[andaluzi91]

Çfarë duhet të bëjë ai i cili hyn në xhami derisa tjerët janë duke e falur Jacinë, ndërsa ai nuk e ka falur ende Akshamin?



Pyetje: Një njeri i cili ishte udhëtar hyri në xhami dhe e gjeti xhematin duke e falur namazin e Jacisë, kurse ai ende se kishte falur namazin e Akshamit. Kështu që ai iu bashkangjit atyre në namazin e Jacisë. Kur Imami u ngrit për rekatin e katërt, ai u ul (d.m.th. mbeti ulur dhe e plotësoi teshehudin dhe namazin e tij). Pra, a është veprimi i tij korrekt? Ju lutem na jepni verdiktin, dhe Allahu ju shpërbleftë.

Përgjigje: Mendimi korrekt është ai se veprimi i tij është korrekt. Që do të thotë se kur ju e mbërrini Imamin dhe ai është duke falur namazin e Jacisë ndërsa ju ende nuk e keni falur namazin e Akshamit, atëherë ju duhet të hyni me të. Kur ai të ngrihet për rekatin e katërt, ju duhet të uleni, edhepse ju veproni ndryshe nga Imami, e përfundoni Teshehudin dhe pastaj jepni selam, dhe hyni me Imamin në atë që është mbetur nga namazi i Jacisë. Dhe ky është mendimi më korrekt.

Disa nga dijetarët thonë se ju së pari duhet të falni namazin e Akshamit vetëm apo me ata që janë me ty, pastaj pas kësaj duhet të bashkoheni me Imamin në atë që ka mbetur nga namazi i Jacisë.

Dhe disa nga dijetarët kanë thënë se ju hyni me Imamin me qëllim të namazit të Jacisë dhe pasi që ta keni kryer atë (me xhemat) ju e falni namazin e Akshamit. Pra këto janë tri mendimet e dijetarëve dhe më i forti prej tyre dhe më korrekti është i pari.

Pra ju duhet të hyni me ta me qëllim të namazit të Akshamit, pastaj kur Imami të ngrihet për rekatin e katërt, ju duhet të rrini ulur, e thoni teshehudin dhe jepni selam. Dhe kur ta përfundoni këtë, hyni me Imamin në atë që ka mbetur nga namazi i Jacisë.

El-Imam Muhamed bin Salih El-Uthejmin