[Fshatari]

Postimi origjinal është bërë nga Naki

Arritja e pavarësisë për Kosovën kërkon edhe pak kohë, thotë Uisner “Kosova do të jetë e pavarur, por në këtë fazë nuk mund të flitet rreth afateve për realizimin e këtij synimi” tha sot në Prishtinë, i dërguari i posaçëm amerikan për statusin e Kosovës, Frank Uizner. Ai kërkoi nga kosovarët që të ruajnë qetësinë, unitetin dhe partneritetin me faktorët ndërkombëtarë, në funksion të arritjes së pavarësisë. Uizner ka pasur takime me presidentin Fatmir Sejdiu, kryeministrin Agim Çeku dhe një takim të përbashkët me ekipin e unitetit. Shtetet e Bashkuara të Amerikës do të vazhdojnë të shtyjnë përpara procesin për pavarësimin e shpejtë të Kosovës. Mirëpo, Uashingtoni, siç tha ambasadori Frank Uizner, nuk mund të jap një datë të caktuar.

“Ajo që në po përpiqemi të arrijmë është qëllimi i caktuar : pavarësi e njohur ndërkombëtarisht për Kosovën” tha Uizner.

Ai nuk deshi të përdorë fjalën “shtyrje”, por tha se në Nju Jork po shqyrtohen propozime të ndryshme, përfshirë edhe atë të presidentit francez Nikolas Sarkozi.

Uizner nuk përjashtoi mundësinë e vazhdimit të diskutimeve në nivele të ndryshme.

“Nuk ka ende konkluzione, por nëse do të duhet të ketë diskutime të tjera në kufizuara në kohë, kjo do të bëhej për të provuar se të gjitha mundësitë janë shterur për të arritur marrëveshje për statusin”, tha Uizner.

Presidenti Fatmir Sejdiu shprehi besimin e plotë në angazhimin e faktorëve perëndimor për pavarësinë e Kosovës. Por ai tha se Kosova nuk “duhet të mbetet peng i tekeve të ndokujt”

“Për ne është shumë me rëndësi që jemi në një proces që ende nuk ka përfunduar, në një proces në të cilin është e inkuadruar bashkësia ndërkombëtare, SHBA dhe BE, dhe ne besojmë në përpjekjet e tyre për ta përfunduar suksesshëm dhe sa më shpejtë. Nuk kam thënë më parë e nuk mund të them as sot një datë të saktë, sepse do të jetë një rrezik i veçantë të premtimeve dhe ballafaqimeve të mia me qytetarët e Kosovës”, tha Sejdiu.

I dërguari amerikan siguroi qytetarët se rezultati përfundimtar ashtu siç edhe ka thënë presidenti Xhorxh Bush, do të jetë pavarësia. Ndërkohë, ai kërkoi që liderët dhe populli të kryejnë obligime të brendshme, siç janë përgatitjet për Kushtetutën, simbolet shtetërore, ligji për zgjedhjet.

“Është shumë e rëndësishme që të ruhet qetësia dhe disiplina që e kanë karakterizuar Kosovën dhe udhëheqësit e saj gjatë muajve të fundit. Ne mbështetemi tek ata që të ruajnë unitetin në përpjekjet e tyre dhe të punojnë në partneritet me bashkësinë ndërkombëtare, përderisa Kosova lëviz drejtë pavarësisë” tha Uizner.

Ambasadori amerikan vizitoi Kosovën disa ditë pas samitit të G 8 dhe turneut evropian të presidentit Bush, ku Kosova ishte ndër temat kryesore.
| s.b & RTK staff |

15 qershor 2007 - 12:40:58

Me fjalë tjera, Kosova do mbetët pjesë e pandashme e serbisë ashtu siç parasheh edhe kushtetuta e këtij vendi; kushtetutë kjo që asht mbështet nga të gjithë vendet e evropës pa përjashtim. Madje kanë mbet të habitun evropjanët me deklaratën e Bushit se "Kosova duhet të jetë e pavarur"!, sepse këtyne të fundit kurrë mendja nuk u ka shkue se trendi i ngjarjeve mund të zhvillohet në atë drejtim. E shihni se të gjitha marrëzirat e evropës( do farë plane të ahtisarit, dërgimi kinse i nji misioni evropjan në Kosovë; nji rezolutë në OKB, etj. ) të gjitha këto janë të paqena, nuk kanë ekzistue kurrë, janë rrena të kullueme të kllosharve e rrugaçve e shkavellave evropjan...! Pra Kosova nuk "lëvizë drejt pavarësisë", siç pretendon Uizneri po drejt skllavërisë! Kosova nuk asht "web site" virtual po realitet, madje shumë i hidhun që evropa shum humane tenton ta fajësojë dhe t'ia atribuojë rolin e fajtorit ndërkohë që përkdhel kriminelët multirecidivst serbë!
"... të ruhen qetësia e disiplina" : disiplina po; nji ushtri duhet të jetë e diciplinueme! Qetësia, jo ! Shqiptarët nuk janë gomarë që duhet të presin sa të dali bar!
Parlamenti i Kosovës duhet të shpall, illico presto, pavarësinë e Kosovës si shtet sovran dhe t'ia prish qetësinë gjithë ballkanit : nuk u duhet lejue ma banditave serbo-evropjan të përbuzin në pakufi shqiptarët. Gjithë kësaj çështjeje i duhet thanë "stop" i herë e përgjithëmonë : fati i shqiptarve nuk varet në asnji mënyrë nga evropa prandaj le të shkoj në...!