[Zero Cool]

Për të qenë politikan i sukseshëm duhesh të mbetesh i kujdesshëm ndaj moralit dhe vetëdijes tënde shoqërore. Kjo botë vërtetë është e krijuar për njeriun dhe arritja e kënaqësive në të në formë të lejuar është edhe njëra prej detyrimeve njerëzore , kombëtare dhe fetare. Porse tradhëtia ndaj Krijuesit në këtë formë dhe përbuzja e votës së dhënë nga ana e popullit , përbuzja e besimit që ta ka dhënë populli , është një barrë që politikanin e bënë të pasuksesshëm si në politikë njëashtu edhe në jetën e tij të përditshme.
Një thënie popullore shqipe tingëllon kështu:” Nëse me vendimin që keni marrë dëmtoni të tjerët , pasojat kurdoherë do t`iu kthehen edhe juve.”

Fatkeqësisht me trokitjen në dyert tona të kësaj qeverie , por edhe qeverive tjera të këtij vendi , në rend primar u vëndun interesat vetjake , ndërsa interesat e votuesve ose qytetarëve të thjeshtë përmenden vetëm gjatë periudhës parazgjedhore. Kjo vlen për këtë qeveri , por edhe për qeveritë paraprake me ideologjinë e tyre të vdekur. Këtë e dëshmon edhe thënia e një ish-funksionari të lartë politikë të qeverisë së kaluar i cili ndërmjet tjerash tha:” Edhe ne vjedhnim , por kishte për të gjithë..” Pra, periudha e Sizifit trokiti thellë në dyert tona , saqë po i mëson politikanët tanë të flasin haptas për mallverzimet e tyre financiare dhe politike.
Fund kësaj gjendje pa gjendje do t`i jap vetëm lindja e vërtetë e një opcioni politikë shqiptar me edukatë të thuktë kombëtare. Deri atëherë të shpresojmë që dhimbjet do të na jenë më të vogla sesa që na paralajmërohen nga këto kalorës ideologjikë.

Të gjithë njerëzit dhe politikan , lindin të lirë dhe të njejtë me të drejta dhe dinjitet të barabart. Ata janë të pajisur me mendje dhe ndërgjegje dhe duhet të sjellen njëri ndaj tjetrit në shpirtin e përgjithshëm njerëzor.

Përfundimisht demokracia lidhet përmes formave të saja të ndikimit në planin global njëh konceptin e shteteve-kombe , proteksionizmin politik dhe njëashtu nxitë pluralizmin kulturor dhe zhvillimin e përbashkët ekonomik.
Prandaj t`i përmbahemi demokracisë: bashkim kombëtar nëse dëshirojmë që të hapërojmë drejtë zhvillimit të shpejtë ekonomikë , politikë dhe të jemi ruajtës të paqës dhe stabilitetit në rruzullin tokësor.