[~AnnA~]

Gjumash, vëjua fajin gjeneve !

Nëse je nga ata që zgjohen herët apo një kukudh nate, është e shkruar në gjenet e tua. Kjo sipas një studimi të fundit. Prandaj disa kanë nevojë të bien në shtrat që herët në mbrëmje, ndërsa disa të tjerë nuk i zë gjumi para mesnatës.

Studiesit e Universitetit Surrey kanë gjetur një gjen me emrin "Period 3" që në disa njerëz është më i shkurtër e në disa të tjerë më i gjatë. Njerëzit me versionin më të gjatë bien të flenë me pulat. Për ata gjeni i të cilëve është i shkurtër kjo është koha kur ata ndjehen më të gjallë.
Për këtë studim u pyetën 500 vizitorë të Muzeut të Shkencave në Londër. Përveç kësaj u studiua edhe DNA-ja e tyre.

Sidoqoftë gjithçka nuk varet vetëm nga gjeni në fjalë: "Ora e brendëshme" ndërtohet më tepër në bazë të një bashkërendimi të shumë gjeneve. Përveç kësaj luajnë rol edhe faktorë të tjerë si stili i jetesës. "Njeriu mund të vendosë edhe vetë me vetëdije të plotë ritmin e vet të ditës duke i lënë kështu pas nevojat e trashëguara", thotë Simon Archer, udhëheqësi i studimit.

Përgatiti Alvin Ekmekçiu