[Oltiana1]

Çdo çast i jetës sonë ka vlerë pasi është unik e i pakthyeshëm. Edhe pse një çast i ekzistencës sonë mund të jetë i mbushur me :Sfida , gëzime , mjerime e vuajtje , ajo vazhdon të ruaj një magji ndjellëse brenda vetes që na bën ta duam e mos të shkëputemi dot prej saj .

Jeta është e vështirë , sepse na duhet të zgjedhim të drejtën , mes atyre pak te drejtave e mijëra të zhdrejtave..

E vështirë , sepse brenda saj ka humbjen , jo vetëm dështimin por edhe largimin e diçkaje të patur e cila shpesh është edhe e dashur.
Jeta është përsëri e bukur dhe ka vlerë.

E bukur tek jeta është edhe çdo gjë që kemi , sepse kështu mund të jemi mirënjohës për to. Por, edhe çdo gjë që nuk kemi sepse kështu mund të shpresojmë për t’i patur.
Tepër të bukur konsideroj tek jeta edhe faktin që nuk kemi përgjigje për çdo pyetje, sepse vetëm kështu mund të besojmë.
Megjithatë, mendoj se në majën e kësaj piramide qëndron e pushtetshme dashuria, dashuria që marrim e që japim.