[Lona]

Këshilli i Sigurimit: Situata e sigurisë në Maqedoni është stabile dhe e qetë

Këshilli për siguri e shqyrtoi situatën politike-të sigurisë në Republikën e Maqedonisë në kontekst të incidenteve të paradokohshme, në të cilat ishin sulmuar pjesëtarë të MPB-së dhe më pas e shfaqi keqardhjen e vet për jetët e humbura dhe për pjesëtarët e plagosur të policisë. Sipas presidentit të Maqedonisë, Branko Cërvenkovski, është vlerësuar se kohëve të fundit grupe individuale, sipas informacioneve të Ministrisë së Punëve të Brendshme, para së gjithash me karakter kriminal kanë motive kriminale që të veprojnë në rajone të caktuara, të cilat në vitin 2001 e quanim "rajone të krizës"."Sipas informacioneve të MPB-së, në këtë moment nuk ekzistojnë indikacione dhe dëshmi se këto grupe mund të ndërlidhen ose të vihet në përfundim se bëhet fjalë për ndonjë platformë të përbashkët politike", deklaroi Cërvenkovski pas takimit."Këshilli i Sigurimit konsideron se në periudhën e ardhshme edhe subjektet politike përmes përfaqësuesve të vet duhet të jenë të pranishëm në terren në këto rajone, me qëllim që me aktivitetin politik të pengohen individë ose struktura të cilët do të tentonin të manipulojnë me disponimin e popullatës vendore", tha presidenti Branko Cërvenkovski.Siç kumton shërbimi qeveritar për shtyp, në mbledhjen e Këshillit për siguri ishte konkluduar se "situata e sigurisë është stabile dhe e qetë, me provokime të caktuara në kontekst të ngjarjeve rajonale"."U konstatua se incidentet e deritanishme janë shkaktuar nga grupe kriminele apo individë, ndërsa aktiviteti i organeve të sigurisë mbetet në drejtim të shkatërrimit të këtyre grupeve, për të cilat tani për tani, sipas informatave të shërbimeve të sigurimit nuk ekzistojnë dëshmi për instrumentalizimin e tyre politik", theksohet në kumtesë.Këshilli për siguri, shtohet në kumtesë, konstatoi se duhet të kohet kujdes në kriminelët individë apo grupet e vogla kriminele, që të mos bëhen në të ardhmen subjekt i instrumentalizimit politik dhe se forcat e sigurimit duhet të vazhdojnë për ta ndjekur situatën në terren dhe të ndërmarrin aktivitete në pajtim me Kushtetutën dhe ligjet, aty ku ka nevojë.Këshilli për siguri vlerësoi se është mirë që faktorët politikë të vazhdojnë me aktivitetet e tyre politike dhe komunikimin me qytetarët në vendet ku ndodhin incidente të këtilla, theksohet në kumtesën e shërbimit qeveritar për shtyp.

I vrari i gjetur në Odri është Xhavid Morina, i njohur si "komandantët Drenica"
e premte , 02 nëntor 2007
Xhavid Morina, i njohur si "komandant Drenica", është i vrari kufoma e të cilit u gjet dje në mëngjes në rrugën Tetovë-Jazhincë tek udhëkryqi për në fshatin Odri, konfirmoi MPB-ja.
Kufoma e Morinës me tre plagë nga armë zjarri në stomak dhe me gjurmë të dhunës në kokë dhe të prera nëpër duar, u gjet sot në orën 06:30 pas paraqitjes telefonike të një qytetari në stacion policor Tearcë. Sipas njohurive të para, Morina është vrarë sot në mëngjes në orën 03 e 30 minuta nga të shtënat me grupin e Agim Krasniqit. Nga këmbimi i zjarrit është plagosur edhe Ali Krasniqi, vëllai i Agim Krasniqi dhe Zija Vejseli nga Kondova. Ali Krasniqi ka plagë nga armë zjarri në stomak dhe është jashtë rrezikut për jetë, ndërsa Vejseli ka plagë nga armë zjarri në anën e majtë të këmbës mbi gjunjë. Xhavit Morina, paraprakisht së bashku me disa persona të tjerë është arratisur nga burgu i Dubravës në Kosovë, ku e vuante dënimin heqje lirie për 12 vjet për vepër penale - terrorizëm. Sipas urdhër arrestit të shpallur nga Interpoli, Morina në mars të këtij viti është dënuar nga Gjykata e qarkut në Prishtinë, ndërsa në muajin gusht, së bashku me gjashtë persona të tjerë është arratisur nga burgu.