Dardania.de - Shiko Postimin Tek

**Zero Cool** · 24-10-11, 13:58

Sytë nga KFOR-i

Entuziazmi i Qeverisë së Kosovës me veriun ka rënë kohëve të fundit pas mbetjes nën hijen e misioneve ndërkombëtare që tashmë janë të vetmet të cilat merren me pjesën më problemore të Kosovës.

Prej kohës së intervenimit të pasuksesshëm të njësive speciale ROSU më 25 korrik, institucionet vendore kanë shkuar drejt tërheqjes graduale nga angazhimet në veriun e vendit që disa javë ka mbetur pothuajse tërësisht i bllokuar nga barrikadat e serbëve.

Sipas ekspertëve të sigurisë në Kosovë, Agim Musliu e Ramadan Qehaja, më mirë është që në këtë kohë situata të jetë në duart e misioneve ndërkombëtare pasi edhe rreziku për atë pjesë të vendit është shumë i madh.

Për Agim Musliun, ekziston mundësia e një marrëveshjeje të heshtur ndërmjet misioneve ndërkombëtare dhe institucioneve të vendit, që pas 25 korrikut, vendorët të tërhiqen ndërsa KFOR-i të përgatisë terrenin për intervenim.

“Në një formë apo tjetër, ekziston një ujdi mes forcave të KFOR-it, EULEX-it dhe institucioneve vendore që këto të fundit të rrinë më pasiv gjatë kësaj periudhe e më pas të aktivizohen në një fazë të mëvonshme, kur kriminelët e veriut do të mundë të përballeshin me drejtësinë kosovare”, tha ai.

Për Musliun, strukturat ilegale serbe atje në bashkëpunim me Beogradin po mundohen që para botës të paraqesin veten në rolin e viktimës dhe çfarëdo angazhimi i vendorëve mund të kishte pasoja më të mëdha sesa ndonjë përfitim. Padyshim që në këtë aspekt luan rol edhe fakti që kapacitetet e misioneve ndërkombëtare janë shumë më të mëdha sesa ato të vendorëve.

Për ekspertin tjetër rreziku për shkëputjen e pjesës veriore nga territori i Kosovës është aq i madh dhe real dhe pikërisht për këtë arsye është shumë më mirë që misionet ndërkombëtare janë ato që i bëjnë përpjekjet për vënien e rendit e ligjit në pjesën e dalë jashtë kontrollit legal kosovar.

Për Ramadan Qehajën, është shumë me rëndësi megjithatë që “derisa vazhdojnë presionet ndaj Beogradit, si në aspektin diplomatik dhe atë politik, forcat vendore duhet patjetër të përgatiten që gradualisht dhe në momentin e duhur të jenë të gatshme të kyçen në angazhimet e misioneve ndërkombëtare”.

Jozyrtarisht “Zëri” merr vesh nga misionet ndërkombëtare në Kosovë që institucionet vendore nuk konsultohen fare për aksionet që po ndërmerren ditëve të fundit në veri.

“Normalisht që ka takime, mirëpo ato mbahen edhe me qeverinë në Prishtinë edhe me institucionet lokale serbe në veri, sidoqoftë, vendimet merren nga ndërkombëtarët se kur çka duhet bërë”, thotë një nga zyrtarët ndërkombëtarë që ka zyrën e tij në Mitrovicë. Për këtë temë “Zëri” ka bërë përpjekje që të marrë një qëndrim edhe nga zëvendëskryeministri i Kosovës, Hajredin Kuçi, mirëpo ky i fundit ka thënë se është jashtë Kosovës dhe nuk mund të japë intervistë.

Në kohën kur ndërkombëtarët edhe hapur legalizojnë institucionet ilegale të veriut duke i takuar njëjtë si institucionet qeveritare në Prishtinë, ekspertët e sigurisë, Agim Musliu e Ramadan Qehaja, e pranojnë se situata në veri është e pavolitshme për Kosovën. Megjithatë, kosovarët nuk duhet të heqin dorë, thonë ata.

24-10-11, 13:58	#88
Zero Cool Administratorët Anëtarësuar: 18-03-03 Vendndodhja: Netherland Postime: 24,987	Titulli: Në pritje të 16 Shtatorit 2011 Sytë nga KFOR-i Entuziazmi i Qeverisë së Kosovës me veriun ka rënë kohëve të fundit pas mbetjes nën hijen e misioneve ndërkombëtare që tashmë janë të vetmet të cilat merren me pjesën më problemore të Kosovës. Prej kohës së intervenimit të pasuksesshëm të njësive speciale ROSU më 25 korrik, institucionet vendore kanë shkuar drejt tërheqjes graduale nga angazhimet në veriun e vendit që disa javë ka mbetur pothuajse tërësisht i bllokuar nga barrikadat e serbëve. Sipas ekspertëve të sigurisë në Kosovë, Agim Musliu e Ramadan Qehaja, më mirë është që në këtë kohë situata të jetë në duart e misioneve ndërkombëtare pasi edhe rreziku për atë pjesë të vendit është shumë i madh. Për Agim Musliun, ekziston mundësia e një marrëveshjeje të heshtur ndërmjet misioneve ndërkombëtare dhe institucioneve të vendit, që pas 25 korrikut, vendorët të tërhiqen ndërsa KFOR-i të përgatisë terrenin për intervenim. “Në një formë apo tjetër, ekziston një ujdi mes forcave të KFOR-it, EULEX-it dhe institucioneve vendore që këto të fundit të rrinë më pasiv gjatë kësaj periudhe e më pas të aktivizohen në një fazë të mëvonshme, kur kriminelët e veriut do të mundë të përballeshin me drejtësinë kosovare”, tha ai. Për Musliun, strukturat ilegale serbe atje në bashkëpunim me Beogradin po mundohen që para botës të paraqesin veten në rolin e viktimës dhe çfarëdo angazhimi i vendorëve mund të kishte pasoja më të mëdha sesa ndonjë përfitim. Padyshim që në këtë aspekt luan rol edhe fakti që kapacitetet e misioneve ndërkombëtare janë shumë më të mëdha sesa ato të vendorëve. Për ekspertin tjetër rreziku për shkëputjen e pjesës veriore nga territori i Kosovës është aq i madh dhe real dhe pikërisht për këtë arsye është shumë më mirë që misionet ndërkombëtare janë ato që i bëjnë përpjekjet për vënien e rendit e ligjit në pjesën e dalë jashtë kontrollit legal kosovar. Për Ramadan Qehajën, është shumë me rëndësi megjithatë që “derisa vazhdojnë presionet ndaj Beogradit, si në aspektin diplomatik dhe atë politik, forcat vendore duhet patjetër të përgatiten që gradualisht dhe në momentin e duhur të jenë të gatshme të kyçen në angazhimet e misioneve ndërkombëtare”. Jozyrtarisht “Zëri” merr vesh nga misionet ndërkombëtare në Kosovë që institucionet vendore nuk konsultohen fare për aksionet që po ndërmerren ditëve të fundit në veri. “Normalisht që ka takime, mirëpo ato mbahen edhe me qeverinë në Prishtinë edhe me institucionet lokale serbe në veri, sidoqoftë, vendimet merren nga ndërkombëtarët se kur çka duhet bërë”, thotë një nga zyrtarët ndërkombëtarë që ka zyrën e tij në Mitrovicë. Për këtë temë “Zëri” ka bërë përpjekje që të marrë një qëndrim edhe nga zëvendëskryeministri i Kosovës, Hajredin Kuçi, mirëpo ky i fundit ka thënë se është jashtë Kosovës dhe nuk mund të japë intervistë. Në kohën kur ndërkombëtarët edhe hapur legalizojnë institucionet ilegale të veriut duke i takuar njëjtë si institucionet qeveritare në Prishtinë, ekspertët e sigurisë, Agim Musliu e Ramadan Qehaja, e pranojnë se situata në veri është e pavolitshme për Kosovën. Megjithatë, kosovarët nuk duhet të heqin dorë, thonë ata. __________________ Asgjë nuk është e pamundur. Pamundësinë apsolute e shkakton mosdija jonë reale.