[Zero Cool]

Para marrëdhënjeve intime jemi të obliguar të përgatitemi


Bashkëshorti duhet të gjejë mënyra që psikologjikisht ta përgatisë gruan për aktin seksual. Ai duhet të mundohet të thejë turpin e saj, t’i mbjellë siguri dhe vetbesim, posaçërisht në natën e parë të martesës. Në të vërtetë, shumë vajza kanë frikë të madhe nga nata e parë e martesës. Nëse burri nuk është i kujdesshëm në natën e parë, kjo mund të rezultojë me shumë pasoja të padëshirueshme të cilat mund të zgjasin ose të mbesin të përhershme, sikur frigjiditeti, frika nga akti seksual e të tjera.

Prandaj një fjalët e mira, afrimi i këndshëm, përkdheljet dhe puthjet mund të jenë hyrja më e mirë në vetë aktin seksual dhe pas vetes nuk do të lënë pasoja të padëshirueshme, siç mund të ndodhte me hyrjen direkte në akt, me lëvizje të shpejta dhe të vrazhdta dhe me kryerjen e vetë aktit pa kurrfarë përgatitje.

Se sa janë të urta fjalët e të Dërguarit të Allahut, s.a.v.s. të cilat i transmeton Enes ibn Malik r.a.: “Asnjëri prej jush le të mos i afrohet gruas së tij, ashtu siç e bëjnë kafshët! Në mesin e atyre dyve le të jetë një emisar! Kanë pyetur: E çka është ajo o i Dërguari i Allahut? Ai është përgjigjur: Ajo është të folurit dhe puthja!”

Për fat të keq, shumë muslimanë për marrëdhëniet intime mësojnë nga romanet, nga serialet televizive apo nga revistat erotike, ndërsa reçeta e vërtetë për martesë të suksesshme dhe për marrëdhënie të drejta intime është i Dërguari ynë, s.a.v.s. që sa shekuj?! Athua a ka dikund aq ngrohtësi, ëmbëlsi dhe urti dhe aq brengë për ruajtjen e martesës, ashtu siç gjejmë në fjalët e tij?!



Cila pozitë është e lejuar gjatë marrëdhënjeve intime?

Është e lejuar që me rastin e marrëdhënieve intime t’i afrohemi bashkëshortes nga cilado anë: nga para, nga prapa ose prej anësh, edhe pse më e natyrshme, siç përmendet në disa thënie, është që gruaja të jetë e shtrirë në shpinë ndërsa burri mbi të.

Domethënë është i lejuar çdo pozitë, me kusht që marrëdhëniet të kryhen në organin gjenital të gruas. Xhabiri r.a. transmeton se çifutët kanë folur se fëmija do të lindë i mangët tek ai njeri që i afrohet gruas nga prapa, dhe për këtë është shpallur ajeti: “Gratë tuaja janë vendmbjellje e juaj, afrohuni vendmbjelljes suaj si të dëshironi…” . Me këtë rast i Dërguari s.a.v.s. ka sqaruar: “Edhe nga para edhe nga mbrapa, mirëpo me kusht të kryhet në organin gjenital të gruas!”




Ndalimi i marrëdhënjeve në anus (vrimën anale)!

Është haram që të kryhen marrëdhëniet intime në vrimën anale, në bazë të shumë haditheve të Muhamedit s.a.v.s.. Ebu Hurejre r.a. transmeton se i Dërguari s.a.v.s. ka thënë: “Është i mallkuar ai që kryen marrëdhënie intime me gruan e tij në vrimën anale!” .
Në transmetimin të cilin e përcjellin Ibn Abbasi dhe Ebu Hurejre r.a. thuhet: “Allahu nuk do të shikojë në njeriun i cili kryen marrëdhënie intime në vrimën anale!”



Larja pas marrëdhënjeve intime

Është e obligueshme larja pas marrëdhënieve intime. Në të vërtetë, pasi të vijë deri te prekja (takimi) e organeve gjenitale, qoftë edhe pa ejakuluar, larja ose gusli bëhen të obligueshme. Larja mund të bëhet bashkarisht, ashtu siç e ka bërë i Dërguari i Allahut, s.a.v.s. në transmetimin të cilin e përcjell Ajsheja r.a.: “Jam larë me të Dërguarin s.a.v.s. nga një enë, e ai më tejkalonte në marrjen e ujit nga ajo enë, kështu që thashë: Më ler edhe mua! Më ler edhe mua! Ka thënë: Kemi qenë të dytë xhunub.”

Domethënë, pasi që burri dhe gruaja bashkarisht mund të lahen, kjo tregon se ata lirisht mund të shikojnë dhe të prekin pjesët e tyre, të turpshme, të trupit. Dijetarët muslimanë, duke u mbështetur në hadithin e të Dërguarit të Allahut, s.a.v.s. të cilin e transmeton Behz ibn Hakim, nga babai i tij ndërsa ai prej gjyshit të tij, se e ka pyetur të Dërguarin s.a.v.s.: “Çka është me vendet tona të turpshme të cilat i tregojmë?”

Ai është përgjigjur: “Ruaji vendet tuaja të turpshme nga secili, përveç prej gruas tënde…” kanë ardhur në përfundim se është e lejuar që burri dhe gruaja të shikojnë dhe të prekin vendet e turpshme. Kështu, për shembull, Ibn Haxheri mendon se ky hadith udhëzon në lejimin e shikimit të vendeve te turpshme të bashkëshortes (bashkëshortit), ndërsa Ibn Urve el-Hanbeli mendon se me këtë lejohet shikimi, prekja dhe kënaqja në atë pjesë të trupit, ngjashëm siç mundemi të shikojmë te bashkëshorti (bashkëshortja) pjesët tjera të trupit, prekjen apo të kënaqemi me to!



Si të marrim gusul ?

Pas marrëdhënieve intime, guslin duhet marrë ashtu siç ka vepruar i Dërguari i Allahut s.a.v.s. Në të vërtetë, ai, siç thekson Imam Buhariu në një thënie të Ajshes r.a. dhe Mejmunes r.a., së pari ka larë duart, ndërsa në një thënie tjetër edhe organin gjenital, pastaj lante gojën dhe fytin dhe mirrte abdest siç mirret abdesti për namaz. Pas kësaj lante kokën e pas saj tërë trupin, kështu që askund të mos mbesë ndonjë pjesë e terur.



A duhet të mirret gusël pas çdo marrëdhënje intime?

Nëse dikush i afrohet gruas dhe dëshiron të njëjtën ta bëjë për së dyti herë, atëherë nuk duhet patjetër që pas çdo marrëdhënie intime të marrë gusël, por këtë duhet ta bëj në fund. Kushti i vetëm (për vazhdimin) është që patjetër të marrë abdest, ashtu siç merr për namaz dhe të lajë organin gjenital, e më pas t’i afrohet sërish gruas së tij.

Ebu Se’id el-Hudri r.a. transmeton se i Dërguari i Allahut s.a.v.s. ka thënë: “Nëse dikush i afrohet gruas së tij, dhe këtë dëshiron ta përsërisë, le të marrë abdest!”

Abdullah ibn Ebi Kajs e ka pyetur Ajshen r.a.: “Si ka vepruar i Dërguari s.a.v.s. kur ka qenë xhunub? A është larë para se të flinte apo ka fjetur para se të lahet? Ajo është përgjigjur: “Ka vepruar edhe njërën edhe tjetrën, nganjëherë është larë, e pastaj ka fjetur, e nganjëherë ka marrë abdest e pastaj ka fjetur. Abdullah ibn Ebi Kajs atëherë tha: “Falënderuar qoftë Allahu që e ka bërë këtë fleksibile!”

Gjithashtu, nëse personi i cili ka marrëdhënie intime dhe nuk është në gjendje menjëherë të lahet, ndërsa dëshiron të flejë ose të hajë, le të marrë abdest, pastaj do të hajë ose do të flejë, e më vonë do të lahet. Ajsheja r.a. transmeton se i Dërguari, s.a.v.s. nëse ishte xhunub, ndërsa ka pasur dëshirë të hajë ose flejë, ka marrë abdest siç mirret abdesti për namaz




Kush ka më shumë se një grua, a duhet të lahet pas afrimit të secilës grua?

Nëse ndokush ka më shumë se një grua dhe për një natë ka kontakt me secilën, nuk është e obligueshme që të lahet pas çdonjërës. Atij i është mundësuar që pas afrimit te njëra grua, të lajë organin gjenital dhe të marrë abdest, e pastaj t’i afrohet gruas tjetër. Kështu nganjëherë ka vepruar Pejgamberi s.a.v.s.. Enes r.a. transmeton se Muhammedi a.s. i është afruar grave të tij me një të larë.

Ka edhe transmetime tjera në të cilat theksohet se Muhammedi a.s. ka marrë gusël, pas çdo afrimi te gratë e tij, pa marrë parasysh se atë e ka bërë gjatë një nate.