[Zero Cool]

2. BESIM RAMA, JAKUP NURA, RAFET RAMA, SAMI LUSHTAKU,

Më datën 22.V.1993 i pandehuri Besim Rama, pas marrëveshjes për kryerjen e aksionit terrorist i ka dhënë pushkën automatike nr. 70- AB me numër 590106, kal. 7,62 mm. X39 dhe 30 plumba, të pandehurit Rafet Rama, i cili së bashku me të pandehurit Jakup Nurën, Sami Lushtakun, Iljaz Kadriun dhe Fadil Kadriun, të cilët po ashtu kanë qenë të armatosur me pushkë automatike, ka caktuar pritë në afërsi të rrugës në kalimin hekurudhor në hyrje të Gllogovcit, nga ku rreth orës 22.40 minuta kanë hapur zjarr me rafal në milicionerët e ndërrimit të tretë të MPB-së të Gllogovcit, të cilët kanë qenë në automjetin motorik zyrtar të markës “Ivekokombi“ me regjistrim M-615-155, me ç’rast nga lëndimet e marra nga plumbat e shkrepur është shkaktuar vdekja e policëve Zvonko Jevtiq dhe Nebojsha Gjorgjeviq, kurse lëndime të rënda trupore kanë marrë policët Zoran Iliq dhe Sinisha Milosavleviq, kurse lëndime të lehta trupore kanë marrë policët Bojan Mladenoviq, Miroljub Milenkoviq dhe Predrag Perishiq, ndërsa policët Safet Gashi dhe Sinan Stefanoviq nuk kanë pësuar lëndime. Të akuzuarit pastaj janë larguar nga vendi i ngjarjes dhe kanë shkuar në shtëpitë e tyre, ndërsa të pandehurit
Rafet Rama dhe Jakup Nura kanë shkuar në shtëpinë e të pandehurve Jakup dhe Avni Nura në fshatin Prellovc, ku i pandehuri Avniu i armatosur me revolver ka bërë roje para shtëpisë, derisa kanë pushuar të pandehurit RafetRama dhe Jakup Nura, me këtë në bashkëveprim kanë kryer veprën penale të terrorizmit nga neni 125 të LPJ, të ndëshkuar sipas nenit 139, al. 2 lidhur me al. 1 të LPJ.

3. BESIM RAMA, SAHIT JASHARI, ALI JONUZI DHE IDRIZ ASLLANI

Më datën 11. II.1996 - sipas marrëveshjes paraprake i pandehuri Besimi, i armatosur me pushkë automatike të përshkruar më lart dhe me thikë, si dhe i pandehuri Sahit Jashari i armatosur me pushkë automatike, revolver dhe bomba dore, janë takuar në hyrje të Vuçitërnës me të pandehurit Ali Jonuzi dhe Idriz Asllani, të cilët në marrëveshje të shkurtër janë njohur me vendin dhe kohën e kryerjes së aksionit dhe i kanë dërguar ata deri te QSHM në Vuçitërnë, ku i pandehuri Sahiti, rreth orës 21.15 min. në dhomën e fjetjes numër 4, në të cilën ka qenë Seka Kriçkoviq, Nikolla Kovërlia, Voja Kovërlia, Jovanka Kovërlia dhe Stojan Kovërlia, refugjatë nga RSK, kanë aktivizuar dhe kanë hedhur përmes dritares 2 bomba dore të prodhimit kinez ngjyrë të gjelbër, të cilat nuk kanë eksploduar, sulm ky i cili është kryer në mënyrë kohore i koordinuar me sulmet e grupeve të tjera terroriste në të njëjtën ditë në Suharekë, Podujevë, Prishtinë, Mitrovicë dhe Pejë, në objektet në të cilat kanë qenë të vendosur 284 refugjatë nga RSK, me këtë në bashkëveprim kanë kryer veprën penale të terrorizmit nga neni 125 të LPJ.

4. BESIM RAMA, ADEM JASHARI., SAHIT JASHARI, NUREDIN LUSHTAKU, FADIL KADRIU DHE ZENUN KADRIU

Me datën 22. IV.1996, në Mitrovicë, në vijën magjistrale Prishtinë Rozhajë, i pandehuri Besim i armatosur me pushkë automatike dhe revolver, i pandehuri Ademi me pushkë automatike, revolver dhe bomba, i pandehuri Sahiti me pushkë automatike dhe revolver, i pandehuri Nuredini me pushkë automatike dhe revolver, i pandehuri Fadili me pushkë automatike dhe revolver dhe i pandehuri Zenuni, me pushkë automatike, kanë vendosur pritën afër rrugës dhe rreth orës 21.20 min. i pandehuri Nuredini, me pushkë automatike, i pandehuri Zenuni me revolver të cilin më parë ia ka dhënë i pandehuri Adem, kanë hapur zjarr në automjetin zyrtar të MPB-së të markës “Jugo-skala 55“, me regjistrim M-617-917, i cili në atë kohë ka kaluar aty pari dhe në të cilin kanë qenë 4 persona, me ç’rast nga lëndimet e marra nga plumbat e shkrepur është shkaktuar vdekja e Dragana Neshiqit, kurse lëndime të lehta trupore ka marrë polici Sllobodan Dudiq, ndërsa Dragan Borisavleviq dhe Dragana Lugoniq, persona duke u dërguar në vuajtje të dënimit, nuk kanë pësuar asnjë lëndim. Të pandehurit e tjerë për shkak të kalimit të shpejtë të automjetit nuk kanë pasur sukses që të shtijnë në të njëjtin automjet. Edhe ky sulm është kryer në kohë të koordinuar me sulmet e grupeve të tjera terroriste në të njëjtën ditë ndaj pjesëtarëve të MPB-së dhe qytetarëve serbë në Deçan, Pejë dhe Shtime, me ç’rast kanë humbur jetën 4 persona, ndërsa 3 janë plagosur. Me këtë në bashkëpunim kanë kryer veprën penale të terrorizmit nga neni 125 i LPJ të ndëshkuar sipas nenit 139 al. 2 lidhur me al. 1 të LPJ.

5. BESIM RAMA, ADEM JASHARI, FADIL KADRIU, NUREDIN LUSHTAKU DHE REXHEP SEJDIU

Me datën 17.Vl.1996, në rrugën magjistrale Mitrovicë Pejë, në afërsi të JKJ “Vodovod“ në lagjen Shipol të Mitrovicës, të pandehurit Besimi, Fadili, Nuredini dhe Rexhepi, të armatosur me pushkë automatike, ndërsa i pandehuri Ademi me snajper, kanë vënë pritën afër rrugës, së pari të gjithë së bashku, e pastaj janë ndarë në dy grupe, ashtu që të pandehurit Besimi dhe Ademi janë larguar nga 3 të tjerët dhe kanë caktuar grupin e pritës, ndërkaq i pandehuri Besimi, me pushkë automatike të përshkruar më lart, dhe i pandehuri Ademi, me snajper të kal. 7,9 mm kanë hapur zjarr në automjetin zyrtar të MPB-së, të markës “Zastava 101“ me regjistrim M-618-422, në të cilin automjet kanë qenë dy policë, me ç’rast nga lëndimet e marra prej plumbave të shkrepur është shkaktuar vdekja e policit Predrag Gjorgjeviq, ndërkaq polici Vukojiçiq ka marrë lëndime të rënda trupore. Pastaj, të pesë të pandehurit e tjerë janë larguar nga vendi i ngjarjes, sulm ky i cili është kryer në kohë të koordinuar me sulme të tjera të grupeve në të njëjtën ditë ndaj pjesëtarëve dhe objekteve të MPB në Lluzhan dhe një natë më parë në Podujevë, në të cilat sulme një person është lënduar, me këtë në bashkëveprim kanë kryer veprën penale të terrorizmit nga neni 125 i LPJ, të ndëshkuar sipas nenit 139 al.2 lidhur me al.1 të LPJ,

ARSYETIM
MPB-ja, Sekretariati në Prishtinë, ka ushtruar fletëdënoncim penal numër 2194/96, datë 2.X.1996 kundër Besim Ramës nga Prekazi i Epërm dhe Avni Nurës nga Prellovci, për shkak të dyshimit të bazuar se kanë kryer shumë veprajanë sjell me fletëdënoncim te gjyqtari hetues.
Gjyqtari hetues personat e dyshimtë i dëgjoi në rrethanat e fletëdënoncimit penal e pastaj procesverbalet e marrjes në pyetje të tyre dhe shkresat e tjera të përmendura ia ka dërguar Prokurorisë Publike të Qarkut për shqyrtim të mëtutjeshëm të tyre në bazë të nenit 193 al.4 të LPJ. Prokuroria është njoftuar se kundër personave të përmendur është caktuar paraburgimi. Prokuroria Publike e Qarkut me datën 4. X. 1996 ka ushtruar kërkesë për zbatimin e hetimeve numër 139/96, kundër Besim Ramës e të tjerëve për shkak të dyshimit të bazuar se kanë kryer shumë vepra penale të terrorizmit nga neni 125 i LPJ. Gjyqtari hetues, përveç dëgjimit të Besim Ramës dhe Avni Nurës, tash për tash nuk mund t’i marrë në pyetje edhe të pandehurit Adem Jasharin, Jakup Nurën, Fadil Kadriun, Nuredin Lushtakun, Sabit Jasharin, Rafet Ramën, Sami Lushtakun, Iljaz Kadriun, Rexhep Selimin, Hashim Thaçin, Zenun Kadriun, Ali Jonuzin dhe Idriz Asllanin, sepse gjenden në arrati.

Nga përmbajtja e fletëdenoncimit penal, shkresa të tjera të bashkangjitura me fletëdënoncim dhe nga mbrojtja e të pandehurit të parë dhe të dytë, lind dyshimi i bazuar se të pandehurit i kanë kryer veprat penale të cilat u vihen në barrë. Prandaj gjyqtari hetues gjeti se kërkesa e PPQ për zbatimin e hetimeve është e bazuar, për grumbullimin e provave me qëllim të dëgjimit të kësaj çështjeje konkrete juridiko-penale në bazë të neneve 157 dhe 159 al. 1 dhe 2. të LPJ, sepse ekziston rreziku nga shtyrja e lëndës. penale të terrorizmit nga neni 125 LPJ.
GJYKATA E QARKUT NË PRISHTINË, DATË 4.X.1996 GJYQTARI HETUES DANICA MARKOVIQ
KËSHILLË JURIDIKE:
Kundër këtij aktvendimi lejohet e drejta e ankesës në afat prej 3 ditësh nga dita e pranimit të tij, kolegjit penal të kësaj gjykate“.