[pokeri]

Postimi origjinal është bërë nga Kodra

Aktuale


Ekipi negociator i Kosovës diskutoi sot me shefin e UNMIK-ut Soren Jesen Petersen lidhur me procesin e zbatimit të standardeve dhe formën e pranisë ndërkombëtare në Kosovë, pas vendimit për statusin. Petersen tha se në Kosovë do të ketë një prani të lehtë ndërkobmëtare, ndërsa angazhimet e saj do të përcaktohen në bashkëpunim me institucionet vendore. Sipas kryetarit të Kosovës Fatmir Sejdiu ndërkaq, në Kosovë edhe për një kohë duhet të ketë forca të NATO-s që do të garantonin sigurinë, kurse prania civile nuk duhet të ketë kompetencat e deritashme të UNMIK-ut.


RTK15/05/200616:33:43

Kodra

Teksti i mësipërm dëshmon se në RTK (median e vetme publike në Kosovë), nuk janë analfabetë vetëm shumica e gazatarëve por edhe pjesa dërmuese e redaktorëve.

Përveç njohurive të pakta të zejes së gazetarit, atyre u mungon edhe një nivel elementar i të shkruarit (folurit) të gjuhës shqipe. Fatkeqësisht!

Ky lajm përveç që është vërtetë me shumë gabime morfologjike, sintaksore, e logjike, në fund të fundit nuk arrin të jetë as lajm, sepse nuk plotëson kriteret e duhura. T’ia bëjmë një analizë të thjeshtë.

Ekipi negociator i Kosovës diskutoi sot me shefin e UNMIK-ut Soren Jesen Petersen lidhur me procesin e zbatimit të standardeve dhe formën e pranisë ndërkombëtare në Kosovë, pas vendimit për statusin.

… procesi i zbatimit të standardeve… Kjo fjali është tepër origjinale sepse në vete përmban shprehjen zbatim.

E në asnjë dokument relevant nuk mund ta gjeni këtë shprehje. Ka një vit e më shumë që flitet për plotësimin e standardeve, por asnjëherë për zbatimin e tyre. Gazetari-rja fut terminologji të reja. Eureka!!!
Gazetari-rja nuk e ka kompletuar lajmin, sepse ka harruar apo nuk ka ditur të përgjigjet në pyetjen KU?. Pra lajmi është gjysmak, në të vërtetë nuk është lajm fare.