[Zero Cool]

Autori i sulmit në Boston?





Mes morisë së imazheve të postuara në internet, kryesisht në Facebook dhe Twitter pas shpërthimeve në Boston është edhe njëri që ndoshta ka kapur autorin e shpërthimeve.

Bëhet fjalë për një foto të shkrepur disa dhjetra metra në distancë nga vendi i shpërthimit. Fotoja ka fiksuar se në tarracën e ndërtesës ku ndodhi shpërthimi, ndodhet një person i cili në pamje të parë duket i pashqetësuar nga tronditja e godinës.

Fillimisht askush nuk mendoi se personi në tarracë mund të kishte lidhje me sulmin, por komentet nëpër rrjete sociale thanë se qetësia me të cilën personi misterioz përballon shpërthimin e parë dhe të dytin të bën të dyshosh me të drejtë.

Ky i dyshuar si autor, i veshur sportiv me një kapele mbi kokë lindi nga interneti, por sigurisht që as syrit të FBI-së nuk do t’i ketë shpëtuar. Kjo e fundit në një deklaratë për mediat, dhënë në orët e para, me orën lokale, të ditës së martë tha se ka marrë në pyetje dhjetra dëshmitarë dhe se po punon për sigurimin e provave nga vendngjarja, prova që mund të cojnë në gjurmët e autorit apo autorëve

Agjenti special i FBI-së, Richard Deslauries tha se në vendngjarje janë dhjetra specialistë të FBI-së dhe zona vazhdon të jetë “zonë krimi” dhe me shumë gjasa, sic theksoi ai, do të mbesë e tillë edhe për disa ditë.

Guvernatori i Masacusetsit u bëri thirrje qytetarëve të Bostonit që të tregohen vigjilentë dhe të bashkëpunojnë ngushtë me autoritetet për të shmangur cdo rrezik tjetër, pavarësisht se më parë deklaroi që nuk ka asnjë bombë tjetër të pashpërthyer.

FBI, hetim shpërthimeve në Boston





Një hetim po zhvillohet pas dy shpërthimeve në maratonën e Bostonit që lanë tre persona të vdekur dhe rreth 140 të plagosur. Byroja Federale e Hetimeve, FBI, ka marrë përsipër koordinimin e asaj që duket një “pistë tërësisht terroriste”.

Ndërsa policia e Bostonit deklaron se oficerët po punojnë gjithashtu mbi ngjarjen dhe çdo pushim i parashikuar është anuluar.

Të paktën 17 persona janë plagosur rëndë, thonë autoritetet, disa prej të cilëve kanë humbur gjymtyrët, ndërsa mes viktimave ishte edhe një djalë 8-vjeçar.

Ndërkohë, në një fjalim televiziv, presidenti Barack Obama bëri thirrje për nxjerrjen e përgjegjësve të këtyre sulmeve para drejtësisë. “Ne do t’i gjejmë ata që e bënë këtë. Ne do ta zbulojmë përse ata e bënë këtë. Çdo individ apo grup përgjegjës do të ndjejë peshën e rëndë të drejtësisë amerikane”, deklaroi Obama.

Edhe pse ai nuk e përdori fjalën “terrorizëm”, një zyrtar i Shtëpisë së Bardhë tha më vonë se: “çdo ngjarje me seri shpërthimesh, si kjo që ndodhi, duket si një akt i pastër terrorizmi dhe do të trajtohet si e tillë”.

Shtohen masat e sigurisë





Forca policore shtesë janë vendosur në pikat e tranzitit dhe në vende të tjera publike në Los Angeles. Policitë në New York, Washington, Las Vegas, Detroit dhe Atlanta janë duke vëzhguar ngjarjet nga afër, thote 'Zeri i Amerikes', ndersa agjensite e zbatimit te ligjit kanë dërguar në Boston personel për të ndihmuar.

Prokurori i qarkut, Daniel Conley pohoi se shume shtete nisen police e personel mjekesor, nje shenje e forte solidariteti ne kete moment krize. Pas episodeve te dhunes ne Boston, masat e sigurise jane shtuar ndjeshem sidomos ne Los Angeles e New York.

Kreu i policise nju-jorkeze, Raymond Kelly, konfirmoi per "CBS Evening News" se forcat policore ne qytet jane vene ne gadishmeri te larte.

“Kemi pasur 16 komplote per sulme ketu qe prej 11 shtatorit. Kemi burime te mjaftueshme dhe te perkushtuara njerezore per mbrojtjen e qytetit nga nje akt terrorist, dhe pikerisht kete bejme; e kemi bere ne te kaluaren, po e bejme edhe sot”, thotë Raymond Kelly.


Top Channel