[Dilaver]

Si e pat emrin ai Marash Pali, që paska shkruar bigrafi të Pacovit.


AGIM DOÇI
Zotri Pal Shtufi! E lexova me kujdes letrën tënde dhe nuk e kuptoj pse duhet përmendur emri im, në një letër që nuk e di se sa i shërben çështjes kombëtare dhe veçanërisht Kosovës sonë.
Por, meqenëse "kërkon mendim" prej meje jashtëzakonisht, në mënyrë aspak xhentëlmenësh, sepse ti kujtohesh që jam gjallë, madje duke më ngushëlluar për të vdekurit, siç i thotë Shkodra "mbas pilafit", dhe gabon duke kujtuar se unë kam hak për të marrë te Burri i Madh i Biznesit dhe Krenarisë Kosovare, Behgjet Pacolli.
Gabove Pal! Gabove sepse unë mbas 7 vjetësh pune të ndershme te Pacolli, si President i "Mabetex Group", nuk kam aspak pakënaqësi ndaj Behgjetit dhe rrethit të tij familjar. Kjo sepse Behgjeti është sjellë tejet xhentëlmen me mua dhe nëse unë bëhem "piçiruk", siç je bërë ti, për disa të holla "të papaguara"- do të ishte turp i madh, sepse askujt Behgjeti nuk i ka borxhe! Pal Shtufi, ti je i besimit katolik dhe kurrë nuk u bëre ndonjë "Letër të Hapur" katolikëve tuaj. Nuk është e hijshme që për një vëlla tonin (i besimit mysliman, siç asht Behgjeti), ti të shkruash një "letër", ku theksohet "borxhi" që të paska Behgjeti(!)
Nejse! Këto janë punë shqiptarësh që kur i shtyn pengu bëhen armiq të vetvetes së pari, e mandej kujtojnë se po e dëmtojnë Behgjetin.
Gabohesh, or shqiptar!
Sepse, edhe unë, edhe ti, edhe çdo shqiptar tjetër duhet ta kuptojë se kontingjenti i fundit atdhetar që dëshiron Athina e Beogradi ta shkatërrojë ndër veti - janë biznesmenët dhe njerëzit e fuqishëm e të pasur të kombit. Por, mos harro që pikërisht këta pasanikë e bëjnë kombin dhe jo aventurierët (ku, pse jo, futesh edhe ti, katoliku im).
Për kujtesë - në korpusin "Mabetex Group", te salla "ARBËRIA" është Historia Kombëtare Shqiptare - që merr cak prej Gjergj Kastriotit, emblemat e principatave shqiptare e deri te bujku i Dukagjinit, që është duke lëruar arën e gjyshërve me kaun e parmendës. Aty ka edhe piktura të korifenjve të Artit Kombëtar, si Ibrahim Kodra etj. Te salla tjetër bie në sy edhe kryetari asokohshëm i Rusisë, Jelcin, dhe ish-kryetari i Amerikës, Clinton, edhe nënkryetari Al Gore, deputetë e kryeministra të vendeve evropiane, ku Pacolli ka punuar dhe ka fituar me aftësitë e tij dhe me punëtorë shqiptarë, të cilët i ka punësuar kur i suspendonte Beogradi dhe antishqiptarizmi.
Ka medalje dhe dekorata nga të gjitha personalitetet e huaja që e kanë vlerësuar punën gjigande të "Mabetex'-it.
Ti nuk je burrë i keq, por të këshilloj më mirë merru me punët e putanave, siç je marrë tërë jetën tënde (se borxhet që më ke mua pasi pagove me mijëra franga
Norat, e Lorat, Sorrat e kllosharë të tjerë, as nuk kam ndërmend t'i kërkoj prej teje, që je një borxhli profesionist), nuk habitem që na paske gjetur një "biznes të ri" - sulmin ndaj Pacollit.
Zoti të ruajt e Kisha e Shnda Ndojt!
Kaq kësaj radhe!