[Dilaver]

Me datën 8 tetor do të jetë momenti kur në Asamblenë e Përgjithshme të Kombeve të Bashkuara do të diskutohet dhe do të votohet për rezolutën e propozuar nga Serbia. Kjo është bërë e ditur nga Ministri i jashtëm i Serbisë, Vuk Jeremiq, të shtunën mbrëma, ndërsa është shprehur i kënaqur me “angazhimet” që rezoluta të vendoset sa më parë në rendin e ditës të AP të OKB-së, raporton Koha Ditore.

Si shihet shpallja e pavarësisë së Kosovës në bazë të së drejtës ndërkombëtare, sa është i qëndrueshem legjitimiteti juridik i saj?





E drejta e Vetëvendosjes si Shkëputje e njëanshme e një minoriteti nga një shtet ekzistues


- Kontribute juridike mbi mbështetjen e pavarësisë së Shtetit të Kosovës













Dtt. Gentian Jahjolli , Ll.m [1]

• Instrumente normativë ndërkombëtarë

Pakti Ndërkombëtar mbi të Drejtat Civile dhe Politike
Pakti Ndërkombëtar mbi të Drejtat Ekonomike, Shoqërore dhe Kulturore

Neni 1
(1) Të gjithë popujt kanë të drejtën e vetëvendosjes. Në bazë të kësaj të drejte, ata e përcaktojnë lirisht statusin e tyre politik dhe sigurojnë në liri zhvillimin e tyre ekonomik, social dhe kulturor.
(2) Për të arritur qëllimet e tyre, të gjithë popujt mund t’i disponojnë lirisht pasuritë e tyre dhe burimet e tyre natyrore, pa cenuar detyrimet që rrjedhin nga bashkëpunimi ekonomik ndërkombëtar, që bazohet në parimin e interesit të ndërsjellë, dhe pa shkelur të drejtën ndërkombëtare, në asnjë rast një popull nuk mund të privohet nga mjetet e tij për të jetuar.
(3) Shtetet palë të këtij Pakti, përfshirë ato që kanë përgjegjësinë e administrimit të territoreve jo autonome dhe të territoreve nën kujdestari, duhet të përpiqen të lehtësojnë realizimin e së drejtës së popujve për të vendosur vetë dhe ta respektojnë këtë të drejtë në përputhje me dispozitat e Kartës së Kombeve të Bashkuara.

1.1. Instrumente normativë ndërkombëtarë rajonalë

Karta Afrikane e të Drejtave të Njeriut dhe të Popujve

Neni 20
(1) Të gjithë popujt kanë të drejtën e ekzistencës. Ata kanë të drejtën e padiskutueshme dhe të patjetërsueshme për vetëvendosje. Ata do të caktojnë lirisht statusin e tyre politik dhe do të ndjekin zhvillimin e tyre ekonomik dhe shoqëror lirisht sipas politikës së përzgjedhur prej tyre.
(2) Popujt me ngjyrë ose të shtypur do te kenë të drejtën për të çliruar veten e tyre nga zgjedha e zotërimit duke iu drejtuar çdo mjeti që njihet nga bashkësia ndërkombëtare.
(3) Të gjithë popujt do të kenë të drejtën e ndihmesës së çdo shteti palë të kësaj Karte në përpjekjet e tyre për çlirim kundër zotërimit të huaj, qoftë ky politik, ekonomik apo shoqëror.

Neni 21
(1) Të gjithë popujt do të disponojnë lirisht të mirat dhe burimet e tyre natyrore. Kjo e drejtë do të ushtrohet vetëm në përputhje me interesat e popullit. Në asnjë rast, populli nuk mund të privohet prej saj.
(2) Në rast zhvatjeje populli i privuar prej saj, do të ketë të drejtën e kthimit të ligjshëm të pronësisë së tij, si edhe një shpërblim të arsyeshëm.
(3) Disponimi lirisht i të mirave dhe burimeve natyrore do të ushtrohet pa cenuar detyrimin mbi nxitjen e bashkëpunimit ekonomik ndërkombëtar bazuar në respektin e ndërsjelltë, ndryshimet e arsyeshme, dhe në parimet e së drejtës ndërkombëtare.
(4) Shtetet palë të kësaj Karte do të ushtrojnë individualisht dhe bashkërisht të drejtën mbi disponimin e të mirave dhe burimeve natyrore me pikëpamjen e forcimit të unitetit afrikan dhe solidaritetit.
(5) Shtet palë të kësaj Karte do të zotohen se do të zhdukin të gjitha format e shfrytëzimit ekonomik, në veçanti atë të praktikuar nga monopolet ndërkombëtarë që t’i mundësojnë popujve të tyre përfitime sa më të plota nga përparësia që rrjedh nga të mirat dhe burimet natyrore.