[Zero Cool]

AAK-ja 6 Ministri. LDK-ja 10 Ministri, 3 prej tyre do ti udhëheqin minoritetet, NISMA 3 Ministri







Burime të televizionti Rrokum, prej tri subjekteve politike, që dje konorëzun “martesën” e tyne të gjanë, bajnë me dije, se përveç ndamjes së pozitave për të cilat kanë folë publikisht, ata tashma janë marrë vesh se si kanë me i nda edhe postet tjera në ekzekutivin e vendit.

Në rast se numëri i ministrive prej 19, sa janë aktualisht, mbeten edhe në qeverinë e re, e simbas marrëveshjes së opozitës ka me u drejtue nga Lidhja Demokratike, Aleanca për Ardhmëninë e Kosovës dhe iniciativa Nisma për Kosovën, burimet e televizionit Rrokum atëherë, AAK i ka kërkue 4 deri në 6 ministri.

AAK, përveç postit të kryeministrit që ka me i taku kreut të saj, Ramush Haradinajt, për vete kërkon edhe ministrinë e Financave, Integrimeve Europiane, atë të Forcës së Sigurisë, të Bujqësisë, Pylltarisë dhe Zhvillimit Rural apo atë të Punës dhe Mirëqenies Sociale.

Megjithëatë Besnik Tahiri, nga AAK, nuk jep shumë sqarime lidhun me pikat e tjera të marrëveshjes së opozitës.

Ndërsa burimet e televizionit Rrokum mbrenda Nismës kanë ba të ditun se Iniciativa e drejtuese prej Fatmir Limajt, që në këto zgjedhje nuk mori ma shumë se 5% të votave, po i do për vete 3 ministri, atë të Shëndetësisë, Kulturës dhe njanen prej ministrive të lidhuna me ekonominë.
E postin e zavendëskryeministrit, që i takon Nismës, ka me zanë nënkryetari i komunës së Lipjanit, Fitim Selimi.

Ndërsa pozitat e tjera n’ekzekutivin e ri, si Ministrinë e Zhvillimit Ekonomik, atë të Drejtësisë, të Punëve të Mbrendshme, të Punëve të Jashtme, Administratës Publike, Mjedisit e Planifikimit Hapsinor, atë t’ Arsimit Shkencës dhe Teknologjisë mbeten, të Diasporës, Tregtisë dhe Industrisë si dhe Ministria e Kthimit dhe Minoriteteve, i mbesin partisë së Isa Mustafës, e dy apo 3 nga to, kanë me i udhëheqë minoritetet.

Ndërsa në publikimin e marrëveshjes së djeshme, u ba e ditun se ata kanë vendos me nominue për kryetarë të Qeverisë Ramush Haradinajn, për kryetar Kuvendi Isa Mustafën, si dhe pozita e presidentes i mbetet LDK, ndërsa nji zavendëskryeministër Nismas.





Demaçi: Tash zheg, mos e lodhni popullin me zgjedhje



Veprimtari i shquar i çështjes kombëtare, Adem Demaçi, ka kundërshtuar marrëveshjen e partive të opozitës për formimin e qeverisë se re.

Ai ka thënë se partitë që i kanë humbur zgjedhjet duhet të lëshojnë rrugë dhe qeverinë ta formojë ai që i ka marrë shumicën e votave në zgjedhjet e 8 qershorit.

Në një intervistë për agjencinë e lajmeve “Presheva jonë”, Demaçi ka vlerësuar se partitë politike duhet të reflektojnë dhe të mos lejojnë që serish të shkohet në zgjedhje të reja në këto temperatura të larta.

“Opozita le ta lënë Thaçin ta themelojë qeverinë dhe liderët tanë të mos e lodhin popullin në këtë zheg me zgjedhje. T’i respektojnë rregullat dhe të lënë atë që fitoi ta themelojë qeverinë”, ka thënë Demaçi.

Ai ka shtuar se nëse opozita – LDK, AAK dhe NISMA për Kosovën i kanë votat, atëherë le ta rrezojnë Hashim Thaçin që në seancën e parë të Kuvendit të Kosovës.

“Nëse kjo aleancë e këtyre tre liderëve të partive Isës, Ramushit dhe Limajt mendojnë se kane shumicën e popullatës dhe nëse nuk ju duket atyre dhe nëse ju merr mendja se kanë shumicën e votave, në parlamentin e ardhshëm, le ta rrëzojnë Thaçin që në seancën e parë të parlamentit”, ka thënë Demaçi.