[Zero Cool]

Arrestohen 25 persona, rekrutonin shqiptarë për në Siri







Sipas burimeve zyrtare, bëhet me dije se autoritetet turke kanë arrestuar 25 persona, identitetet e të cilëve nuk janë bërë ende të ditura nga autoritetet lokale.

Burimet raportojnë se 25 personat me identitetet e pa zyrtarizuar ende, kanë rekrutuar shtetas shqiptarë me qëllim dërgimin e tyre në luftën që zhvillohet në Siri.

Ende nuk është bërë i ditur numri i shqiptarëve që janë rekrutuar, por edhe identitetet e tyre mbeten akoma të papublikuar nga policia turke.

Ajo çka është bërë me dije është se 25 personat janë pjesë e organizatës humanitare të IHH-ës.

Organizata turke IHH është një fondacion humanitarë.

Në 2013-ën një agjenci e lajmeve gjysmë-shtetërore e Iranit , “FARA” raportoi se organizata turke IHH po dërgonte shqiptarët në luftë në Siri. Mirëpo kjo organizatë nuk e komentoi më kurrë këtë lajm.

Prokuroria e shtetit të Turqisë, kontrolloi zyrat e kësaj organizate në një aksion që është quajtur “aksion kundër Al-Kaeda-s”.

“Policia turke arrestoi 25 vetë në një kontroll në degën e Fondacionit Humanitare (IHH). Kjo ka ndodhur në provincën jugore të Kilis, si pjesë e një operacioni kundër “Al-Kaeda-s”. Policët e antiterrorit kanë kontrolluar zyrën kryesore të IHH-ës dhe depot e saj. Bastisja është pjesë e operacioneve të njëkohshme kundër Al-Kaeda-s në gjashtë provincat, duke përfshirë Stamboll, Van, Kilis, Adana, Gaziantep dhe Kayseri”, shkruan gazeta “Hyrijet”.