojshin ekskluzivisht dhe sistematikisht qeverisjen e qytetareve, dhe te drejtat e tyne me marre pjese ne shoqeni e shtet. Kundershtimi qe i bahej sistemit komunist ne Kosove nuk ishte vetem perbuzeja e nji qendrimi imoral te papranueshem, i nji perspektive politike qe sakrfikonte te drejten e cdo individi me qene i lire. Ky kundershtim merrte formen e rezistences koshiente, kur shtypja e pushtetit te kuq poshtenonte qeniet njerezore, dhe ne formen ma te ulet- sido-mos te pambrojtunit., to dobettit, qe vuejshin pa za ne nji heshtje mbytese. Ky kunder-shtim qe u konkretizue ne rezistencen e organizueme kunder murtajes komuniste serbe ne Kosove ushqeu shpirtent e te gjithe pjesemarresve te revoltuem, sikur dojshin me thane:

O vella, o moter! Une jam me ju! Ju jeni ne zemren time, ne mendjen time, si nji deshmi e gjalle e mesazhit tuej ringjalles qe premton shpresen, shpresen e lirise per te gjithe njerezimin!



Njeriu duhet te kete nji ndjenje te forte lidhje me nji tjeter njeri. Ne mungese te kesaje ndjesie, asgja nuk na afron. Dy qenie njerezore jane te huej per njeni tjetrin. Linde nevoja e pjesemarrjes se pandashme ne njerezimin mbar. Ushqehet e kultivohet ndjesia e bash-kesise, e afrimit, e unjisimit ne nji qellim te perbashket, ne nji rruge te perbashket…ne ndertimin e mbajtjes se nji bote te perbashket. Ky ashte revolucioni paqesor i Kosoves se okupueme. Dhe, ky ka qene edhe mesazhi i levizjes paqesore te Kosoves qe udhehoqi Dr. Ibrahim Rugova. “Kjo ashte rruga e rezistences politike e civile e inspirueme nga nji intelektual i formuem ne shkollen qe refuzon dhunen, ne shkollen e universalitetit te te drejtave, dhe te demokracise.” (Allain e Galmiche)

Ky ashte edhe patriotizmi i ri e modern qe zhvillohet sot ne trojet dardane!





3

Per shqiptarin Ibrahim Rugova, nji Kosove e lire dhe e pavarun ka qene esenca e mendimit tij. Trashegimi tij, deshira tij ma intime, bota e tij qe asgja tjeter nuk e zevendson ose ndryshon, ashte nji esence qe tejkalon cdo gja tjeter ne jeten e tij… Per boten e Rugoves, aty ku mbarojne vlerat e trashegueme shqiptare, aty fillon anti-shqiptarizmi. Per breznine e Rugoves, nevoja e absolutes ne boten e kaosit ka qene – e une mendoj se akoma mbetet – e zevendsueme nga shqiptaret me nji perqafim pa kushte te tokes dardane qe disa here ka marre edhe tone fanatizmi, dhune e agresioni. Kosova e lire dhe e pavarun qe andrroi Ibrahim Rugova, po kultivon patriotizmin e ri dardan…!



Per intelektualin Ibrahim Rugova nji Kosove e lire dhe e pavarun, dhe hymja ne Europe kane qene dhe mbeten nji element i fatit shqiptar, nji paevitueshmeni historike. Ai mendoi per ate, e studjoi ate, e perfytyroi me nji konfidence te plote ne te ardhmen, dhe priti per momentin e duhun me realizue kete element te fatit shqiptar. Kjo ka qene andrra e tij qe ai ushqeu me kujdes, e dashunoi dhe e shperndau rreth e rreth vehtes, per miq e kundershtare njilloj. Intelektual i frymezuem nga idete e Renaissances europiane dhe idealet e humanizmit kontinental, ishte i pergatitun me pranue modernizmin.. Ne shekullin qe jetoi, mendimi i tij intelektual nuk ka qene nji kercim nga konceptet mesjetare ne modernizmin e shekullit njizet. Qe nga studjuesi i Pjeter Bogdanit deri te studenti i Roland Barthes ka nji vazhdimesi pa nderpremje kujdesi per njeriun. Per Dr. Ibrahim Rugoven, nji komb perbahet nga qenie te lira, te krijueme nga Zoti –qe ai besonte- si individe te lire me vullnet te lire (nji fryme kristiane qe ai njohu mire), individe qe jetojne, e mendojne me plot ndjesi.



Ai kuptoi se nji “ideologji” nuk duhet te jete per asnji arsye qofte, “la somma sapienza”, as jeleku i ngushte, ligji “hyjnor” i padiskutueshem dhe i paprekshem. Njeriu, duhet te mbetet qendra e vemendjes sone; cdogja tjeter mendohet ne funksion te sherbimit per njeriun, e vetem per njeriun. Intelektuali aktivist Ibrahim Rugova e kishte te qarte kete aksiome, dhe nuk e trathetoi asnji here. Ai zgjodhi aksionin “…me qellim qe kombet e Ballkanit nji dite te pranojne jeten e perbashket, qe te provoje se ashte e mundun mbrojtja e nji kauze kombetare pa ra ne kurthin e nacionalizmit.” (Allain e Galmiche) Perndryshe, ai do te kishte kalue oret e gjata ne biblioteke…!



Intelektuali aktivist Ibrahim Rugova e kishte te qarte diferencen ne mes te shqiptareve te shtypun, e serbeve shtypes ne Kosove! Te paret njohin vehten plotesisht ne imazhin e krijuem nga vete popullsia shqiptare e Kosoves. Ata identifikohen me vendin e tyne, shkrihen ne boten e vendit tyne, marrin pjese ne jeten e vendit tyne; menji fjale, ata pranojne me jetue ne nji gjendje te mbarsun me tragjedi. Te dytet,. mohojne identitetin kosovar, dhe interesi i tyne ashte vetem akademik, ose tregtar. Serbet nuk e “ndjejne” Kosoven. Prandej, shqiptaret vuejne, dhe luftojne kunder kaosit te ngjarjeve tragjike

qe, me ngulm, ata perpiqen me i transformue ne nji levizje njerezore e clirimtare…!



“Na garantojme se nuk do te kete hakmarrje; nuk do ta lejojme! Ne qofte se qeveria jone qe neser vjen ne fuqi do te lejonte nji gja te ketill, kjo don te thote se qeveria jone nuk ka thane gja, nuk ka ba gja me kepute zinxhirin e dhunes. “Populi i Kosoves ashte



4

angazhue nga Ibrahim Rugova me adoptue vlerat politike e shpirtenore te Europes.” (Allain e Galmiche). Perseri, kjo ashte filozofia e nji intelektuali shqiptar qe ka humbe gjyshin e baben 27 vjecar , viktima te terrorit kmunist, ne vitin e mbrapsht 1945. “ I vrane si kafshet…” shprehet Ibrahim Rugova qe predikon rezistencen paqesore…!



Sa e madhe ashte distanca, sa i nalte ashte superioriteti i udheheqsit Ibrahim Rugova, ne krahasim me ate te Sllobodan Millosheviqit qe zhyti Ballkanin ne furine e luftes e shkaterrimit. I pari ne piedestalin e respektit nderkombetar e kandidat per cmimin Nobel per Paqe; i dyti kriminel lufte para Gjykates Nderkombetare per Krime Lufte ne Hage…!



Kjo “levizje” per adoptimin e vlerave politike e shpirtenore te Europes perfaqeson esencen e nji identiteti dardan te njimendte per cdonjenin, dhe ashte para-ardhese e lirise fizike per te gjithe, pa perjashtim. Nga nji zhvillim i ketill, spjegon Dr. Ibrahim Rugova,

” njerezit angazhohen per nji te ardhme ma te mire; te bashkuem, ata angazhohen, mobilizohen. Ata jane koshiente per kete. Ashte ceshtje jete o vdekje”.

Linde solidariteti i te persekutuemeve!



“Ata (serbet) kane pushtetin; na kemi autoritetin,” shkruen Ibrahim Rugova. “Kjo ashte, ne fund te fundit, baza e qenies sone, paradokset e tyne, ‘te qeshurit nen hijen e litarit’” Kjo ashte arsyeja qe “…populli pa dyshim ma i shtypun ne ish-Jugosllavine ka linde popullin ma te lire”, shkruen gjykatesi francez Antoine Garapon.

“Ketu kam njohe Rugoven. Ai nuk ka ndryshue. Ai ashte gjithenji ai qe ka qene. Rugova ashte nji njeri i rralle, nji ne cdo njiqind vjet, dhe sot ai ashte shpirti i Kosoves.” shprehet prof. Musa Jupolli, i Universitetit te Parisit.

*

Sot, vajtojme humbjen e ketij apostulli te paqes dhe lirise per te gjithe. Por nji dite, poeti, qe dielli e hana e yjet e shoqenojne ne boten qe per ne te tjeret mbetet e erret, do te kendoje…bashke me lyren e tij te prarueme. Sepse, sot para kesaje viktime te rame nga smundja e pasherueshme, njerezimi ushqehet me nji mesim, fisnikerine e te cilit vetem poeti goje-arte ashte ne gjendje me shprehe….



Poet! O kangetar i oreve te dallueme! Mbaje sot per ne te gjalle ndjenjen naltesuese te frymezimit qe na mbushe keto dite soditja e paepun e bujarit te shuem dardan…!



Baldwin, New York Sami Repishti

2006 ish i burgosun politik (1946-56)

aktivist per te drejtat e njeriut

[b]Ibrahim Rugova dhe shqiptarët[/b]

[i]Shkruan: Mezo Baze[/i]

[b]Ibrahim Rugova mbylli të shtunë në mesditë, misterin e tij më të madh, jetën. Me gjithësej tri fjali që shpjegonin dogmën e misionit të tij, ai nguliti në mendjen e shqiptarëve dhe Perëndimit, rrugën paqësore, shtetin e pavarur të Kosovës dhe vlerat perëndimore të shqiptarëve. Askush me kaq pak fjalë, kaq pak veprim dhe kaq pak shanse, nuk dot ë kishte arritutr atë që arriti ai. [/b]

Miliona shqiptarë që janë të prekur sot nga ky lajm, janë ende të shokuar nga pamundësia që patën për të konsumuar atë histori që Ibrahim Rugova prodhoi për kombin e tyre në 16 vite. Miliona ballknas dhe evropianë, po ashtu do ta kishin të pamundur të besonin se një individ i vetëm me vizionin e tij origjinal do të prodhonte një histori të re për vendin e vet, duke mundur prodhimet shekullore të miteve dhe historisë së Ballkanit. Për 16 vite jetë politike, ai ndërroi tërësisht raportet e Kosovës me fiqnjët dhe perëndimin, çmontoi një sistem të tërë që prodhonte histori, politikë dhe vizion negativ për shqiptarët.

Kur ballkanasit e ish Jugosllavisë, rrëmbyen armët dhe nisën luftërat për pavarësi në fillim të viteve 90-të, Ibrahim Rugova arriti të izolojë Kosovën nga konflikti i përgjakshëm me një kurajo dhe vizion i cili funksionoi. Ky vizion i dha Kosovës aleatë perëndimorë para fillimit të luftës, u dha shqiptarëve emër të mirë para përplasjes finale, i dha shoqërisë së Kosovës shanse për solidaritet para fillimit të masakrës, dhe mbi të gjitha i dha një orientim të ri çështjes shqiptare në Ballkan, duke e reformuar atë nga një çështje e pambyllur e “Bashkimit Kombëtar”, në një çështje të formimit të shtetit të Kosvës si shtet i pavarur. Ky vizion po ashtu shpërbëu në pak kohë mitet serbe për Kosovën, dhe çliroi energji të reja edhe në Serbi, për të kuptuar se Kosova nuk është betjea e tyre për jetë a vdekje. Ai ndryshoi edhe historinë e tyre.

Nuk jam i sigurtë nëse shqiptarët e Kosovës e pranuan, si vizion, apo si obsion, projektin e Rugovës, por u pa qartë se në fund ata e pranuan atë si fat. Ai nuk jetoi gjatë por pati aq kohë së të vdiste i pajtuar me të gjithë ata që i janë zemruar gjatë jetës për rugën e tij. Dhe iku pak kohë para se sa shqiptarët ta prekin me dorë produktin e jetës së tij politike, pavarësinë e Kosovës.

Nuk jam i sigurt se shqiptarët zgjodhën Rugovën në fillim të viteve 90-të për ti përfaqësuar, por jam i sigurt se Rugova zgjodhi rrugën e duhur për t’i shpëtuar shqiptarët dhe për t’i bindur ata për rrugën që duhet të ndiqnin. Ndaj ata e pranuan atë si një simbol.

[b]1. Paqja si fuqi[/b]
Në mes të viteve 90-të, Ibrahim Rugova ishte i vetmi njeri i qartë për paqen që po prodhonte. Brenda LDK, brenda Kosovës, por dhe në Shqipëri, duket se kishte një lloj paqartësie për fuqinë e rrugës së tij. Kishte presion për më shumë veprim, dhe ndoshta për organizime klandestine ushtarake. Në një prej qëndrimeve të tij të shkurtëra në Shqipëri, në korrik të vitit 1995, e pyeta miqësisht Ibrahim Rugovën në Durrës, përse nuk u hapte rrugë elementëve më radikalë.

Ishte një njeri që t’i zhvlerësonte të gjitha pyetjet pompoze dhe sidomos përpjekjen për t’i dhënë mend. Por atë moment u bë serioz.

-Nuk mund të bëj ushtri në një vend të pushtuar, tha. Kemi zgjedhur rrugën tonë dhe do t’i mundim.

Ngela keq nga serioziteti i tij. Dhe kisha një mister të madh se si ky njeri arrinte të bindtte të huajt për këtë që thoshte. Ju luta të shpjegonte privatisht se si ja ekspozonte ai të huajve çështjen e Kosovës. Cili ishte fjalori? Cilat ishin faktet?

Po më dëgjonte pa shumë bezdi dhe unë përfitova t’ia ilustorja pyetjen me takimin e para disa ditëve që kishte pasur me Sekretarin Amerkan të Shtetit Uoren Kristofer.

-Thjeshtë ua them. U tregoj që ka pas masakra mbi popullsinë civile. U them që janë mbyllur shkollat dhe universitet dhe ne i kemi hapur ato në shtëpia private dhe jemi vetogarnizuar t’i paguajmë. U them se po kështu kemi hapur shtëpi shëndeti për shqiptarët se janë të diskriminuar nga qeveria e instaluar serbe. Dhe u tregoj se kemi fuqi dhe ndërtojmë një shoqëri tonën, duke prezantuar rrugën paqësore.

Në të vërtet për mua ato ishin fjali të rëndomta, por misteri dhe simpatia që ato ngjallën në kancelarit perëndimore ishin të pashpjegueshme. Kancelaritë panë tek kjo filozofi e thjeshtë mundësitë e një shoqërie për t’u vetorganizuart dhe sinqeritetin e një lideri pacifist. Këtë vizion nuk mund ta kishte kurrë një njeri normal, një shqiptar “me gjak” si gjithë të tjerët. Për këtë arsye them se Rugova ua imponoi si fat shqiptarëve këtë rrugë, rrugën me kosto më të lirë për të prodhuar një histori të re të tyre. Kam frikë se askush tjetër nuk do të kishte zgjedhur atë rrugë që prodhoi fuqinë relae të shqiptarve përmes paqes.

Për të përmbysur historinë që serbët kanë prodhuar për shqiptarët në Perëndim duhen qindra katedra historie. Opsioni i Ruogovës i bëri të pavlefshme ato. Ai nuk prodhoi, por provoi se shqiptarët dijnë të bëjnë një histori tjetër nga ajo që është thënë për ta.

Për të përmbysur fuqinë diplomatike të ish Jugoslalvisë në botë duheshin me dhjetra kancelari aleate. Ibrahim Rugova fitoi mbështetjen jo vetëm të miqëve të kombit shqiptar, por përmbysi vizionin e miqëve historikë të serbisë për shqiptarët dhe Kosovën.

Për të mundur ushtrinë jugosllave, shqiptarët nuk do të mundin dot sikur të mobilzoheshin të gjithë si komb, por vizoni i Rugovës dhe aleancat e tij bën që në dispozicion të kauzës së tij të vihej ushtira më e madhe e botës, NATO e cila ishte pjesë e një prej tri fjalive të Ibrahim Rugovës për 10 vitet e para të tij.

[b]2. Sinqeriteti kundër ëndrrës së shqiptarëve për Bashkim[/b]
Ibrahim Rugova është i pari që ka formuluar në mënyrë të siqnertë tezën për pamvarësi të Kosovës. Prej Kongresit të Berlinit shekullin e 19-të e deri në mes të vitev e70-të, ëndrra e shqiptarve ka qenë bashkimi i Shqipërisë me Kosovën. Obsioni i pavarësisë së Kosovës shihej relaisht si hipokrizi. Ibrahim Rugova është udhëheqësi i parë shqiptar që e ka këtë tezë të sinqert. Ai e kishte të modeluar në vizionin e tij pamvarësinë e Kosvës dhe punoi gjatë ta vizatonte atë për shqiptarët. Ka shumë histori vulgare me simbolet e tij me gurët që dhuronte dhe flamujt që qëndiste, me himnet që prodhonte dhe traditat kosovare që donte të ringjallte, por kjo vinte pik së pari se në atelien e tij politike, modelohej sinqerisht një Kosovë e pavarur. Për shumë të tjerë në Shqipëri dhe Kosovë ky është një opsion politik, por jo i sinqert. Për Ibrahim Rugovën ky ishte një opsion i sinqertë. Ai e respektonte Shqipërinë por kurrë nuk bëri asnjë gjest që të provnte se ishte nën ndikimin e saj. Ai ishte një indipendentist natyral që refromoi platformën e shqiptareve për Bashkim Kombëtar. Ai prodhoi një histori të re për çështjen shqiptare. Ai prodhoi Kosovën e pavarur dhe rikonfigurimin e interesave shqiptare në Ballkan.

[b]3. Vlerat perëndimore [/b]
Rugova po ashtu prodhoi dhe një histori të re të lidhjeve shpirtërore të Kosovës me Perëndimin. Përkushtimi i tij ndaj vlerave kristaine të Evropës, toleranca e tij proverbiale ndaj kundërshtarëve dhe sinqeriteti i tij i pozimit para ikonës së Nënë Terezës dhe Papës, e ktheu çështjen e aleancës së Kosovës me Perëndimin, në një betejë të re të tij. Në asnjë shoqëri imponime të tilla si ajo që Rugova i bënte shoqërisë së Kosovës nuk dot ë kalonin pa probleme. Në asnjë shoqëri me shumicë myslymane, predikimet për konvertim në katolicizëm dhe shkuarja drejt rënjëve kristaine të Evropës nuk do të kishte kaluar pa probleme për një lider. Për Ibrahim Rugovën këto kaluan jo vetëm pa probleme, por me një misticizëm i cili ka çaramtosur çdo zë kundër tij. Ky dimension e bëri atë po ashtu një lider të pranueshëm edhe për qytetarët jo shqiptarë të Kosvës. Ai është lideri që e pranoi Kosova, që ai, vizatoi në mendjen e tij.

* * *

Ibrahim Rugova iku. Me po aq qetësi sa përballoi gjithë betejat e pamigjunushme politike dhe historike, përballoi dhe sëmundjen e qartë të tij. Aq të bukur tentoi ta bënte ikjen, sa shumë kush, nisur nga magjia politike e tij, filloi të besonte dhe tek magjia biologjike e mundjes së kancerit të mushkërive. Për vite të tëra sa herë kam pas rastin ta takoj atë dhe t’i vizatoj si gazetarë miqtë dhe armiqtë e tij, më ka injoruar përshkrimin që i kanë bërë. Nuk kam dëgjuar asnjëherë të pranojë dhe të shprehet për kundërshatrët për kritikët dhe ata që e sulmonin. Nuk jetoi gjatë, por tashmë shikoj se dhe kaq pak jetë sa pati, i mjaftoi t’i bindtte të gjithë se kishte të drejtë. Iku gati pa asnjë armik, pa asnjë kundërshtar, pa asnjë rival dhe kam frikë, pa asnjë pasardhës.

Siç mund të ikte një i dërguar i zotit për shqiptarët.

Tiranë, 21 janar 2006
Autori është analist nga Tirana

[size=6][b]Institucionet arsimore të të gjitha niveleve nuk do të punojnë prej datës 23 - 26 janar[/b][/size]

Prishtinë, 23 janar - Me rastin e ndarjes nga jeta të Presidentit të Kosovës, Ibrahim Rugova, Ministria e Arsimit njofton se nuk do të punojnë institucionet arsimore të të gjitha niveleve në Kosovë, prej datës 23 26 janar 2006.
Ministria u shpreh ngushëllime nxënësve, studentëve, mësimdhënësve dhe të gjitha institucioneve arsimore të vendit.
Kosova dhe arsimi shqip që mbijetoi falë veprës së Presidentit Rugova, humbën njeriun e madh, mikun e arsimit e të dijes.
Vdekja e Presidentit ndodhi në momentet më të vështira, por edhe të rëndësishme për finalizimin e statusit të Kosovës.
Kërkojmë nga të gjithë institucionet arsimore që me përkushtim, disiplinë dhe mobilizim të shtuar të kontribuojnë në përballimin sa më të lehtë të momenteve të vështira që solli ndarja fizike me Presidentin, thuhe në një komunikatë të MASHTT-it.

23 janar 2006 /TN /QIK
Shkruan: Shlomo AVINIER

Ibrahim Rugova, për shumë vite udhëheqës i shqiptarëve të Kosovës, dhe që nga viti 2002 edhe president i zgjedhur i Kosovës nën protektoratin e përkohshëm të OKB-së, është krahasuar me Nelson Mandelën dhe në insistimin e tij që shqiptarët e Kosovës do të arrijnë çlirimin vetëm përmes mjeteve paqësore.

Ushtria Çlirimtare e Kosovës militante, dhe nganjëherë terroriste, mendonte ndryshe, por përfundimisht politika e Rugovës mbizotëroi dhe i fitoi popullit të tij bashkëndjenjen dhe përkrahjen ndërkombëtare në vitet e serta të represionit serb nën Slobodan Milosheviqin.

Fizikisht, ai ishte pikërisht e kundërta e asaj që mund të pritet të jetë një luftëtar shqiptar i lirisë: për të mirë a keq, shqiptarët e kanë imazhin e njerëzve të egër, të pagdhendur malësorë. Rugova dukej paksa si të ishte intelektual hebre nga Varshava e kohës mes dy luftërave - gojëmbël, me sy të pikëlluar dhe të mençur, me zërin që nuk e ngrinte kurrë.

I diplomuar në Sorbonë dhe profesor i letërsisë shqiptare në Prishtinë, ai sigurisht se dukej si profesor, me sytë të mëdhenj e të rëndë, rroba që nuk i përshtateshin dhe një shall leshi që u bë simbol i tij. E megjithatë, ishte ky intelektual në dukje i butë ai që arriti sukses në mbajtjen e kontrollit të popullit të tij.

E takova Rugovën për herë të parë më 1990 në Cavtat, afër Dubrovnikut, kur Instituti Kombëtar Demokratik, me seli në Uashington, bëri njërën nga përpjekjet e fundit për të sjellë bashkë politikanët, shkrimtarët dhe intelektualët nga grupet e ndryshme etnike në Jugosllavinë që asokohe shpërbëhej me shpejtësi. U largova nga konferenca i bindur se treni tashmë ishte larguar nga stacioni dhe se grupet e ndryshme po shkonin secili në drejtimin e vet - dhe të përkushtuar që këtë ta bënin me dhunë.

Megjithatë, duke i dëgjuar zërat e ashpër të serbëve dhe të kroatëve, isha i befasuar nga butësia e Rugovës: ja ku ishte një udhëheqës i një grupi që është viktimizuar më shumë se të tjerët - e megjithatë aty nuk kishte aspak hidhërim, asnjë sharje, aspak urrejtje. Rugova po ashtu kishe arsye të mjaftueshme personale për të mos falur: edhe babai edhe gjyshi i tij ishin vrarë nga komunistët e Titos në konfliktet civile pas vitit 1945.

Me të dëgjuar se unë isha nga Izraeli, ai donte të dinte se si e mbante Izraeli sistemin demokratik në kushtet e luftës dhe rrethimit; ai ishte po ashtu i impresionuar nga historia e vendit në kombndërtim, nga shkrirja së bashku e grupeve ndryshme në një kombshtet. Ai ma dha një libër që e kishte shkruar (në shqip) rreth një filozofi shqiptar të shekullit të 17-të, Pjetër Bodgani, i cili e kishte shkruar një traktat në latinishte të quajtur Cuneus Prophetarum ("Çarja e Profetëve"), dhe ma theksoi kapitullin çër Zoharin dhe kabalistin Sephirot.

Më pas ai e shkroi, në frëngjishte, një përkushtim shpirtmirë personal për mua, duke e përfunduar atë me: "Kombet tona kanë fatin të njëjtë historik". Kur e vizitova atë kah mesi i viteve 90 në shtëpinë e tij në Prishtinë, ai më dhuroi një mineral të rrallë, të nxjerrë, siç e shpjegoi, nga "malet tona".

Kur grupet e tjera në ish-Jugosllavi po e përdornin dhunën për të formësuar shtetet e tyre kombëtare, Rugova e udhëhoqi popullin e tij në një bojkot paqësor të të gjitha institucioneve jugosllave. Në baza vullnetare, dhe i ndihmuar nga kontributet prej diasporës kosovare, Rugova e udhëhoqi popullin e tij në krijimin e institucioneve të shtetit-në-ndër-tim: një kuvend jozyrtar i zgjedhur, një sistem vullnetar i tatimit, shkolla në shqip, një rrjet spitalesh dhe klinikash. Shembulli i Yishuvit hebre në Palestinë ishte pjesë e inspirimit të tij.

Vullneti i Shteteve të Bashkuara dhe i të tjerëve që më 1999 të intervenojnë ushtarakisht në emër të shqiptarëve të Kosovës dhe të parandalojnë spastrimin etnik dhe politikat pothuaj gjenocide të Milosheviqit ia ka borxh shumë mënyrës se si Rugova ishte në gjendje të prezantojë rastin e tij para demokracive perëndimore. Në këtë, Rugova po ashtu ndihmoi në vënien e një standardi për justifikimin e intervenimeve humanitare.

Pas çlirimit nga sundimi serb, Rugova insistoi në pavarësi në bazë të vetëvendosjes. Ai i respektoi lidhjet historike serbe me Kosovën, por megjithatë ishte liria njerëzore, jo pretendimet territoriale, që ishin prioritare në mendjen e tij: me kohë, ai arriti sukses në bindjen e shumicës në bashkësinë ndërkombëtare se kosovarët - që janë më shumë se 90% në këtë rajon - e meritojnë vendin e tyre nën diell.

Duke reflektuar rreth këtij personi të pazakonshëm, patriotik dhe jo të dhunshëm, njeriu nuk mund të përmbahet nga mendimi se sa e ndryshme do të ishte skena jonë në Lindjen e Mesme po të kishin palestinezët një lider si ai. Rruga e Kosovës drejt pavarësisë ende është e shtruar me gurë, por - me disa përjashtime të pakëndshme -ajo nuk ka qenë e hapur me terrorizëm, dhunë dhe bombahedhës vetëvrasës. Populli i tij - dhe bota -duhet t'i falënderohen Ibrahim Rugovës për këtë:

[b][size=6]"Në butësinë e tij kishte çelik." [/size][/b]


(Autori është profesor i Shkencave Politike në Universitetin hebraik të Jerusalemit. Ky vështrim është botuar në të përditshmen më të madhe izraelite "Ha'aretz").

Pristina. AP/baz. Das Kosovo nimmt Abschied von Ibrahim Rugova: Der Sarg des verstorbenen Präsidenten wurde am Montag im Parlament in Pristina aufgebahrt. Zahlreiche Minister erwiesen ihm die letzte Ehre, hunderte Albaner reihten sich vor dem Gebäude in eine Schlange ein. Die Flaggen in der Region wehten auf Halbmast, an den Strassen zeigten riesige Plakatwände das Bild des lächelnden Präsidenten. Rugova war am Samstag an Lungenkrebs gestorben.

Im Beisein von Rugovas Familie wurde der Sarg aus seiner Residenz zu einem Auto gebracht und begleitet von einer Polizeipatrouille zum Parlament gefahren. Der Sarg ruhte dort auf weissen Blumen und wurde von einer Ehrengarde bewacht. Auf dem Sarg war Rugovas persönliche Fahne mit einem doppelköpfigen Adler zu sehen. Der Politiker hatte die Fahne nach dem Kosovo-Krieg 1999 selbst entworfen in dem Versuch, eine einheitliche Identität für die serbische Provinz zu schaffen.

In Erwartung von tausenden Trauernden schloss die Polizei das Zentrum des verschneiten Pristina für den Autoverkehr. «Es wird schwer für ein solch kleines Land, einen so grossen Mann zu ersetzen», sagte Parlamentspräsident Nexhat Daci während einer Trauerfeier am Montag. Es wurde erwartet, dass Daci zunächst die Aufgaben Rugovas übernimmt, bis das Parlament einen Nachfolger bestimmt. Am Montag begann die offizielle 15-tägige Trauerzeit. Im Nachbarland Albanien sollte drei Tage getrauert werden. Rugova wird am Donnerstag in Pristina beigesetzt.

Oto fon Habsburg: Zoti e shpërbleftë në përjetësi Gandin e Evropës

Mynih, 23 janar - Oto fon Habsburg (Otto von Habsburg), kryetar nderi i Unionit Paneuropian në mesazhin e tij të ngushëllimit për Presidentin Rugova shkruan:
"I pikëlluar thellë nga lajmi për vdekjen e Presidentit Rugova ju përcjell juve dhe popullit të Kosovës ngushëllimet e mia të përzemërta.
Zoti e shpërbleftë në përjetësi Gandin e Evropës për përpjekjet e tij të palodhshme në shërbim të popullit të vet, si mbrojtës heroik i të drejtave të njeriut, sundimit të ligjit dhe vetëvendosjes së popujve - synime bujare të jetës së tij në tokë.
Duke përkujtuar përkushtimin e tij për çështjen e bashkimit të Evropës dhe Kosovës së tij si një anëtare e nderuar kësaj bashkësie, Otto von Habsburg, kryetar Nderi i Unionit Paneuropian".

Rekuim për Misionarin


Shkruan Ndue Ukaj

Misionari nuk vdes. Ai si orakull predikon për misionin, bashkon grigjën rreth idesë së shenjtë të misionit dhe shkon në Përjetësi, duke lënë pas vete shpirtin, frymën e misionit, që enden si një shkëndijë udhërrëfyese për breza të tëra.
Shpirti ti tij, mençuria dhe virtytet e tij rrezatojnë gjithmonë. Këto janë tiparet e misionarëve të mëdhenj të njerëzimit.
Historia na dëshmon një gjë të këtillë dhe ne besojmë.
Puna dhe veprimtaria e tij sa shumë i ngjason Profetit Biblik, Mojsiut. Ai nxori popullin e tij nga kthetrat sllave, por nuk e përjetoj pavarësinë.
Këto vlera të larta, universale ishin sublimuar në shkallë profetike, nga Presidenti shpirtëror dhe historik i Kosovës dr. Ibrahim Rugova.
Kosova, shqiptarët dhe bota e moderuar, nuk humbën vetëm një lider të thjeshtë. Kjo është humbja e prijësit, misionar dhe ideatori i gjitha ndryshimeve të mëdha që ndodhën në Kosovë dhe më gjerë. Kjo është humbje e njeriut që ndikoj në ndryshimin e relacioneve në marrëdhëniet ndërkombëtare.
Magjia e filozofisë paqësore, kundrejt një politike vrasëse, që prodhonte vetëm shkatërrime dhe dhunë, ngazëllej zemrat e sa e sa prijësve politikë të kombeve të mëdha. Është kjo magjia e fuqisë së paqes, tamam magji Prometheane që tregoj sa e fuqishme është kjo vlerë. Po ashtu, kjo fuqi bëri të qartë se sa të pafuqishme janë pengesat ndërkombëtare, kur ishte në pyetje domosdoja e mbrojtjes së Kosovës. Bota e tëra u rreshta pas misionit të tij të përcaktuar jetësor. Dhe besoj në të.
Presidenti Rugova kaloj në amshim në vigjilje të jetësimit të realizmit të tij.
Po a nuk është fat i gjithë heronjve të mëdhenj ky!?
Si prodhim i filozofisë, urtësisë dhe strategjisë së tij, Kosova sot është afër së kurrë sendërtimit të idealeve të saja.
Presidenti Rugova, herën e fundit kur ishte në Shqipëri, kur u përkul në gjunjë para heroit Kombëtar Gjergj Kastriotit-Skënderbeut tha: do t’i forcojmë aleancat me aleatet e të madhit Skënderbeu.
Po a nuk është kjo magjia e fuqishme, me një vizion strategjik për të rikthyer kombin shqiptar në Familjen Perëndimore, me dinjitet të plotë.
Dr. Ibrahim Rugova ishte dhe do të mbetet ideator i një politikë moderne, jo vetëm shqiptare. Mjafton të riciklojmë në këto ditë dhembje, strategjinë e tij brilante, Kosova e Pavarur, Integrim në Strukturat Euroatlantike dhe Miqësi permanente me SHBA-të. Me urtësinë e tij, Presidenti në çdo takim me rëndësi, në çdo fjalim i ruante fjalët si visare të çmueshme dhe përshëndeste miqtë dhe liderët botëror, që nga SHBA-të deri të Vatikani. Një vizion, që edhe nëpër shekuj duhet të ndiqet.
Presidenti Ibrahim Rugova nuk ishte, dhe nuk do të mbetet në kujtesën tonë kombëtare dhe botërore, vetëm si lider i përmasave të thjeshta politike, që në botë janë me mijëra; në panteonin e vlerave të mëdha, figura e tij hynë mbi të gjitha me dimensionet e një mendimtar të madhe prej politikani, një iluminist që mishëroj dimensionet etike me ato politike, një personalitet me shpirt të gjerë dhe human, një dijetar i madhe i shkencave shoqërore dhe një kritikë letrar me dije enciklopedike letrare, një shpirt rilindës- dhunti këto të cilat diti mrekullisht t’i kanalizoj në të mirë të idesë së demokracisë, lirisë, Pavarësisë dhe Integrimeve. Objektiva të rrugëtimeve të tij dy dekadëshe në krye të Kosovës. Në këto vite, forca shpirtërore e programit të tij, mbi të gjitha virtyti i lartë i tij, bëri që gjithë bota përparimtare Perëndimore të dal në anën e Kosovës. Një precedent i papërsëritshëm. Dhe një madhështi prej Misionari.
Në një beteje të rëndë, me sfida të rrezikshme, Ibrahim Rugova niset me besimin e tij, si një forcë shtytëse, me dijen e tij, si një pasuri, që i dha mundësi për të argumentuar një kauzë, me përcaktimin e tij të pa alternativë, si virtyt i pashoq që u admirua nga gjithë bota e civilizuar.
Janë këto virtyte dhe vlera kolosale që këtij njeriu i japin përmasa universale.

Në rajonin e Eruropës Juglindore, portreti i fuqishëm dhe shumëdimensional i Dr. Rugovës, me vizionet e një dijetari të madh dhe me sensin e një profeti, filluan ta trandin ideologjinë famëkeqe Komuniste dhe të hapin shkëndijat e para të vlerave të demokracisë.
Sa vlerë sublime!
Në këtë rrugë, dr. Ibrahim Rugova u nis tamam si prijës, misionar e profetë. Me urtësinë Sokratiane, me dashurinë për atdheut, të frymëzuar nga modelit dhe ati i tij shpirtëror dhe intelektual, Pjetër Bogdani, së cilit ja kushtoj një pjesë të punës intelektuale; i frymëzuar nga vlerat e filozofisë jodhunore të njohura në Botë dhe të përfaqësuara përmes Gandit, me të cilin ai u krahasua me të drejtë, Rugova u bë Ikona e Shqiptarëve dhe e botës së përparuar në këto dy dekada.
Duke qenë krenar se i përkiste atdheut të të madhit Gjergj Kastriotit- Skënderbeu, të së madhes Nënë Tereza, ai asimiloj dijen dhe guximin dhe besimin, me zërin e thellë të ndërgjegjes kombëtare dhe tundi pluhurin shekullor që kishte mbërthyer qenien shqiptare. Filloj t’i rikthej dinjitetin shqiptar; të rilidh ato aleanca të vjetra me aleatët e figurës markante, Gjergj Kastrioti- Skënderbeut.
Këtë mision e realizoj..
Presidenti Rugova ishte, është dhe të të mbetet Hero, ashtu siç njihen në histori heronjtë e mëdhenj, të cilëve njerëzimi edhe sot jo beson: ai është një hero sepse politikës i dha shpirt artistik, angazhimeve kombëtare ju dha dimensione universale. Si i tille personaliteti i tij do te jete i papërsëritshëm; sepse heronjtë janë Një, dhe vetëm si të këtillë kanë kuptim; nuk do te kishte kuptim civilizimi ynë ti ketë dy Dante Aligera, dy Gjergj Kastriota, dy Pjeter Bodana, dy Shekspira, dy Nene Tereza, dy Papa Gjon Pali II, dy Ibrahim Rugova. Këta në histori mbesin të vetëm, pa shëmbëlltyra. Si të këtillë janë unikat dhe shpirtra që udhërrëfejnë grigjën.
Shekujt rrale prodhojnë heronj te këso përmasave.
Ndërsa shqiptaret ne fundshekullin XX dhe fillim shekullin XXI patëm fatin t'ia japin botes Nene Terezën dhe Ibrahim Rugovën.
Ndjehemi krenar qe e patëm dhe të pikëlluar që iku, në kohën kur na duhej aq shumë. Por ne i besojmë misionit të tij.
Filozofia politike, kulturore e Presidentit te Kosovës për jetë të jetëve do të mbetet model për ne. Sepse ajo është mishëruar ne çdo zemër te shqiptarit, ka rrjedhur dhe rrjedhë neper dejtë e tij, dhe ka frymëzuar zemrat për një përcaktim, besim ne te ardhmen.

Pushoftë ne paqe shpirti i tij fisnik, human dhe universal.
Amen

Prishtinë, 23 janar 2006