[Guri i madh]

Bullgari: Gomari, kandidat për prefekt të Varnës

Partia politike bullgare Shoqëria për Bullgarinë e re ka vendosur që për kandidat të saj për prefekt në Varna të prezantojë gomarin Marko.
Dojçin Dimitrov, anëtar i partisë, thotë se gomari Marko për dallim nga kandidatët e tjerë ka karakter të fortë, nuk vjedh dhe gjithmonë e kryen gjithë punën e vet, transmetojnë mediat e huaja.
“Jeta e Markos është e vështirë, sepse në Bullgari ka gjithnjë e më pak sipërfaqe të gjelbëruar”, ka thënë Dimitrov, duke shtuar se partia ka “shpresa” të mëdha tek ai.
“Qytetarët e Varnës vendosin se kush ka më tepër kualitet – gomari, apo prefekti aktual”, ka theksuar Dimitrov.
Kjo është hera e parë që një kafshë kandidohet në zgjedhjet në Bullgari, edhe pse kjo në Meksikë tashmë është praktikë standarde.