[sunshine]

Përgëzime për temën Experti!
Meqenëse aftësia e ligjerimit apo diskutimit nuk është e njëjtë te çdo njëri, padyshim se tek ata që është më e kufizuar reziston menjëherë në paknaqësi dhe kundërshtim! Këtë e vëren njeriu në postimet me radhë pas hapjes së temës nga ju! Për mua është fatkeqësi kombëtare aftësia e të shprehurit dhe ligjerimit. Sidomos në trojet shqiptare jashtë trungut të shtetit shqiptar, vërehet kjo dukuri në përmasa të gjëra! Lexova këtu më lart, më duket nga Jeta(edhe pse postimi shumë i mirë!) që thotë se aftësia e ligjerimit është e lindur!!! Natyrisht se ka nga ata që janë edhe të lindur orator, ama unë mendoj se mënyra e vetme për ta pasuruar oratorinë dhe aftësinë e të shprehurit është vetëm leximi!
Unë jetoj në Gjermani. Po të përcjellësh televizionet gjermane e vëren shumë mirë sesa orator dhe të qartë janë gjermanët në përgjithësi. Mirëpo, këtu edhe lexohet shumë. Është e pamundur të ulesh në një autobus, tren etj. e mos të shohish udhëtarët duke lexuar libra, gazeta apo diçka tjetër. E kjo kulturë leximi mungon tek ne, edhe pse në karhasim me periudhen para lufte, tash ka tituj të botuar tri herë më shumë!
Për fund. Unë do të turpërohesha po të isha në vendin e disa politikanjëve dhe profesorëve (flas nga Kosova!) që të dilja me atë oratori të një nxënësi të shkollës fillore, para kamerave televizive apo para studentave!