Dardania.de - Çiljeta e dashuruar në një cigan!

Dardania.de (https://www.dardania.de/vb/upload/index.php)

- Personalitete publike (https://www.dardania.de/vb/upload/forumdisplay.php?f=173)

- - Çiljeta e dashuruar në një cigan! (https://www.dardania.de/vb/upload/showthread.php?t=22705)

Çiljeta e dashuruar në një cigan!

[CENTER][IMG]http://www.iliriaplus.com/korrik2007/vip/ciljeta.jpg[/IMG]

[LEFT]Këtë radhë dashuria e saj është hedhur tek një cigan.
Ajo ka gabuar dhe përpiqet domosdoshmërish të gjejë një mënyrë për t’i kërkuar falje njeriut, humbja e të cilit e bën të ndjehet keq. Në klipin që do të prezantojë së shpejti në ekranet shqiptare, Çiljeta Xhilaga është përpjekur të jetë një aktore e vërtetë, ndonëse është vendosur në rolin e një ciganeje. Bëhet fjalë për këngën “Falma”, e cila është pjesë e albumit të këngëtares, që pritet të jetë në treg në mes të muajit korrik. Kënga është një krijim i Gramoz Kozelit, që së bashku me Adi Hilën, Florin dhe Kastron, janë bashkëpunëtorët kryesorë të këngëtares në albumin e saj, që do të përmbajë dhjetë këngë. Këngëtarja tregon se impenjimi për këtë album ka qenë maksimal dhe se pikërisht për shkak të kërkesave të saj në këtë drejtim është vonuar edhe hedhja e tij në treg. “Janë dhjetë këngë të reja dhe të papublikuara më parë”, tregon Çiljeta, e cila shton se kënga “Falma” është e para që prezanton për publikun albumin e saj të ri. Megjithatë ajo mendon se ndoshta më vonë, një tjetër këngë e albumit do të shoqërohet me një video. Klipi është realizuar nga “Max production”, ndërsa për xhirimet është shfrytëzuar natyra, kryesisht në zonën e Dajtit. Koncepti i klipit, sigurisht në përputhje me tekstin dhe muzikën e këngës, risjell në kujtesë ritmet dhe stilet cigane të të jetuarit, ndërsa ka si subjekt një linjë dashurie. Ndarja nga i dashuri e bën vajzën të pendohet për gabimin dhe të kërkojë çdo mundësi për t’i thënë atij më fal dhe për të gjetur rikthimin në krahët e partnerit. Çiljeta tregon se do të na surprizojë edhe me veshjet, që gjithashtu do të jenë në stilin cigan.

Në fakt, nga sa kemi mësuar, Çiljeta kishte planifikuar që videon e saj të re ta publikonte pak kohë më parë, por shirat e vazhdueshëm në fillim të verës nuk e lejuan të ishte brenda parashikimeve të menduara. E megjithatë tani gjithçka është gati dhe shumë shpejt Çiljetës i duhet të presë vetëm mendimin e fansave të saj. Në këtë album, këngëtarja ka realizuar edhe një duet me Ingrit Gjonin. Por paralelisht me punën për albumin, Çiljeta tregon se gjatë gjithë stinës së verës është e impenjuar me koncerte, si brenda ashtu edhe jashtë vendit, duke na kujtuar edhe një herë se ky është momenti më i mirë për të gjithë këngëtarët në punën e tyre. Gjithsesi, Çili është nga ata njerëz që nuk mund të lenë kurrsesi që puna t’iu marrë të drejtën për të pushuar, ndaj nuk mund ta privojë veten edhe nga kjo kënaqësi. Këtë vit ka zgjedhur Sarandën për të qëndruar disa ditë së bashku me Romeon.[/LEFT]
[/CENTER]