[Lona]

Todorovski dhe Ahmeti shkëmbyen informata për lëvizjen dhe veprimin e grupeve të armatosura në vijën kufitare


Zv/komisari i policisë SHPK së, gjeneral Sheremet Ahmeti dhe drejtori i Sigurimit Publik të Maqedonisë Lupço Todorovski gjatë një takimi që patën në Shkup shkëmbyen informata për lëvizjen dhe veprimin e grupeve të armatosura në vijën kufitare Maqedoni Kosovë.

Në këtë takim pozitivisht u vlerësuar bashkëpunimi i deritanishëm, ndërsa u dakorduan edhe modalitetet për thellimin e saj për luftë më efektive dhe më të suksesshme kundër grupeve kriminele, që dëshirojnë t'i keqpërdorin tensionet politike në prag të zgjidhjes së statusit përfundimtar të Kosovës. Tododorovski dhe Ahmeti shkëmbyen edhe të dhëna për lëvizjen dhe veprimtarinë e këtyre grupeve, duke konkluduar se veprimtaria e koordinuar është mënyra më e mirë për kundërpërgjigjen e strukturave kriminele, të cilat duke shfrytëzuar konfiguracionin e terrenit të vijës kufitare, shpesh dhe shpejt e ndryshojnë lokacionin e tyre.
Ahtisaari kërkon durim rreth statusit të Kosovës

Ish ndërmjetësuesi ndërkombëtar i emëruar i Sekretarit të Përgjithshëm në bisedimet për statusin e Kosovës, MarttiAhtisaari, ka bërë thirrje për durim të mëtejmë duke theksuar se u duhej dhënë kohë negociatave që po udhëhiqen nga treshja ndërkombëtare.

Në një ligjëratë që ka mbajtur në Universitetin Georgetown në Washington, Ahtisaari ka theksuar se priste që treshja ndërkombëtare do t'i raportonte Sekretarit të Përgjithshëm, Ban ki Moon më 10dhjetor, njoftuan mediat amerikane. Ai ka paraparë mosshqyrtimin e menjëhershëm apo mosdërgimin nga Sekretari i Përgjithshëm tek Këshilli i Sigurimit, sepse paraprakisht raporti duhej të përkthehej në gjashtë gjuhët zyrtare të Kombeve të Bashkuara."Të shpresojmë se Këshilli i Sigurimit, me urtësinë e tij do të marrë vendimin e domosdoshëm", tha Ahtisaari duke tërhequr vërejtjen për rrezikun që do të përbënte marrja e ndonjë vendimi jashtë Këshillit të Sigurimit. Ai shtoi se çdo kush që mbështet rolin e Kombeve të Bashkuara në botë do që çështja të zgjidhet aty, mirëpo do të varet shumë se si do të veprojë Këshilli i Sigurimit. Ahtisaari hodhi poshtë spekulimet për gjoja veton apo mosmiratimin e planit të tij në Këshillin e Sigurimit."Të gjithë e dinë se nuk është votuar për planin që e kam propozuar, megjithëse shumica e anëtarëve të tashëm të Këshillit të Sigurimit e kanë mbështetur. Dhe për këtë nuk ka asnjë dilemë andaj duhet pasur durim. Unë për vete kam", tha ish ndërmjetësuesi Ahtisaari në një ligjëratë në katedrën e ashtuquajtur shkolla e shërbimit të jashtëm, në Universitetin Georgtown, që është më i njohuri për përgatitjen e diplomatëve amerikanë.