[Murgesha]

Postimi origjinal është bërë nga e-uritura

O njeri.

Po po, Ti.

Po të flas ty!

Ku shkon? Pse me aq nguti?

Ndal. Stop. Ndalo në vend.

Ke kohë të marrësh frymë?

Jo nuk kam, hajt mu hiq qafe.

Ndalo, dhe merr frymë si njeri. Merr frymë njëherë mirë dhe thellë. Ndieje ajrin tek kalon rrugëve të frymëmarrjes, drejt në mushkëri, dhe shijoje!
Mbylli sytë. Jo tani, sepse nuk mund të lexosh më tutje.
Por, nganjëherë, mbyll sytë, dhe ji falënderues, që ke nderin të ecësh në këtë tokë të rrumbullakët, ku femrat perfekte janë në të gjitha qoshet e saj!

E pse të ndalem, kam unë kohë të ngopem frymë?
Më presin punë të mëdha e kohë kam shumë pak, vetëm 50-60 vite i kam në dispozicion të mbërrij diçka, të jem dikushi...

Ti nënë, dhe ti baba.
Ndalo për një cast, dhe shiqo fëmiun tënd, drejt në dritën e syrit.
Memorizo një foto në kokën tënde, me atë buzëqeshje të madhe në fytyrën e saj/tij, me atë shiqim naiv, dhe ji falënderues.
Mos u mërzit nga të qarat e tij/saj, nga energjija e tyre për lojë, nga kurreshtja e tyre për gjithcka në këtë botë, nga dëshira e tyre për të mësuar.
Ndalo një moment, ulu në tokë, dhe luaj një lojë me të, një lojë të mërzitshme për ty, por mos mendo për veten.
Mendo për fëmiun tend, dhe krijo momente të paharrueshme në memorien e tij.
Bëji dush fëmiut tënd, ai/ajo do t`a kujtoj këtë gjë, për pjesën tjetër të jetës.
Bëhu pjesë e botës së tij/saj aq të madhe.
Ata janë më të rëndësishmit në këtë jetë.

I kemi shiquar që nga ajo ditë që na lindën. Në sytë e tyre po shofim Iphona, Llap topa, rrobet krejt të firmosura, dikur laheshim bashkë me ta, e tash vetëm ndërresat na i kërkojn kur bajnë dushin edhe ato të lara, të thara, të hekurosura e të palosura në dollapet e dhomës së tyre në të cilët as që e dijnë se çfarë kanë, sepse ne u bamë copa tuj ja u mbush dhe tuj ja u mirëmbajt....

Ti fëmijë i rritur.
Kur ishte hera e fundit që fole me nënën apo edhe babanë?
Ka kohë? Ma morri mendja. Cfarë pret? Ngrije telefonin..
Cfarë the?
Nuk ke kohë?
Gjeeeeeej kohë! Priorito gjërat e rëndësishme në jetë!!!Shpejt, shumë shpejt mund të bëhet tepër vonë.

E ç`të flas me te kur goja e saj është plot kritika e mijëra pyetje. A kam ngrënë, a kam pirë, a jam veshur hollë gjatë verës të mos djersitem, a jam vesh trash gjatë dimrit të mos ftohem. Asnjëherë nuk më pyet për argëtimin, po i thash isha në diskotek apo diku me një shoqëri gjithë më këshillon të ruhem mos po më kërcet ndoj shishe kokës nga ndonjë i dehur....

Ti, motër dhe ti vëlla.
Ndal. Ku shkon? Merr telefonin, telefono motrën/vëllaun tënd. Interesohu si është, si kalon, ka ndonjë hall, ndaj të mirën dhe të keqen tënde me të!

Pse a mos po ta di sot hallin vëllau a motra, bane qele gojën e kërkove diçka me mujt ta përplas telefonin ftyrës, t`bëjnë të pendohesh që i thirre, bahesh me hi borgj për me i nxjerr prej krizave në të cilat ata gjinden a unë e di që vetëm qumsht dallëndyshe kan mangut....

Ti vjehërr, që urren nusen e djalit tënd.
Stoooop. Ajo dashuron djalin tënd.
Nuk ka rëndësi si është me ty, ajo dashuron djalin tënd. Harro ato ndjenja xhelozie, ajo nuk është armiku yt, apo i djalit tënd, ajo ndan ditët, netët, muajt, vitet me birin tënd. Ajo e dashuron atë.
Merr telefonin, falënderoje që kujdeset në mënyrën e saj, për dritën e syve tu!
Ke qenë e re ti ndonjëherë?

Po si, veqanarisht falënderoje që ta ka bërë djalin mos ti bjerë në mend se ka nënë e baba diku...

Ti shoqe edhe ti shok.
Besoj se tani e kuptove se e tëra fillon me STOP.
Harroje lodhjen sot, gjej kohë dil me shokun/shoqen tënde, pi një kafe me të, një birrë, haje një drekë, qesh,..

O doolaaa dhe u knaqa me ta, në fund pagova kafet e tyre, e timen vet dhe jo njëherë po shumë herë....

Ti familjar. Sa egoist më je bërë! Fto familjen në ndejë. Një ditë tjetër, jo larg prej kësaj, shko ti në vizitë.

E kam provu edhe këtë gjë, fto e fto dikur kuptova se talleshin me mua, po shkojmë po hamë te budallai e unë vetëm kisha mall të mblidhemi familja së bashku....

Ndal o njeri. Shijo këtë moment. Mu këtë moment. Shijo një filgjan caj. Një kafe, një akullore,një...një...një...

Kur është hera e fundit që morre frymë lirshëm dhe e shijove momentin?
Nuk të dëgjova?

Cfarë the?

Asgjë...