[lirik]

Kryengritësve sirianë u arrijnë armët e kërkuara
Damask, 21 qershor 2013 - Kryengritësit sirianë thonë të kenë pranuar armë të reja të cilat “mund të ndryshojnë rrjedhën e luftës” kundër regjimit sirian, lajmëron një zëdhënës i Ushtrisë Çlirimtare Siriane-FSA. “Kemi pranuar një sasi të armatimit të ri, përfshirë edhe ato që i kemi kërkuar dhe që besojmë se do të ndikojnë dukshëm në luftimet tona”, Louay Muqdad i tha agjencisë franceze të lajmeve AFP.“Kemi filluar t’i shpërndajmë ato në vijat tona të frontit, dhe ato do të jenë në duart e oficerëve profesionistë dhe luftëtarët e FSA”, shtoi ai pa dhënë detaje se për çfarë lloj armësh bëhet fjalë ose prej nga kishin arritur ato.Sipas tij, armët do të përdoren për një qëllim, që është luftimi i regjimit të presidentit Bashar al-Assad dhe se ato do të mblidhen pas rrëzimit të regjimit dhe do t’iu kthehen prapa “vendeve mike apo shteteve vëllazërore” që i dërguan ato për forcat kryengritëse.