[Kalt]

18 meshkujt më tërheqës në dy dekada, në sondazhin e përvitshëm të revistës “People”
Burrat më seksi të të gjitha kohërave



Mel Gibson
Mark Harmon
Harry Hamlin
John F. Kenndy Jr.
Sean Connery
Tom Cruise
Patrick Swayze

Nick Nolte
Denzel Washington


George Clooney
Harrison Ford
Richard Gere
Pierce Brosnan
Ben Affleck
Jony Deep
Jud Low
Brad Pitt
Matthew McConaughy

Nuk ka të bëjë aspak me të qenit i bukur. Vijat perfekte të fytyrës nuk mjaftojnë që të shpallesh mashkulli më seksi në planet. Ajo që vlen është një kombinim i pamjes, sjelljes dhe tërheqjes në kompleksitet. Të paktën kështu tregojnë anketat dhe klasifikimet e plot 20 vjetëve në revistën amerikane “People”. Pasi në dy dekada ajo ka shpallur meshkujt më tërheqës çdo vit duke u bazuar në votimet e publikut, tashmë paraqet 18 personazhet e famshme si burrat më seksi të të gjitha kohërave. Midis tyre gjenden emra të njohur të skenës, shumica prej të cilëve i përkasin kinematografisë.
Revista “People” e nisi sondazhin saj për mashkullin më seksi në vitin 1985. Inaugurimin e bëri aktori Mel Gibson, i cili ishte i pari që mori këtë çmim. Kjo ndodhi kur ai ishte ende në fillimet e karrierës dhe famës kinematografike, me filmin “Mad Max”. Çmimi si “Mashkulli më seksi” nuk përfshinte vetëm personazhet e artit, por nga të gjitha fushat, kështu që vitin pasardhës çmimin e mori Mark Harmon, një lojtar rrekbie. Ai që deri në atë kohë kishte bërë që të shtoheshin rrahjet e zemrës nga emocionet e lojës tashmë ishte në kopertinën e revistës “People”. Harry Hamlin, një tjetër aktor do të ishte në qendër të vëmendjes në vitin 1987 si mashkulli më tërheqës. “Natyrisht që kur e shoh veten në pasqyrë nuk tundohem nga pamja”, tha ai, pasi mori vesh për vlerësimin që i ishte bërë. Klasifikimi i vitit 1988 do t’i kapërcente të gjitha fushat dhe do të përfundonte te një trashëgimtar i madh. I riu Xhon Kenedi në atë kohë konsiderohej si mashkulli më tërheqës dhe adhurohej nga të gjitha femrat. Ky vlerësim i dhuroi atij çmimin e vitit ‘88 nga revista amerikane. Mosha nuk kishte aspak rëndësi. Kjo u vërtetua menjëherë pas një viti kur Shon Koneri “pushtoi” faqen e parë të “People” si mashkulli më seksi, ndërsa ai vetë u shpreh se çmimi ishte shumë larg nga e vërteta. Vitin ’90 do ta niste një aktor tjetër me famë, Tom Kruiz. “Joshja e tij nuk ka të bëj aspak me përsosmërinë, është kompleksi ai që vlen”, kështu do të shprehej një producent me dhënien e këtij çmimi aktorit Kruiz. Stafeta në vitin pasardhës i kaloi aktorit Patrick Swayze, i cili ndodhej në bumin e momentit. “Ai ka një shpirt të ëmbël, të butë...por gjithashtu, ka një fizik të fortë dhe kafshëror”, tha në atë kohë kolegia e filmit “Ghost”, Demi Mur. Pretendenti i vitit 1992 ishte i adhuruar nga të dyja palët. Aktori Nick Holte u shpall “Mashkulli më seksi” në një kohë kur theu klasifikimet me filmin “Cape Fear”. E në renditjen e meshkujve më seksi në këto 20 vjet nuk kishte si të mungonte Bred Pit. Ai u shpall “Mashkulli më seksi” në vitin 1995, çmim të cilin e fitoi sërish pas pesë vjetësh. “Kamera e dashuron atë”, ka thënë producenti Patrick Markey. Me flokët e tij të lirta dhe fytyrën e gdhendur nuk ishte çudi që ylli i protagonisti i filmit “Troja” ishte personazhi i “People” në vitin 1995. Ai u shpall sërish si “Mashkulli më seksi” në vitin 2000, kur u martua me aktoren Xhenifer Aniston. Në vitin 1996 vlerësimin botëror nga revista e mori fituesi i dy çmimeve “Oskar”, Denzel Washington. “Ai nuk është vetëm i bukur”, ka thënë një nga koleget e tija. “Ai ka stil dhe është inteligjent”. Përveç kësaj, ai është vlerësuar se i jep fisnikëri dhe intensitet roleve të tij. ’97 është viti i George Clooney. Zgërdheshja e tij djallëzore i ka bërë për vete të gjitha adhurueset, duke e votuar pafundësisht si mashkullin më tërheqës të të gjitha kohërave. Titulli i kaloi vitin e ardhshëm një tjetër mesoburri. Harrison Ford ishte i vlerësuari i radhës nga revista “People”. “Përse kjo dyndje e papritur për plakushët”, tha vetë Ford kur mori vesh për ketë nderim. Edhe në vitin pasardhës, Riçard Gir, një 50-vjeçar me flokë gri do të fitonte çmimin “Mashkulli më seksi” i cili edhe sot nuk e ka humbur zotësinë për t’i bërë femrat të treten. Ndërsa mijëvjeçarin e ri do ta niste aktori irlandez, Pirs Brosnan. Edhe ai si një serial Xhejms Bond, e meritonte një vend në fronin 20-vjeçar të meshkujve më tërheqës. Mbretëruesi i viti 2002 është i gjatë, brun dhe shumë tërheqës. Por shokët e vlerësojnë më shumë. Ben Aflek mori këtë vlerësim në kohën kur ishte në qendër të vëmendjes me martesën e tij të mundshme me Xhenifer Lopez. “I këndshëm, i këndshëm e shumë më tepër....”, kështu e përshkroi protagonistja e “Piratëve të Karaibeve” mashkullin më seksi të viti 2003, Xhoni Dep. Ndërsa për këtë të fundit duket sikur këto lloj çmimesh nuk kanë dhe aq rëndësi. Vitin e kaluar “People” shpalli si më tërheqësin, aktorin e ri në moshë dhe në karrierë, Xhud Lou për të cilin vlerësimet pozitive nuk mungojnë nga të gjitha koleget. 20-vjeçarin e plotë të tërheqjes mashkullore e mbyll i përzgjedhuri i këtij viti, aktori Matthew McConaughy.

Marrë nga revista “People”