Shenja e Ditës së Ringjalljes
 

[CENTER][IMG]http://ankebut.com/images/stories/skulptura.jpg[/IMG][/CENTER]


[CENTER][SIZE=4][COLOR=orange][B]Përshkrimi që All-llahu u bën mekanizmave të Ditës së Ringjalljes[/B][/COLOR][/SIZE][/CENTER]


Të gjitha falënderimet i takojnë vetëm All-llahut [subhanehu ve teala], ndërsa paqja dhe mëshira e All-llahut qofshin mbi vulën e Pejgamberëve, Muhamedin [sal-lallahu alejhi ve sel-lem].
All-llahu [subhanehu ve teala] në Kur’an thotë:

[B]“All-llahu është Ai që i lëshon erërat , e ato i lëkundin retë dhe Ne i derdhim ato në një vend të thatë dhe me atë ujitje e ngjallim tokën pas vdekjes së saj. Ja kështu është Ringjallja”. [/B][sure Fatir, 9]
Në këtë ajet të Kur’anit Famëlartë, All-llahu i Gjithëfuqishëm përshkruan në detaje mekanizmat e Ditës së Ringjalljes, duke u shprehur si vijon:
1). All-llahu do t’i shfrytëzon erërat për ti dërguar ato te një tokë e vdekur;
2). Rëniet e shiut nga këto re do të përdoren për Ringjallje; dhe
3). All-llahu i Gjithfuqishëm jep një analogji (ngjashmëri) të qartë mes rritjes së bimëve nga fara dhe asaj të Ringjalljes në Ditën e Gjykimit.
All-llahu i Plotfuqishëm gjithashtu në Kur’anin Famëlartë thotë:

[B]17. “Dhe All-llahu ju nxorri (shpiku) juve prej tokës si bimë.[/B]
[B]18. Pastaj ju kthen në të dhe padyshim ju nxjerr sërish”. [/B][sure Nuh 17, 18]
Në këto ajete All-llahu [subhanehu ve teala] na bën të ditur se si Ai e nxorri njeriun nga toka edhe atë saktësisht sikurse rritja e bimëve dhe drunjve.
Diskutimi i ardhshëm dëshmon se si kjo analogji (ngjashmëri) është e mundshme dhe shqyrton shenjat e Ditës së Ringjalljes.


[CENTER][SIZE=4][COLOR=orange][B]Bashkëlidhja mes trupit të njeriut dhe bimëve dhe drunjve[/B][/COLOR][/SIZE][/CENTER]


Figura në vijim tregon një krahasim mes strukturës (përbërjes) së brendshme të drurit dhe ashtit njerëzor.

[CENTER][IMG]http://www.ankebut.studiozeriislam.com/untitled1.JPG[/IMG][/CENTER]

Tabela në vijim tregon përbërjen dhe krahasimin mes gjakut të njeriut dhe ujit të tokës që shfrytëzohet nga bimët dhe drunjtë:

[CENTER][IMG]http://www.ankebut.studiozeriislam.com/untitled3.JPG[/IMG][/CENTER]

Në bazë të këtyre dy shembujve, krahas shumë shembujve tjerë, është padyshim e qartë analogjia (ngjashmëria) mes njerëzve nga njëra anë, dhe bimëve e drunjve nga ana tjetër. Një analogji tjetër që lidhet drejtpërsëdrejti me Ditën e Ringjalljes, është ajo se pas vdekjes dhe varrosjes së njeriut, trupi dhe eshtrat e tij shpërbëhen në dhé, përveç një pjeseje nga eshtrat e quajtur kërbisht* (lat. coccyx). Ky asht ka një formë shumë të ngjashme me atë të farës së bimëve, siç mund ta shihni edhe në figurën në vazhdim:

[IMG]http://www.ankebut.studiozeriislam.com/untitled2.JPG[/IMG]

[CENTER][SIZE=4][COLOR=orange][B]Sqarimi i mekanizmave të Ditës së Ringjalljes[/B][/COLOR][/SIZE][/CENTER]


Kjo analogji mes njerëzve, bimëve dhe drunjve të jep një pamje të qartë të Ditës së Ringjalljes dhe të asaj se si do të ndodh ringjallja e njerëzve, e që sqarohet në hapat e dhënë në vijim:
Hapi i parë:
Ajo çka mbetet prej njerëzve pasi ata të vdesin dhe eshtrat e tyre të shpërbëhen në dhé, është një pjesë ashti e quajtur kërbisht (coccyx). Kështu njerëzit pas vdekjes së tyre do të duken sikur fara të shpërndara nëpër tokë.
Hapi i dytë:
Pastaj All-llahu [subhanehu ve teala] do t’i përdorë erërat për t’i tubuar retë e më pas shiu do të bie në tokë, dhe siç pamë më lartë në tabelë uji i tokës është i ngjashëm me gjakun e njeriut.
Kështu në këtë etapë kemi skenën (vijuese):
Kërbishtë njerëzish në varre të shpërndara si fara bimësh dhe të rëna shiu duke i furnizuar ata (kërbishtët) me [B]‘gjak’[/B].
Hapi i tretë:
Sidoqoftë, për të ritur apo ringjallur kërkohet një energji trupore e cila do të kryente këtë detyrë. All-llahu [subhanehu ve teala] e përshkruan këtë burim energjie në Kur’anin Famëlartë në kaptinën Nuh ku thotë: [B]“Dhe All-llahu ju shpiku juve prej tokës…”. [/B]Pra, burimi i kësaj energjie vjen prej tokës (energjia dridhëse e fushës së gravitetit të tokës mundëson këtë energji për rritje dhe ringjallje).
Nëse e simulojmë këtë energji duke depërtuar nëpër farë apo kërbisht njerëzor do të fitonim këtë pamje të rrjedhjes së energjisë:


[IMG]http://www.ankebut.studiozeriislam.com/untitled4.JPG[/IMG]

Kjo trajtë e rrjedhjes së energjisë është e ngjashme me atë të eshtrave (strukturës skeletore të njerëzve) siç është treguar në figurën në vijim:


[IMG]http://www.ankebut.studiozeriislam.com/untitled5.JPG[/IMG]


[CENTER][SIZE=4][COLOR=orange][B]Shenja e Ditës së Ringjalljes[/B][/COLOR][/SIZE][/CENTER]


Urtësia e All-llahut [subhanehu ve teala] në shpalosjen (zbulimin) e mekanizmave të Ditës së Ringjalljes është që t’ua tregojë njerëzve këtë shenjë të bukurisë dhe fuqisë së Tij.
Ringjallja e njerëzve është e lehtë për All-llahun sikurse është e lehtë edhe rritja e një fareje të vendosur në dheun e tokës, andaj [B]kur shohim çdo ditë rritjen e bimëve, në realitet shohim ringjalljen para syve tanë![/B]

Sikurse All-llahu [subhanehu ve teala] thotë në Kur’anin Famëlartë:
[B]“All-llau lëshoi prej qiellit ujë (shi) dhe me të ngjalli tokën pas vdekjes së saj. Në këtë është një argument i fortë për ata që me vëmendje dëgjojnë ( e kuptojnë). "[/B] [sure En-Nahl, 65]



[B]Dr. Zejd Gazaui[/B]

[I]Marrur nga:[/I] [URL="http://www.ankebut.com/"]www.ankebut[/URL]