[ARI_03]

Paqja, demokracia, hapi ekonomik dhe siguria pas konfliketeve të përgjakshme të së shkuarës, janë qëllimet më të rëndësishme të vendeve të Evropës Juglindore në rrugën e tyre për në Bashkimin Evropian. Gjermania i mbështet ato në këtë gjë duke bashkëvepruar në mënyrë aktive në Paktin e Stabilitetit për Evropën Juglindore edhe duke dhënë kontribut të rëndësishëm praktik.

Gjermania e ka mbështetur deri tashmë Rajonin me më shumë se 980 milionë Euro dhe me këtë është dhuruesi bilateral më i madh i Evropës. Këtu llogaritet edhe pjesa gjermane për ndihmat e Bashkimit Evropian për Rajonin.

Besimi reciprok është i nevojshëm që paqja të jetë e sigurt, për një afat të gjatë në Evropën Juglindore. Qeveritë duhet të bashkëpunojnë në besimplotë, të kenë shkëmbime midis njëra-tjetrës dhe të respektojnë detyrimet.
Vetëm ai që ka një çati mbi kokë dhe ka nxjerrë të ardhurat e tij, dhe ai që kthehet në vendin e tij apo madje në shtepinë e tij të vjetër dhe mund të shkelë pragun, ka ndjenjën e sigurisë dhe të besimit në të ardhmen.
Është e nevojshme që njerëzit të vihen në gjendje, të ngrenë një ekzistencë të re. Para së gjithash, më të rinjtë duhet të mësojnë për të kapërcyer paragjykimet dhe urrejtjen e brezave të vjetër, me qëllim që të mund të shfrytëzojnë shancet e fillimit të tyre në një të ardhme profesionale.

Është qëllimi i Paktit të Stabilitetit për të mbështetur shtetet e Evropës Juglindore gjatë integrimit në Bashkësinë Evropiane. Pakti i Stabilitetit ndihmon gjatë kryerjes së reformave të nevojshme dhe përkrah bashkëpunimin në Rajon. Të drejtat demokratike të njerëzve, trajtimi i barabartë i burrit dhe gruas, tregtia e lirë, investimet, një administrim i hapur, trasparent dhe liria e shtypit, janë fushat në të cilat mbështeten projektet nëpërmejt Paktit të Stabilitetit.

stabilitetpakt-soe.de