[taraku-1]

Davutoglu ndërpret ministrin gjerman: "Ministër, nuk ekziston "terrorizëm islamik"

"Unë asnjëherë nuk kam përdorur termin “terrorist i krishterë” edhe pse vrasësit neo-nazistë që akuzohen për vrasjen e tetë turqve dhe një greku janë të krishterë".

E marte 6 Dhjetor 2011 20:58

Ministri i jashtëm turk Ahmed Davutoglu, i cili ndodhet në Gjermani për një vizitë pesë ditore, e ndërpreu fjalën e ministrit të brendshëm gjerman Hans Peter Friedrich, për shkak se ai përdori termin “terrorizëm islamik” gjatë një takimi në mbrëmje.
Davutoglu e ndërpreu fjalimin e ministrit kur ai përmendi togfjalëshin “terrorizëm islamist”, duke thënë: “Një minutë, unë asnjëherë nuk kam përdorur termin “terrorist i krishterë” edhe pse vrasësit neo-nazistë (që akuzohen për vrasjen e tetë turqve dhe një greku) janë të krishterë. Ju nuk mund të thoni “terroristë islamistë”. A mos kam përdorur unë togfjalëshin “racistë gjermanë” pas incidenteve (vrasjes së emigranteve)”, dhe shtoi se ai mund t’i përkufizonte vrasjet si akte raciste dhe akte të një organizate neo-naziste, por nuk i quan vrasësit terroristë të krishterë.
Kur ministri gjerman u shpreh se ata përdornin frazën "terrorizëm islamik" për t’iu referuar grupeve si al-Kaeda, Davutoglu u përgjigj: “Po, ne mund t’i quajme al-Kaeden apo Baader Menihof organizata bandite terroriste, por nuk mund të përdorim termat terroristë islamistë apo të krishterë.”
Para takimit me Friedrich, ministri turk u takua m e familjet e viktimave turke të vrarë nga grupe kriminele neo-naziste.


Deri sa ky njeri i madhe Ministri i jashtem i Turqis ja ka terhjek vrejtjen Ministrit Gjerman gjat vizites ne Gjermani per frazen Terrorizem islamik ...

A duhet edhe ju te keni pak respekt....