[Pupi]

rtv21

Mbi 170 zyrtarë nga ministri të ndryshme të Qeverisë së Kosovës, pa marrë parasysh se janë me kontratë, janë larguar nga puna! Ky vendimi është marr në saje të rregullores së UNMIK-ut, që sanksionon të gjithë zyrtarët e përfshirë në fushatë zgjedhore!?\22

Drejtori i Departamentit të Tregtisë, në Ministrinë e Tregtisë dhe Industrisë, me 16 janar e ka kuptuar se nuk është më nënpunës i kësaj ministrie. Vendimi i ka ardhur pa ndonjë paralajmërim paraprak: "Unë kam marr pjesë në fushatë, mirëpo askush nuk më ka njoftuar për sanksionet që do t'i kem nëse, unë jam pjesë e fushatës. Është hapur konkurs për vendin tim të punës edhe pse kam kontratë deri në 2009...", ka thënë Isuf Prelvukaj, ish drejtor i Departamentit të Tregtisë në MTI.
Vendimi është bazuar në një rregullore të UNMIK-ut, që bie ndesh me udhëzimin e ministrisë së Administrimit të Pushtetit Lokal që u lejohet pjesëmarrja në fushatë, duke respektuar procedurat e tjera administrative. Ish ministri Lutfi Haziri, thotë se me këtë është shkelur ligji dhe kjo bie në kurriz të punëtorëve.
Sindikalistët, kërkojnë përgjegjësi konkrete për vendimet e tilla që ndëshkojnë me mijëra punëtorë, duke përfshirë edhe ata të arsimit, të cilët mbase goditen më së shumti!
Sipas tyre ligjet janë shkelur nga udhëheqja e ministrive.
Sindikalistët e arsimit kanë filluar para disa jave, një procedurë gjyqësore për ta hulumtuar dhe zgjidhur këtë çështje, kurse, Isuf Prelvukaj dhe punëtorët e tjerë administrativ, që nuk patën kurajën të flasin para kamerës, kanë bërë të ditur se do t'iu drejtohen gjykatave për të ndriçuar gjithë këtë pështjellim!\22.01.08\

Edhe kjo është një form e shpërfilljes së ligjit......