[lirik]

Kina, fuqia e parë tregtare në botë

Kina ka tejkaluar Shtetet e Bashkuara të Amerikës dhe është bërë fuqia më e madhe tregtare në vitin 2012, duke iu referuar eksportit dhe importit të përgjithshëm. Sipas të dhënave të Odës tregtare amerikane, këmbimi i përgjithshëm i mallrave të SHBA-së vitin e shkuar ishte 3.82 trilionë dollarë, Kina vjet ka realizuar këmbim të mallrave në shumë prej 3.87 trilionë dollarëve. Suficiti kinez Eksporti më i madh sesa importi) në këmbimin e mallrave ishte 231.1 miliardë dollarë, SHBA-ja në këmbimin e mallrave realizoi deficit prej 727.9 miliardë dollarëve.

“Kjo e arritur kërcënon të rrënojë blloqet tregtare rajonale, sepse Kina po bëhet partner ekonomik edhe për shumë vende të largëta, si për shembull për Gjermaninë, e cila deri në fund të kësaj dekade do të eksportojë në Kinë më shumë mallra sesa në Francën fqinje”, tha për “Bloomberg” Jim O’Neill, analist dhe drejtor për menaxhim të pronave në Goldman Sachs.

Sipas tij, edhe vende të tjera të Evropës deri në vitin 2020 do të tregtojnë më shumë me Kinën se me fqinjët e tyre në rajon.

Për herë të fundit kinezët kishin ekonominë më të fuqishme në botë gjatë sundimit të dinastisë Qing në shekullin e 18-të. Sot ky shtet është konsumuesi më i madh i energjisë, ka tregun dhe shitjen më të madhe të automjeteve dhe ka rezervat më të mëdha të valutave të huaja në botë. Askush nuk pyet kush ishe por kush je -kush nuk fiton ai perfundon-
Bota gjithnji e ma shum e kercnuar nga kina dhe rusia-popullit shqiptar i shtohen armiqt jetik