[lirik]

Si pasojë e gjendjes së rëndë depresive një i moshuar ka tentuar ti vëjë flakën vetes në mes të qytetit të Vlorës, mëngjesin e sotëm. Bëhet fjalë për 67- vjeçarin Shezai Skënderi i cili tentoi të vetëdigjet në rrethrrotullimin e Skelës si pasojë e vdekjes së djalit i cili u vra pak kohë më parë në Itali.
Sipas burimeve policore, Shezai Skënderi është vënë re fillimisht nga kalimtarë të rastit teksa tentonte të vriste veten, ndërsa policia ka mbërritur menjëherë, duke e gjetur 67- vjeçarin me dy shishe lëndë djegëse në duar. Gjithashtu mësohet se gjatë këtyre momenteve, autori vetëm fliste i pavetëdisjshëm dhe gjithçka sillej rreth djalit të tij të vdekur. Pas disa minutash, policia ka mundur të negociojë me të moshuarin, për të mos e ndezur cakmakun që mbante gjithashtu në dorë.
Më pas ai është shoqëruar në komisariatin e policisë për procedurat përkatëse ndërsa pritet që të marrë më vonë ndihmën mjekësore.---