[Shpat]

UEFA përjashtoi Porton nga Liga e Kampionëve

Skuadra portugeze, Porto, nuk do të mund të luajë në edicionin e ardhshëm në Ligën e Kampionëve, pasi UEFA e ka përjashtuar nga garat evropiane për një vit.
Portos i janë marrë gjashtë pikë ga Federata portugeze e futbollit pasi ishte përpjekur t'i manipulojë gjyqtarët në dy ndeshje të kampionatit vendor, rast pas të cilit UEFA kishte kërkuar më tepër informacione nga Federata e Futbollit të Portugalisë. Zyrtarët e UEFA-s kanë konstatuar se Porto nuk i ka përmbushur kriteret për pjesëmarrje në Ligën e Kampionëve, sidomos sipas nenin 1.04 (d), në të cilin thuhet qartë se skuadra nuk guxon të jetë e implikuar në asnjë mënyrë në kurdisjen e rezultateve, qoftë në garat kombëtare apo ndërkombëtare. Për këtë arsye, Komisioni Disiplinor i UEFA-s ka vendosur që për një vit Portos t’i ndalohet pjesëmarrja në Ligën e Kampionëve. Portugezët kanë të drejtë që në afat prej tri ditësh të bëjnë ankesë në vendimin e UEFA-s.