[LaCoStA]

Neymar: Dua të bëhem si Messi




Braziliani Neymar ka pohuar se nuk ka asnjë rivalitet mes tij dhe yllit të Barcelonës Lionel Messi duke shtuar se ai ëndërron të arrijë në nivelin e tij. Sulmuesi i Santos arriti të shënojë tre gola në Kupën Libertadores vetëm pak pasi Messi gjeti pesë herë rrjetën në ndeshjen përballë Bayern Leverkusen të mërkurën. Neymar gjithsesi nuk është i interesuar të krahasohet aspak me argjentinasin. “I ashtuquajturi rivalitet mes Messit dhe meje nuk ekziston. Ai është në një nivel tjetër. E kam thënë tanimë se ai është më i miri në botë. Nuk ka dyshime për të”, tha Neymar.