[Lona]

Sot në Vjenë zhvillohet raundi i ri i bisedimeve mes Prishtinës dhe Beogradit e hënë , 05 nëntor 2007
Raundi i ri i bisedimeve ndërmjet Prishtinës dhe Beogradit për statusin e Kosovës me ndërmjetësimin e Treshes ndërkombëtare, vazhdon sot në Vjenë. Përfaqësuesit e treshes pritet të zhvillojnë takime të ndara me udhëheqësit më të lartë të Kosovës dhe me ata të Serbisë.

Në seancën e pasdites treshja do të organizojë një përballje të re qëndrimesh mes Prishtinës dhe Beogradit.
Pas takmit Treshja ndërkombëtare do të mbajë një konferencë për shtyp, dhe kjo siç thuhet do të jetë risia e takimit të sotëm në Vjenë. Ndërkohë mbeten edhe tri takime të caktuara në periduënn nga 5 nëntori deri më 10 dhjetor. Sot në kryeqyetin astriak pritet që të diskutohet lidhur me planin e modifikuar të treshes ndërmjetësuse ndërkombëtare për Kosovën, dokument ky që nuk paragjykon statusin të Kosovës, por ofron disa propozime për raportet e ardhshme të Prishtinës dhe të Beogradit, mbi bazën e të cilave mund të arrihet deri te zgjidhja. Prishtina zyrtare do të përfaqësohet sërish në nivelin më të lartë nga Presdienti i Kosovës Fatmir Sejdiu. Ndërkaq delegacionin serb do ta udhëheqë presidenti Boris Tadiq dhe kryeministri Vojisllav Koshtunica. Para nisjes për në Vjenë, anëtarët e Ekipit të Unitetit kanë thënë me vendosmëri se statusi i Kosovës do të ketë vetëm një emër dhe ajo do të jetë pavarësia e shpallur në koordinim me faktorin ndërkombëtar. Ata kanë thënë se ky delegacion do të vazhdojë ta respektojë agjendën ndërkombëtare deri më 10 dhjetor dhe se pas kësaj date Prishtina do ta ketë agjendën e vetë të veprimit në harmoni me Uashingtonin dhe Brukselin. Presidenti Fatmir Sejdiu ka thënë se gjithëçka sa i përket raporteve fqinjësore me Serbinë do të diskutojë, por jo edhe për statusin e Kosovës. Kryeministri Agim Çeku takimin e sotëm e ka quajtur si të rëndësishëm dhe ka shtuar se do të diskutohet për dokumentin 14 pikësh, të cila i ka propozuar Treshja e Grupit të Kontaktit. Por këto pika të Treshës, sipas tij janë pika të raportit të saj, që do t'ia jep Sekretarit të Përgjithshëm të OKB së. Ai ka shtuar se ky nuk është një dokument që kërkohet të nënshkruhet apo të pajtohemi të miratohet. Nrkaq, Hashim Thjaçi, anëtar i Ekipit të Unitetit tha se Prishtina zyrtare do të vazhdojë ta resepektojë agjendën ndërkombëtare deri më 10 dhjetor dhe pas kësaj date Prishtina do ta ketë agjendën e vet të veprimit në harmoni me Ushingtonin dhe Brukselin. Sipas Thaçit çështja e pavarësisë së Kosovës pas 10 dhjetorit do të jetë vetëm çështje ditësh. Lideri i ORA s Veton Surroi ka thënë se raportet fqinjësore me Serbinë pas pavarësisë së Kosovës do të diskutohen në këtë takim. Ai ka shtuar se Kuvendi i Kosovës i konstituar pas zgjedhjeve të 17 nëntorit duhet të përcaktojë datën e pavarësisë, para kërshëndellave.

Edita Tahiri merr pjesë në konferencën mbi dialogun shqiptaro-serb në Vjenë
e hënë , 05 nëntor 2007
Me ftesë të Ministres së Punëve të Jashtme të Austrisë, Ursula Plasnik, kryetarja e ADK-së, Edita Tahiri, do të marrë pjesë në konferencën ndërkombëtare mbi dialogun shqiptaro-serb, ku do të jenë të pranishme gra politikane nga Kosova dhe Serbia.
Tema e këtij simpoziumi ndërkombëtar është “Formësimi i ardhmërisë sonë evropiane” dhe qëllimi kryesor i kësaj konference është identifikimi i strategjisë për përmirësimin e pjesëmarrjes së grave në ndërtimin e përbashkët të ardhmërisë evropiane. Konferenca do të mbahet sot dhe nesër në Vjenë.