[Zero Cool]

Intervistë ekskluzive me Dr. Don Lush Gjergji

"Ne nuk kërkojmë që dikush të na kërkojë falje, nëse zotëri Krasniqi e ndien një nevojë të tillë le ta bëjë, megjithëse ne nuk e kushtëzojmë bashkëpunimin tonë dhe vëllazërinë tonë shqiptare muslimane apo dialogun muslimano-krishterë me një deklaratë apo me një mos kërkim falje. Ne falim edhe pa kurrfarë kushtesh. Zoti falë, sepse ne jemi gjithë bijtë dhe bijat e tij. Për ne dhe botëkuptimet tona katolike jo vetëm Ibrahim Rugova apo Adem Jashari...por të gjithë ata që kanë vdekur për liri, të cilët kanë punuar intensivisht dhe janë sakrifikuar e flijuar për atdhe, për idealet e atdheut dhe gjithë ata që kanë rënë për tokën e Kosovës janë martirë dhe padyshim i pret parajsa apo siç e thoni ju xhehneti..Dhe ajo teza e pagëzimit, që ka folur zotëri Krasniqi rreth pagëzimit të fëmijëve, është e braktisur kaherë dhe nuk merret në konsideratë nga ana jonë. Prandaj po përsëris se në kishat katolike sikur edhe në gjitha kishat tjera krishtere sakrifica, flijimi deri tek derdhja e gjakut për atdhe konsiderohet si shembull më i lartë, sepse kështu bëri Jezusi për ne, e flijoi vetveten që ne të jemi të lirë dhe të mirë të pajtuar dhe të dashur me Zotin dhe njëri-tjetrin në intervistën ekskluzive për “Bota sot” me Dr. Don Lush Gjergji, veprimtar , humanist dhe meshtar katolik shqiptar në Kosovë.