Hajra

Betonohet ura e Ibrit, Jarinja “në sandviç”


02-10-2011 09:53 CET


Pas përfundimit të gjysmëfinales së Kampionatit Evropian për Volejboll, ndërmjet reprezentacionit të Turqisë dhe Serbisë, serbët e kanë betonuar barrikadën e urës mbi lumin Ibër në Mitrovicë, ndërsa e kanë vënë edhe një barrikadë në Jarinjë, në territorin e Serbisë.
Serbët kanë bërë edhe mbrëmë “kujdestari” në barrikada e veriut të Kosovës. KFOR-i dhe EULEX-i ka mbyllur pikëkalimin në Jarinjë, pasi serbët kanë vënë për herë të parë edhe një barrikadë e cila e pamundëson në tërësi qarkullimin, këtë herë nga ana e Serbisë.
Kufiri mëngjesin e së dielës është hapur për qarkullim të udhëtarëve, pasi forcat e KFOR-it kanë larguar telat gjemborë. Sipas agjencisë serbe të lajmeve, “Tanjug”, EULEX ka thënë se pikëkalimet mbyllen në ora 19 ndërsa hapet në ora 7.
Ndryshe, pikëkalimi kufitar në Jarinjë, pas bllokadës së vendosur edhe në anën e Serbisë, zyrtarisht mund të thuhet se është futur “në sandviç”. /zëri/