[natyra]

Vaji që ndihmon për një dietë sa më efikase


Në erën e thellë të vajit të ullirit, fshihet sekreti për të ngrënë më pak. Disa molekula aromatike që ndodhen në vajin e ullirit krijojnë ndjesi ngopje.
Këto substanca ngadalësojnë thithjen e sheqerit nga mëlçia dhe vonojnë uljen e glukozës në gjak. Këto rezultate vijnë si rezultat i një studimi të Universitetit teknik të Monakos dhe Universitetit të Vjenës.
Studimi në fjalë mbështet edhe faktin se dietat nuk duhet të jenë me yndyrë të pakët, pasi në këtë mënyrë nuk stimulohet ideja e ngopjes së organizmit, por mund të çojë në konsumimin e sasive më të mëdha.
Studimi u zhvillua në disa etapa, ku fillimisht drejtuesit e tij u kërkuan një grupi vullnetarësh të hanin kos çdo ditë, të cilit duhet ti hidhnin tre lloje të ndryshme vaji, mes tyre edhe atë të ullirit.
Duke krahasuar rezultatet e pjesëmarrësve, doli se ata persona që e konsumonin kosin me vaj ulliri kishin nivele më të larta të serotoninës në gjak, substancë që stimulon ndjesinë e ngopjes.
Në vijim ekspertët zbuluan se sekreti i vajit të ullirit fshihet në elementët aromatikë që e karakterizojnë, ku duke i shtuar këtë vaj kosit vullnetarët e studimit ndiheshin më të ngopur. /noa