[lirik]

as pranimit të aplikimit të Republikës së Kosovës për anëtarësim të plotë të Kosovës në Bankën Zhvillimore të Këshillit të Evropës, sot ministri i Punëve të Jashtme i Republikës së Kosovës, Enver Hoxhaj ka pranuar një letër nga kryetari i Bordit të Bankës Zhvillimore të Këshillit të Evropës, Raphael Alomar, ku bëhet e ditur për vendimin zyrtar të Bordit Drejtues të Bankës Zhvillimore të Këshillit të Evropës për pranimin e Kosovës si anëtare me të drejta të plota në këtë Bankë.

“Kam kënaqësinë t’ju informoj që Bordi Drejtues i Bankës Zhvillimore të Këshillit të Evropës gjatë takimit më 14 qershor 2013, e ka ekzaminuar kërkesën tuaj për anëtarësim”, thuhet ndër tjerash në letrën e kryetarit të Bordit, drejtuar ministrit Hoxhaj, njofton MPJ.

Kosova mund të përfitojë 30 deri në 40 milionë euro në vjet nga anëtarësimi në këtë Bankë, e cila njëherësh është edhe organizata më e madhe pas BERZH-it, në të cilën Kosova është pranuar me të drejta të plota nën emrin kushtetues të Kosovës dhe pa fusnotë.

Kjo Bankë është krijuar me 1956 dhe ka për agjendë reformat dhe përkrahjet sociale shtresave më të rrezikuara në shtetet e ndryshme evropiane. Rezoluta e Bordit të Bankës është përkrahur nga shumica e madhe e shteteve anëtare të Bankës e cila është e vendosur në Paris, me staf prej 145 bankierësh dhe ka rejting të lartë të kreditit.

Shtetet e Ballkanit janë përfituese të mëdha të projekteve të ndryshme në fushën e ndërtimit të infrastrukturës, ndërtimit të banesave për shtresat e rrezikuara, ndihmë refugjatëve dhe temat tjera sociale.


me shum vonese tragjike per popullin shqiptar me ne fund por kush jan ata qe do te perfitojne perseri patriotet jo -qeveria e kosoves ehst kunder patriotve