[hasanmehmeti]

Një kongresmen amerikan kërkon shkarkimin e nënpresidentit amerikan Dik Cheney
IRIB - Kongresmeni demokrat amerikan Denis Kosinic, i cili është edhe kandidat demokrat për zgjedhjet presidenciale te vitit 2008, kërkoi shkakrimin nga detyra të nënpresidentit Dik Cheney. Ai deklaroi se së shpejti për këtë qëllim do të paraqesë një projekt në Kongresin amerikan. Kosinic deklaroi se ka ardhur koha për shkarkimin e Dik Cheney dhe kjo është një kërkesë e miliona qytetarëve amerikanë për Kongresin. Ky kongresmen shtoi se Cheney po këmbëngul për vazhdimin e luftës në Irak dhe po e con Amerikën drejt një konfrontimi me Iranin.

Koreja e jugut do të largojë trupat e saj nga Afganistani
IRIB - Ministria e mbrojtjes e Koresë së jugut njoftoi sot se do të tërheqë 210 ushtarët jugkoreanë nga Afganistani para zgjedhjeve presidenciale që do të zhvillohen më 19 dhjetor të këtij viti në Korenë e jugut. Gjatë krizës së pengjeve jugkoreane në Afganistan, qeveria e Koresë së jugut u angazhua që sa më shpejtë të largojë forcat e saj nga Afganistani.

Sanksionet kundër Iranit, pretekst i Amerikës për të izoluar Iranin në shkallë ndërkombëtare
IRIB - Ekspertët francezë theksuan se sanksionet kundër Iranit, janë pretekst i Amerikës për të izoluar Iranin në shkallë ndërkombëtare. Serge Tion ekspert i qendrës studimore kombëtare të Francës deklaroi se vendet perëndimore me në krye SHBA, me anë të sanksioneve kundër Iranit me pretekstin e programit bërthamor iranian synojnë të izolojnë Iranin dhe të ulin ndikimin e Teheranit në zhvillimet rajonale dhe ndërkombëtare. Ai theksoi se nuk mendon se Amerika do të përsërisë gabimin e sulmit në Irak, ndaj Iranit dhe shtoi se janë izraelitët që këmbëngulin për shtimin e presioneve ndaj Teheranit. Pierre Durtige prof i marrëdhënieve ndërkombëtare në Universitetin Toulouse, duke trajtuar qëndrimet e qeverisë franceze ndaj dosjes bërthamore të Iranit, theksoi se qeveria franceze po ndjek politika konfuze dhe shtoi se qeveria franceze, interesat e Francës i sheh tek ndjekja e politikave amerikane dhe izraelite dhe ky është roli që për shumë vjet e ka luajtur Anglia.

Ekspertët amerikanë: Nuk ka asnjë fakt që të vërtetojë se programi bërthamor iranian ka qëllime ushtarake
IRIB - Gazeta amerikane Mc Klachi duke cituar ekspertë amerikanë, shkruan se megjithë pretendimet e funksionarëve të qeverisë amerikane se Irani synon prodhimin e armëve atomike, nuk ekziston asnjë fakt apo dokument që të provojë se programi bërthamor iranian ka qëllime ushtarake. Këta ekspertë amerikanë janë të mendimit se nëse Irani do të synonte prodhimin e armëve atomike, deri tani me siguri do të ishin gjetura fakte të qarta për vërtetimin e kësaj cështje. Kjo gazetë vuri në dukje mosmarrëveshjet mes funksionarëve amerikanë në lidhje me qëndrimin ndaj Iranit dhe shkruan se në një kohë kur presidenti amerikan Bush dhe nënpresidenti amerikan Dik Cheney mbajnë qëndrime të ashpra ndaj Iranit, sekretarja amerikane e Shtetit Kondoliza Rice dhe zëvendësi i saj Nikolas Burns janë të pakënaqur nga këto politika të ashpra kundër Iranit dhe janë të mendimit se të tilla qëndrime nuk janë në favor të SHBA.

Arma kryesore e Gardës së revolucionit është besimi
IRIB - Komandanti i Gardës së Revolucionit islamik deklaroi se Garda e Revolucionit në dallim nga ushtritë e tjera, është e pajisur më armën e besimit dhe vlerave revolucionare. Gjeneral kolonel Muhamed Ali Xhafari deklaroi se aktualisht Garda e Revolucionit ka një potencë dhe gatishmëri aq të lartë mbrojtëse, saqë mund të konsiderohet si një institucion madhështor mbrojtës dhe si ushtria më e fortë në botë. Ai theksoi se qëndresa e popullit dhe funksionarëve iranianë e mbështetur nga potenciali i madh i forcave të armatosura kanë krijuar një fuqi aq të madhe, saqë asnjë fuqi e huaj nuk mund të mendojë për agresion kundër Iranit.