[Kalt]

Udhëheqësi ultranacionalist serb paralajmëron se serbët do të luftojnë






Udhëheqësi i Partisë Radikale Ultranacionaliste të Serbisë paralajmëroi se serbët do të luftojnë në se bisedimet e tanishme me ndërmjetësinë e Kombeve të Bashkuara për statusin e ardhshëm të Kosovës do të çojnë në pavarësinë e saj.
Tomislav Nikoliç u tha gazetarëve në Beograd se Serbia do të jetë në paqe dhe qëndrueshmëri përsa kohë vazhdojnë bisedimet për të ardhmen e Kosovës. Por ai paralajmëroi për trazira të mundshme në rast se Kosovës i jepet pavarësia.
Përfaqësuesit e Serbisë dhe të Kosovës kanë mbajtur një sërë bisedimesh në Vjenë mbi të ardhmen e Kosovës. Udhëheqës të lartë nga të dyja palët u takuan për herë të parë të hënën. Por ndërmjetësuesit e Kombeve të Bashkuara njoftuan se në bisedime u arrit pak përparim. Shumica shqiptare e Kosovës kërkon pavarësi të plotë ndërsa Serbia këmbëngul që Kosova është nga pikëpamja historike dhe kulturore e pjesë e pandarë e Serbisë. Beogradi ka këmbëngulur në ofertën për t’i dhënë Kosovës autonomi të plotë



Zeri i Amerikes