[4peace]

...

Pyetje:
Ju lutem, përshkruajeni lidhjen ndërmjet „Korporatokracisë“ dhe terrorizmit përderisa ishit në detyrë si EHM në Arabinë Saudite.



Përgjigje:
Në fillim të viteve të shtatëdhjeta OPEC (Organizata e vendeve eksportuese të naftës) na shtyri të gjunjëzohemi, pasi që i ndali furnizimet me derivate të naftës. Kishte kolona të gjata pranë pompave të benzinës e ne ia kishim frikën se do të vinte kriza ekonomike sikur në vitin 1929. Ministria e financave m’u drejtua mua dhe disa EHM-ve të tjerë duke na thënë: „ Nuk shkon më kështu, ashtu që OPEC-u të na bëjë peng. Ju duhet ta bëni ndonjë plan, ashtuqë diç e tillë të mos ndodhë herave tjera.“ Neve na u bë e qartë se çelësi për një plan të këtillë ishte Arabia Saudite, meqenëse ajo posedon vaj më shumë se çdo vend tjetër dhe, shikuar në thelb, ajo mund ta kontrollonte ofertën. Kurse familja mbretërore, Shtëpia Saud, ishte e korruptueshme. Kështu shkuam në Arabinë Saudite e pastaj, ta them më shkurt, me Shtëpinë Mbretërore bëmë një deal (marrëveshje), me ç’rast ajo u shpreh se është e gatshme që pjesën kryesore nga të ardhurat e veta nga shitja e naftës anembanë botës t’i dërgojë në Shtetet e Bashkuara të Amerikës dhe atje t’i investojë si huazim shtetit. Me kamatat nga këto huazime shtetërore Ministria e Financave të SHBA-ve do të duhej t’i nxiste firmat amerikane për ta ndërtuar Arabinë Saudite sipas shembullit perëndimor – duke ndërtuar pajisje për shndërrimin e ujit të pijshëm nga uji i detit, autostrada, porte, centrale elektrike dhe qytete të tëra mu në mes të shkretëtirave. Për këtë arsye Arabia Saudite është vend shumë i orientuar kah perëndimi.


***