[Jana]

Nuk thuhet kot se të bukurës nuk i shihen të metat (eventuale)?

Bukuria vetëm në shikim të parë mund të mbuloj të metat e tjera, por edhe me fiton me përshtypjen e parë, do të thoja.

A e pranoni vlerësimin se, bukuria e mashkullit qëndron në mençurinë e tij, kurse mençuria e femrës në bukurinë e saj?

Pajtohem... megjithatë as tek femrat bukuria pa mençuri nuk mund të jetë e vlerësuar lartë, derisa tek meshkujt mençuria vlerësohet edhe kur bukuria mungon, madje vihet edhe më shumë në pah.

E keni provuar veten në politike, art dhe menaxhment. Ku ndiheni më komode?

Jam ndjerë mirë në politikë, por artin e kam pasion dhe më pëlqen të menaxhoj aktivitete artistike.

Keni mbaruar dy fakultete, a keni dilema se kush do të jetë vokacioni i juaj jetësor?

Ndërmjet Komunikimit Masiv dhe Shkencave politike, dy fakultete që i kam studiuar me shumë kënaqësi, secila nga këto profesione do të ishte ideale për mua, megjithatë karriera në fushën e bukurisë po më mban akoma peng... për momentin më shumë e shoh veten në art, prezantim, modë, menaxhim e organizime bukurie.

Ju shohim tek lëvizni në trekëndëshin Kosovë-Shqipëri-Emiratet e Bashkuara?

Unë fillova karrierën në botën e bukurisë duke u kurorëzuar Miss Kosova, por titulli i ardhshëm Miss Albania ishte një rrugë e re dhe shumë e suksesshme për fillimin e karrierës time në Shqipëri dhe në botë. Pjesëmarrja ime në Miss World rezultoi me nënshkrimin e një kontrate pune si modele në Dubai dhe më vonë përmes meje ju dha shansi edhe modeleve tjera nga Kosova e Shqipëria të udhëtojnë për Dubai, për t’u prezantuar në ngjarjet më të rëndësishme të modës atje.

Cilat janë preokupimet tuaja aktuale?

Këto ditë do të jem në javën e modës në Dubai. Sapo të kthehem në Kosovë, me kompaninë time “Agnesa Vuthaj Association” do të fillojmë përgatitjet për organizimin e spektaklit “Miss Kosova 2009”. Gjithashtu jam duke punuar në idenë e realizimit të një projekti televiziv.