[sakra]

Dua të bëjë vetëm një korrigjim në lidhje me shkrimin e mësipërm të marr nga qik.com dhe të postuar nga AnnA.
Misioni Mars Exploration Rover (MER), ku u lansuan dy sonda binjake të emërtuara: “Spirit” (MER-A) dhe “Opportunity” (MER-B), e që me vete bartnin nga një mjet mobil (rover), është misioni i 15 i nisur drejt planetit të kuq Marsit, dhe është vërtet një ndër misionet më të suksesshme të kohës. Por, këta robot nuk janë mjetet e para (siç theksohet në titull) që shkelën sipërfaqen e Marsit!
Roboti i parë mobil u lansua më 04.12 1966 (që ishte projekt i programit “Discovery”), i quajtur Mars Pathinderi (MPF) e në të cilin ndodhej, përveç bazës statike, “Sagan Memorial Station“, edhe një mjet mobil i quajtur „Sojourner Rover“. Pas një fluturimi prej shtatë muajsh (211 ditë) dhe pasi përshkoi një rrugë të gjatë prej 500 milionë km., arriti të aterojë me sukses të plotë në vendin e quajtur “Ares Vallis”, dhe atë, mu në ditën e pavarësisë së SHBA-ve, më 4 korrik të vitit 1997.
Edhe pse ishte paraparë që Sojourner Roveri të operojë rreth 7 ditë në regjionin e Ares Vallisit, ai operoj 13 herë më shumë, dhe pas 83 Sol-esh (Një „sol“ është një ditë e Marsit që zgjatë 24:37:23 sek), me 7 tetor 1997 dërgoi sinjalin e fundit (pasi bateritë kishin humbur përfundimisht energjinë furnizuese). Gjatë kësaj kohe, ky robot, përshkoi një rrugë prej 80 metrash dhe dërgoi në Tokë mbi 500 fotografi.
Ndërsa sondat e para statike që u lansuan me sukses në Mars janë “zbarkuesit” e emërtuara: Viking 1 dhe Viking 2, të cilat preken sipërfaqen e Marsit më 20.7.1976, gjegjësisht 7. 8.1976.
Këta dy “zbarkues” dërguan në Tokë mbi 5000 fotografi të sipërfaqes së Marsit.

Dërgimi i misioneve (si nga NASA, ESA dhe vendet aziatike) vazhdon edhe sot e kësaj dite.