[Zero Cool]

Edhe këtë vit restorani i shqiptarit nga Tetova më i miri në botë



Kopenhagen, 13.11.2012 09:43

Për herë të tretë për restorantin më të mirë në botë është zgjedhur restoranti “Noma” në Kopenhagë, pronar i së cilës është një shqiptar nga Tetova e Maqedonisë, transmeton Shqipmedia.

Bëhet fjalë për Rene Rexhepi i cili është shqiptarë me origjinë nga Xhepçishti i Tetovës. Çmimin të cilin ai e mori quhet “San Pelegrino”. Shqiptari nga Maqedonia për herë të tretë e fiton këtë çmim prestigjioz.

“Noma” gjendet në pjesën bregdetare të Kopenhagenit dhe është i njohur për menu të reja dhe moderne. Sipas agjencionit Reuters, “Noma” është gjithashtu edhe ambasador i programit ushqimor nordik, të cilën e promovon Këshilli Nordik i Ministrave.

Mënyra se si në këtë restorant ofrohen ushqime detare është identike me një vepër artistike.

Përndryshe, Rexhepi është me origjinë nga Maqedonia, nga ku vjen edhe babai i tij. Ai secilën verë vjen në vendlindje për të vizituar të afërmit e tij.

- Danezët menduan se ishte shaka kur vendosa të hap restorantin me kuzhinë tradicionale nordike, sepse ata mendonin se gjithçka që është e shijshme vjen nga jugu, është shumë më e mirë, më aromatike dhe më e thjeshtë. Unë u përgjigja se nuk është më e mirë, është vetëm më ndryshe nga ushqimet tjera.” – tha Rexhepi.