[Murgesha]

Evropiane të Arsimit të Lartë, pse nuk u ftua Kosova në Konferencën e Bolonjës në shtetet e Beneluksit, ndërkaq qe mori pjesë ne Berlin, Bergen dhe Londër! Njerëzit e kuptojnë këtë lojë fjalësh që ka ndikuar edhe në reduktimin e pranisë së NATO-s! Qytetarët e Kosovës, ndërkombëtarët evropianë sidomos, e njohin mirë gjendjen në vendin tonë, por ata nuk kanë kohë të humbin me vrasjet tona në mes vete dhe me urrejten e madhe deri në patologji primitive, me vjedhjen që përditë i bëjmë shtetit dhe qytetarëve! Kështu do të silleshim edhe ne në secilin mision të mundshëm ndërkombëtar kudo në botë!President i dashur, vizioni për miqësinë e përhershme me SHBA-të, sot reflekton shumë. Na e mësove se është Amerika, shteti që personifikon shpresat dhe aspiratat fisnike të popullit të Kosovës për një shtetet sovran dhe të pavarur. SHBA e ka njohur shpirtin Tuaj human, vendosmërinë për lirinë dhe shtetin, prandaj e pranuan se Kosova nuk do të ekzistonte pa vizionin dhe këmbënguljen tande. Sot, gjendja e përgjithshme, veçantë krimet politike që rëndojnë gjamë mëkati, kanë emër, një të doras dyshuar, shumë figura urdhërdhënës krimesh që fatkeqësisht udhëheqin me institucionet dhe shumë të dyshuar për korrupcion që si po duket po i mbron EULEX-i. Ka mbetur në retorikë mondane krrokataj e EULEX-it për “peshqit e mëdhenj”! Duke parë me mëdyshje angazhimet e BE-së për zhvillimin e shtetit ligjor, më kujtohet se SHBA përmes Ambasadorit Goldberg e pati thanë shumë qartë: Kosova pa presidentin Rugova është një Kosovë e ndryshme, politikisht dhe në çdo mënyrë tjetër. E ritheksoi edhe Presidenti Klinton qi përkujtoi klasës aktuale politike devotshmërinë Tuaj për paqe e liri dhe një të ardhme më të mirë për popullin e Kosovës. Sa do donim të besonim se ata që sot po udhëheqin ta kenë lexuar drejt Bob Dolin: Përpjekja e madhe e Presidentit Rugova për lirinë, demokracinë dhe pavarësinë e Kosovës ka të njejtat përmasa me fushatat e ngjashme paqësore dhe historike të Mahatma Gandit, Nelson Mandelës dhe Martin Luther Kingut. Ashtu si presidenti amerikan, Abraham Lincoln, Presidenti Rugova është bërë tashmë “njeriu i epokave”. O Zot, a thua udhëheqësit e institucioneve e kuptojnë si frymëzim jetën dhe përkushtimin Tuaj, President i dashur?! Qeveria e cila proklamoi njohjen nga 100 shtete veç në muajin e parë pas rishpalljes së pavarësisë që Ty e shpalle më 2 korrik 1990 z. President, ka hyrë në vitin e tretë të pushtetit duke shkelur Kushtetutën, duke kthyer Kosovën në terr të plotë, krim e korrupcion material e moral…Pak kush lexon pas rreshtave President i dashur, askush nuk dëshiron ta njoh terrin! Por realiteti loton…ai thyhet tek zhgënjimi bie bashkë me shiun edhe në fjolla bore…! Mund të jetë mëkat që po ju flas, po ju shkruaj e mund t’ju lëndoj! Vetëm dua që malli e lotët të shprehin një pak rrëfim për të dy anët e medaljes gjashtëyllëshe të shndërruar në “identitet kosovar”, që kurr nuk mund e as nuk do të mbetet i pranueshëm për askënd, përveç atyre që urdhëruan turqit të na e qepin flamurin! Bashkë me Ju z. President, po ju flas edhe Enverit e Xhemës, Profesor Aganit e profesor Ahmetit, ushtarakëve Krasniqi e Zemaj, gazetarëve Ali Ukaj, Afrim Maliqi, Bardhylit, Shefkiut e Bekimit, kryetarëve Bytyqi e Rraci dhe të gjithë atyre veprimtarëve a ushtarëve, shkrimtarëve a akademikëve, baballarëve a vllezërve, që i vrau, edhe sot pas “Nazim Bllacës” dikush, “i panjohur” për aryse dhe motive politike…Po ju flas Ju që nga amshimi bëni sehir teksa na shikoni ne që përpëlitemi keq mbi k’të jetë të pushtuar nga gënjeshtra, antidashuria e urrejtja, abuzimi e stërkeqja…Në këtë varr trishtimi dhe vetmie të madhe, ende nuk përckatoj ku mbaron realiteti e ku nisë ëndërra! E di se ne të gjallët e kemi për detyrë t’ua lehtësojmë vuajtjet të vdekurve, prandaj dhemb shumë gjëma e mëkatit. Dhe në të vërtetë, në k’to kohë kur nuk plasi kolera, por gripi i derrit e mbase po vjen edhe gripi i dhive, ne të gjallët po ju dënojmë juve. Po shkelim çdo ligj tokësor e qiellor sepse fundja ju nuk pyesni për ne, as për moralin tonë, as për ndytësitë që bëjmë në emër të lirisë a shtetit. Nuk e di a ju lëndojnë Juve të pështirat dhe hipokrizitë tona?! Mbase vuajtja juaj mund të ngjizet me trishtimin tonë dhe kështu bashkërisht, së paku do të mund të luteshim! Për Presidentin me kompani, Kryeministrin me ministra, SHIK-un dhe Nazim Bllacën e Azem Sylën bashkë me Xhavit Halitin, Fatmir Xhelilin e Kadri Veslin. Duhet të bëjmë lutje edhe për UNMIK-un e EULEX-in, Krimin dhe Lirinë, Korrupcionin dhe Atdheun, “Progresin e fuqishëm” dhe Raportin e EU regresit…etj…A thua e kuptojnë këta të gjallët z. President, lutjen: Fali o Zot, se nuk e dijnë çka janë duke bërë…?! Athua o Zot, ata që e kanë nisur luftën për liri e çlirim e kanë ndie thellë domethënien e sakrificës, përkushtimit dhe thellësinë e përgjegjësisë për të bërë shtet?! President i dashur, Liria ka mbetur etje përmasash qiellore. Lutja për mirësinë, për falje të atyre që vranë, plagosën, kërcënuan, rrahën, torturuan dhe detyruan shumë njerëz për të ikur nga vendlindja është vetëm një dëshirë në vendin ku s’ka më as edhe një meshë solemne të artit, dashurisë dhe humanes!


-vijon-

lajmishqip.com