[4peace]

...


Përmbajtja dhe tenori i librit të tij që nga parathënia na e bëjnë të qartë:
“Economic Hit Man (EHM) janë ekspertë të paguar me paga të majme, që kanë për detyrë për t’i mashtruar vendet e gjithë botës me shuma bilionëshe të hollash. Nga Banka Botërore (Wolrd Bank), nga Agjensioni Amerikan për Zhvillim Ndërkombëtar (USAID) dhe organizata tjera të huaja “humanitare” nxjerrin ilegalisht të holla dhe ato i derdhin nëpër xhirillogaritë e gjigandëve botëror (super, mega e gigakoncerneve), nëpër xhepat e familjeve të pasura, të cilat i kontrollojnë lëndët e para të planetës sonë. Metodat e tyre janë: analizat mashtruese financiare, manipulimet e zgjedhjeve, dhënia e mitos (korruptimi), shantazhet, seksi dhe vrasjet (me porosi). Loja e tyre është aq e vjetër sa edhe nxitja që ekziston për ta sunduar botën (imperializëm). Mirëpo, sot, në epokën e globalizimit kjo ka marrë dimenzione të reja e të tmerrshme. Këtë e di mirë, meqë edhe unë vet kam qenë EHM“.




Pyetje:
Si funksionon sistemi i Economic Hit Man-it?



John Perkins:
Puna jonë përbëhet qenësisht në ndërtimin e një imperiumi. Kurse neve na ka shkuar përdore për ta ndërtuar imperiumin vërtet të parin në historinë e botës. Pjesën më të madhe të saj e kemi ndërtuar pa ndihmën e ushtrisë, ndërsa ajo e veçanta në këtë imperium është se ai nuk ka imperator apo mbret. Në vend të kësaj e kemi një, siç e quaj unë këtë, „Korporatokraci“ [Sundim i koncerneve/korporatave]: një grup burrash e ca grave, të cilët i udhëheqin korporatat (koncernet) më të mëdha, bankat dhe qeverinë.



Kemi përdorur mënyra të shumta për formimin e këtij imperiumi. Mirëpo, mënyra mbase më tipike është ajo kur e kërkojmë një vend (shtet) në zhvillim e sipër (apo: të pazhvilluar) i cili posedon resurse, të cilat duam t’i kemi për vehte, si për shembull nafta. Për atë vend pastaj aranzhojmë ndonjë kredi të madhe nga Banka Botërore apo organizatat e lidhura me të (si psh. USAID dhe organizata tjera „humanitare“). Pjesa kryesore e kredisë shkon direkt në korporatat amerikane që na janë të njohura, si Bechtel, Halliburton (e Bushit), Stone & Webster, të cilët pastaj realizojnë projekte të mëdha si ndërtimi i centraleve elektrike, porteve, parqeve industriale etj., në të cilat fitojnë të pasurit e këtyre vendeve. Më pastaj braktiset ky vend (shtet) me borxhet gjigande, që janë aq të larta sa që është e pamundur të kthehen. Herëdokur paraqiten sërish EHM-të, vrasësit ekonomik, e thonë: „Shikoni! Na keni shumë borxh. Borxhet tuaja nuk mund t’i ktheni (lani) kurrë, ndaj jipnani neve atë që tash na takon. Shitjani korporatave tona naftën me çmim të lirë ose lejonani të ngrehim baza ushtarake në vendin tuaj ose dërgoni trupat tuaja në Irak apo gjetiu ku kemi nevojë për ndihmën tuaj ose në votimet e ardhshme kritike në Kombet e Bashkuara votoni për ne“. Ky është tenori. Në këtë mënyrë na ka shkuar përdore ta ngrehim imperiumin tonë të pabesueshëm.


...