[Neferta]

Bastisen Zyrat e Agjensisë së Kosoves per Produkte Medicionale




Orët e para të mëngjesit të sotëm kanë çuar hetuesit e EULEX-it në zyrat e Agjensinë së Kosovës për Produkte Medicinale ku kanë kryer një bastisje në kërkim të dokumentave dhe provave për keqpërdorimet e mundëshme me barnat

Gjithënjë sipas burimeve të portalit thuhet se ne cilësi të personave të
dyshuar janë të përfshirë emra të politikanëve kosovarë, e deri tek përfaqësues të diplomacisë amerikane në Prishtinë, të jenë të përfshirë, sipas tij, në një aferë barnash në vlerë prej 1.4 milionë eurosh. Nisma e Bukoshit, kurrë nuk shkoi në fund.

Ndërkohë gjatë muajit qershor, portali LajmeShqip publikuan disa
dokumenta origjinale si pjesë e denoncimit të sekretarit permanent në Ministrinë e Shëndetësisë të Republikës së Kosovës, Ilir Tolaj,përkundrejt Klinikës së Kardiokirurgjisë, në tenderin për ndërtimin e së cilës ai akuzon për shëprdorime zyrtarë të lartë të Ministrisë së Shëndetësisë dhe operatorin ekonomik Patria Group.
Sipas dokumenteve të tij, të adresuara në Prokurorinë e EULEX-it, ky repart i Qendrës Klinike Universitare të Kosovës (QKUK), që filloi të ndërtohej qysh në vitin 2008, nuk është pranuar teknikisht as sot,vetëm për shkak të, siç vlerëson ai, shkeljeve të rregullave dhe të procedurave nga të dyja palët, zyrtarët e Ministrisë së Shëndetësisë dhe ata të operatorit Patria Group. Me gjithë përpjkejet nga ana e redaksisë së Kosovalbaner.com për ti kontaktuar zyrtarët e Eulex-it,
në lidhje me këtë qështje nuk ia dolëm.
Përmes të një dokumenti i cili është bërë tashmë publik thuhet se më 20 maj të këtij viti, Sekretari Permanent në Ministrinë e Shëndetësisë të Republikës së Kosovës, Ilir Tolaj, i shkruan Kryeprokurorit të EULEX-it, Johannes Van Vreesëijk dhe Zv/kryeprokurores së EULEX-it, Unda Heaton, për një shkelje tjetër në këtë dikaster shumë të përfolur të qeverisjes së Kosovës. Portali LajmeShqip publikon dokumentet në denoncimin e radhës të Ilir Tolajt, që ka qenë Klinika e Kardiokirurgjisë, në tenderin për ndërtimin e së cilës ai akuzon për shëprdorime zyrtarë të lartë të Ministrisë së Shëndetësisë dhe operatorin ekonomik Patria Group. Sipas dokumenteve të tij, të adresuara në Prokurorinë e EULEX-it, ky repart i Qendrës Klinike Universitare të Kosovës (QKUK), që filloi të ndërtohej qysh në vitin 2008, nuk është pranuar teknikisht as sot, vetëm për shkak të, siç vlerëson ai, shkeljeve të rregullave dhe të
procedurave nga të dyja palët, zyrtarët e Ministrisë së Shëndetësisë
dhe ata të operatorit Patria Group.
Duke e kontestuar tërë nismën e këtij projekti, ai e akuzon edhe
kompaninë projektuese Project Plus, duke iu referuar vërejtjeve të
organit mbkëqyrës të punimeve, i cili, siç thuhet në dokument, ka
evidentuar shkelje dhe lëshime të mëdha.
Sipas letrave të Tolajt, është kontestuese dhe me shkelje të
vazhdueshme edhe vetë mënyra e proceduar me tenderin, në të cilin kanë
konkuruar tri kompani “P&1”, “Çlirimi” dhe “Patria Group”, nga të
cilat, ai konstaton se kjo e fundit, me shkelje porceduarash dhe
“gabime aritmetikore”, arrin në fund të dalë fituese e tenderit për
ndërtimin e Klinikës së Kardiologjisë.
Duke konstatuar shkeljet e vazhdueshme në këtë projekt, Tolaj akuzon
drejtpërdrejt zyrtarët e Ministrisë së Shëndetësisë, Pashk Buzhala e
Agron Boshnjaku, të cilët, sipas tij, si menaxherë të projektit kanë
qenë më shumë të preokupuar të nxjerrin sa më tepër para për
punëkryesin “Patria Group” dhe të thirren në punë dhe nevoja shtesë të
projektit, se sa që të vlerësojnë dhe monitorojnë shpejtësinë dhe
cilësinë e punës në të.
Duke i numëruar dhe renditur që të gjitha këto të dhëna, në fund, Ilir
Tolaj, nga pozicioni i Sekretarit Permanent të MSH-së, konstaton se në
gjithë këtë projekt ka pasur shkelje dhe parregullsi të shumta, të
cilat zyrtarët e MSH-së i ngarkojnë me vepra të caktuara penale,
konform Kodit Penal të Kosovës.
Ai fton që Prokuroria menjëherë të nis me procedurat hetimore ndaj të
gjithë të të apostrofuarve në keqpërdorimet e vazhdueshme, në
projektin ende të papranuar teknikisht të Klinikës së Kardiokurgjisë.
Mbase janë implikimet e mëvonshme politike dhe zhvillime të tjera për
pjesëmarrje e ndarje kulaçi brenda koalicionesh të ndryshme, ato që
kanë bërë të mbetet në gjysmë një denoncim i madh dhe me peshë i
ish-ministrit të shëndetësisë, Dr. Bujar Bukoshi.
Portali LajmeShqip.com ka hasur në një dokument jo me pak peshë, në të
cilin ish-ministri Bujar Bukoshi akuzon emra të mëdhenj e të vegjël të
politikës kosovare, e deri te përfaqësues të diplomacisë amerikane në
Prishtinë, të jenë të përfshirë, sipas tij, në një aferë barnash në
vlerë prej 1.4 milionë eurosh. Nisma e Bukoshit, kurrë nuk shkoi në
fund…
Në dokumentet që i publikon ekskluzivisht Portali LajmeShqip.com,
ish-ministri i Shëndetësisë, Bujar Bukoshi, më 17.6.2010 i ka shkruar
letër Misionit të EULEX-it në Kosovë, saktësisht kryeprokurorit
Johanes Van Vreeswjik, Kryeprokurorit të Republikës së Kosovës, Ismet
Kabashit dhe ish-Ministrit të Punëve të Brendshme të Republikës së
Kosovës, Bajram Rexhepit, lidhur me dyshimet për dy tenderë të kohës
së paraardhësit të tij në këtë pozitë, Alush Gashi, të lidhur në mes
të kësaj ministrie (Shëndetësisë) dhe operatorëve ekonomikë privatë.
Sipas dokumentit, atëherë ministri Bukoshi pretendon se në qershor të
vitit 2006 Gjykata e Ekonomike aprovoi padinë e kompanisë
“Jona-Med”nga Prishtina dhe e obligoi MSH-në që t’ia paguajë si dëme
mbi 1.4 milion euro kësaj kompanie, në emër të kompensimit të dëmit që
i është shkaktuar nga MSH-ja, ani pse Bukoshi shkruan që kjo ministri
nuk i kishte asnjë cent borxh kësaj kompanie.
Fillimisht ai e akuzon pronarin e “Jona-Med”-it, Bekim Deshishkun, për
të vazhduar tutje me drejtorin e prokurimit në Ministrinë e
Shëndetësisë, Habib Muratin, drejtorin ekzekutiv të “Jona-Med”, Faton
Çitakun, ish-ministrin e Shëndetësisë, Alush Gashi, që, sipas tij ka
toleruar këto veprime të kundërligjshme dhe është bërë pjesë e tyre.
Në letër, Bujar Bukoshi, po për tenderët për furnizim me barna e ka
denoncuar për krim të organizuar edhe ish-Sekretarin Permanent ë
MSH-së, Pleurat Sejdiu. Kurse për rastin konkret, tërthorazi implikoi
edhe ish-ministren e Drejtësisë, Nekibe Kelmendi.
“Është tejet e dyshimtë se eksperte në këtë çështje si është caktuar
Vetima Vuçitërna, mikeshë e ish-Ministres së Drejtësisë, Zonjës Nekibe
Kelmendi, motra e së cilës është e martuar për babin e Bekim
Deshishkut”, iu shkruan Bukoshi organeve të ndjekjes, dhe iu bënë
thirrje për ndjekje penale të këtij rasti.
Lidhur me padinë e “Yess Pharma” kundër MSH-së, ish-Ministri i
Shëndetësisë, Bujar Bukoshi e përfshinë dhe ish-Zyrën amerikane në
Kosovë, të cilën e akuzon për përfshirje në këtë tender. Bukoshi
shkruan se aty ka pasur ndërmjetësim të ish-Zyrës Amerikane.
Të gjitha këto denoncime kanë mbetur në gjysmë dhe duket se nuk janë
çuar më tej nga gjykatat.