[falma_lotin]

Njohja e Rrasulit konsiston në dijen dhe besimin e sinqertë të zemrës se ai është i dërguari i Allahut
Ai është i dërguari i Allahut ndaj gjithë njerëzimit sikurse thotë Allahu:

"O njerëz! Unë jam i dërguari i Allahut për të gjithë ju."
apo:
"Ne nuk të kemi dërguar ty ndryshe veç si të dërguar ndaj (të gjithë) njerëzve, duke i përgëzuar dhe paralajmëruar ata."
Trasmetohet në Sahih Bukhari nga Xhabir ibn Abdullah që Rrasuli tha: "...Çdo i dërguar qe dërguar veçanërisht tek populli i tij, kurse unë jam dërguar tek të gjithë njerëzimi".

Mesazhi që Rrasuli solli është edhe për xhinët. Allahu thotë:

"Dhe (kujto) kur Ne dërguam drejt teje (o Muhamed) një grup të vogël xhinësh të dëgjojnë Kur'anin dhe sapo u gjendën tek ti, thanë: " Dëgjoni në heshtje!" dhe kur mbaroi, ata u kthyen tek shokët e tyre si këshillues. Ata thanë: "O populli ynë! Me të vërtetë që kemi dëgjuar një libër të zbritus pas Musës, duke vërtetuar ç'ka ardhur para tij. Ai të udhëzon tek e vërteta dhe tek Udha e drejtë. O populli ynë! Përgjigjuni thirrësit të Allahut dhe besojeni atë. Ai (Allahu) do tu falë ju mëkatet dhe do t'u shpëtojë nga ndëshkimi i dhimbshëm. Dhe kushdo që nuk i përgjigjet thirrësit të Allahut ai nuk mund të shpëtojë në tokë dhe nuk do të ketë asnjë mbrojtës për të veç Allahut. Të atillët (kush nuk beson të dërguarin) janë në gabim dhe humbje të qartë".

Ai thirri në të njëjtën fe si edhe të gjithë profetët e tjerë para tij, Islamin, sikurse thotë Allahu:

"Ai ka urdhëruar për ju të njëjtën fe që urdhëroi për Nuhun, të njëjtën që të kemi shpallur ty (o Muhamed)dhe atë që urdhëruam për Ibrahimin, Musën dhe Isën duke thënë: ejani në fe dhe mos u përçani..."

Dhe feja me të cilën Rrasuli erdhi është e vetmja fe e pranuar nga Allahu dhe pas ardhjes së tij askush nuk mund të adhurojë Allahun veçse sipas mënyrës dhe përmbajtjes që Rrasuli solli tek ne. Allahu deklaron:

"Feja (që është e pranuar) nga Allahu është Islami"
"Dhe kushdo që dëshiron fe tjetër nga Islami, (atij) nuk do t'i pranohet kurrë dhe në ditën e gjykimit do të jetë nga të humburit .

Rrasuli ka thënë sipas Muslimit sipas Abu Hurreirës që: " Pasha Atë në duart e të Cilit është jeta e Muhamedit, kush nga Jehuditë apo të krishterët dëgjon për mua por nuk beson tek ajo me të cilën unë jam dërguar, dhe vdes ashtu (si kefër), ai do jetë nga banorët e xhehenemit.

Gjithashtu njohja e të dërguarit konsiston në të diturit dhe të besuarit se Rrasuli nuk ishte më tepër se njeri të cilit i ishte shpallur nga Allahu se s'ka zot veç Allahut.

"Thuaj! Unë nuk jam tjetër veç se njeri si edhe ju, por më është shpallur (nga Allahu) se Zoti juaj është Një..." .

Dhe duke besuar se Muhamedi për gjithçka që na informoi qoftë në përgjithësi dhe qoftë në mënyrë të detajuar, na informoi sipas asaj që Allahu i shpalli atij.

"E ai s'flet nga mendja e tij, s'është tjetër veç shpallje që i shpallet"

Dhe duke besuar se Ai na solli të tërë udhëzimin e Allahut pa harruar apo fshehur apo neglizhuar asgjë nga ai por duke na dhënë shpjegimin më të mirë për të.

"Dhe s'ka pyetje që ata të drejtojnë ty, por Ne të shpallim të vërtetën dhe shpjegimin më të mirë për të " .

Dhe se është e detyrueshme që ai të ndiqet në gjithçka dhe absolutisht:

"E gjithçka që i dërguari u jep merreni, dhe gjithçka që ai u ndalon hiqni dorë nga ajo"

Dhe nëse kemi mosmarrëveshje mes nesh duhet t'i rikthehemi librit të Allahut dhe synetit të të dërguarit të Tij dhe ky është kusht për të qenë besimtarë.

"...dhe nëse keni çfarëdo mosmarrëveshje, referojani Allahut dhe të dërguarit të Tij po qe se besoni tek Allahu dhe tek Dita e Fundit..."

"Po jo pasha Zotin tënd! Ata nuk besojnë derisa të të marrin si gjykatës (ty o Muhamed) në çdo mosmarrëveshje të tyren dhe nuk gjejnë në zemrat e tyre as rezistencën më të vogël ndaj gjykimit tënd por i nënshtrohen atij me përkushtim të plotë" .

Dhe se gjykimi i Rrasulit është absolutisht gjykimi i Allahut dhe kush nuk beson të dërguarin e Allahut nuk beson Allahun.

“Ata që nuk besojnë Allahun dhe të dërguarit dhe duan që të bëjnë dallim mes Allahut dhe të dërguarve duke thënë ne besojmë në ca por mohojmë të tjerat dhe mundohen të gjejnë rrugë të mesme, ata janë në të vërtetë qafira. Dhe Ne kemi pregatitur për mohuesit një ndëshkim përbuzës”.

Dhe askush nuk duhet të ndjekë hamendjen apo mendimet e dikujt tjetër duke lënë mënjanë ç'ka Rrasuli solli. Allahu thotë:

"O ju që besoni! Mos i vini vehtet tuaja para Allahut dhe të dërguarit të Tij, por kini frikë Allahun..."

Dhe nëse gjykimi i Rrasulit na është bërë i qartë, nuk ka më lëvizje majtas e djathtas por ai merret dhe gjithçka tjetër që bie në kundërshtim me të braktiset.

Allahu thotë: "Nuk i takon asnjë besimtari apo besimtarje që kur Allahu dhe i dërguari i Tij kanë vendosur për një çështje, që ata të zgjedhin ndonjë zgjidhje tjetër për atë çështje. E kush nuk i bindet Allahut dhe të dërguarit të Tij, kanë dalë në rrugë të shtrembër dhe në humbje të hapët.”

“Ata që nuk besuan dhe penguan të tjerët nga rruga e Allahut edhe pse u qe sqaruar rruga e drejtë dhe kundërshtuan të dërguarin, ata s’mund t’a dëmtojnë aspak Allahun. Ai do t’ua shkatërrojë veprat e tyre.O ju që besoni! Bindjuni Allahut dhe të dërguarit dhe mos i shkatërroni veprat tuaja”.

“Kush kundërshton të dërguarin pasi i bëhet e qartë e vërteta dhe ndjek rrugë tjetër nga besimtarët i japim ç'ka zgjedhur dhe do t’a hedhim në xhehenem. Sa përfundim i keq.

“ Përgjigja e besimtarëve kur i drejtohen Allahut dhe Rrasulit të Tij për gjykim është vetëm: Dëgjojmë dhe bindemi. Këta janë të suksesshmit. Ata që i binden Allahut dhe të dërguarit dhe i frikësohen Allahut e plotësojnë detyrën e tyre ndaj Tij, këta janë fitimtarët”.