[Dilaver]

Klinton lobon nëpër botë për njohjen e pavarësisë së Kosovës



Sekretarja amerikane e Shtetit, Hilari Klinton është e përfshirë më drejtpërsëdrejti në lobimin e shqiptarëve të Kosovës nëpër botë që të mos votohet pro rezolutës serbe (në OKB) dhe që të vazhdohet me njohjen e Kosovës si shtet, pohon shtypi i sotëm beogradas.
Në vendet të cilat nuk e kanë njohur Kosovën, shqiptarët shkojnë në shoqëri të zyrtarëve të Departamentit të Shtetit, sepse më mungesë të marrëdhënieve diplomatike, vetë nuk mund të caktojnë takime, ndaj Amerika e bën për ata.
Para mbërritjes së delegacionit të Kosovës, Klinton thërret presidentin ose kryeministrin e shtetit dhe paralajmëron ardhjen e një "delegacioni shumë të rëndësishëm", pohon gazeta "Blic" të ketë mësuar nga qarqe diplomatike të afërta me Departamentin e Shtetit.
Kështu, bie fjala, Hilari Klinton para dhjetë ditësh i ka telefonuar kryeministrit të shtetit Antigua dhe Barbude, një nga 14 vendet e vogla në ishujt e detit të Karaibeve, dhe ka theksuar që të ketë në vëmendje këtë vizitë.