[euro]

Në mbështetje të nenit 53 të rregullores disiplinore të Federatës së Futbollit të Kosovës, sipas nenit 49 të propozicioneve të garave të FFK-së, Komisioni Disiplinor i kësaj Federate ka marrë vendim që të largojë klubin futbollistik “Gjilani” nga garat e mëtutjeshme të Ligës së Parë futbollistike të Kosovës për edicionin 2003/2004.



Më tutje në këtë komunikatë thuhet se ky vendim vie pasi KF “Gjilani, pa arsyetim dhe pa shpjegim nuk është paraqitur në ndeshjet, e javës së 12-të kundër Prishtinës dhe atë të javës së 13-të kundër Trepçës 89.



Klubi Futbollistik Gjilani, në edicionin e ri të garave do të jetë anëtar i Ligës së Dytë. Ky ishte dënimi që iu shqiptua këtij ekipi, pas bojkotimit të dy ndeshjeve kampionale.