Hajra

Përkthimi i Kur'anit në gjuhën ruse

Sipas disa faqeve të internetit, autorja ruse, Valeria Porokhova ka përfunduar përkthimin e Kur'anit të Shenjtë në gjuhën ruse

E mërkure 16 Nëntore 2011 23:33
Hulumtuesit dhe ekspertët besojnë se ky përkthim është një prej përkthimeve më të mira ruse, i cili ka mbushur hendekun e krijuar nga vdekja e disa ekspertëve rusë në këtë fushë.
Në një intervistë përkthyesja Porokhova thotë: "Kur e kam lexuar Kur'anin, unë ndjeva dashuri për te, gjë që më bëri ta përkthej në gjuhën rusishte". Ajo, gjithashtu pranoi se gjatë përkthimit kishte hasur në shumë vështirësi, por shejh Ahmed Kaftaro, ish myftiu i Sirisë, dhe i biri i tij, shejh Mahmud Kaftaro e ndihmuan shumë në punën e saj.
"Disa dijetarë fetarë më kanë ndihmuar dhe kanë mbështetur punën time. Kur lexoni Kur'anin, dhe kur arrini në fund ju thoni: "Nuk ka zot tjetër veç Allahut dhe Muhamedi është pejgamber i Tij", thotë Porokhova.
Sa i përket publikimit të përkthimit Porokhova thotë: "Shejh Zeid bin Sultan nga Emiratet e Bashkuara Arabe e dërgoi përkthimin në El-Azhar për të verifikuar saktësinë e tij. Pasi kemi marrë konfirmimin, ai financoi shtypjen e 25.000 kopjeve.
Deri më sot janë shtypur gjysmë milion kopje. "Një sukses i tillë është shumë i rëndësishëm dhe i dobishëm, sidomos kur kjo ka të bëjë me të mësuarit dhe të kuptuarit e Kur’anit, i cili i është shpallur gjithë njerizimit pa asnjë diskriminim në ngjyrë apo racë./breziiri/