[Guri i madh]

Promovohet libri dhe filmi dokumentar “Me shqiptarët në Turqi”



Prishtinë, 17 Dhjetor 2009 (Kosovapress) Koha 14:18
Me pjesëmarrjen e shumë dashamirëve të librit dhe të filmit dokumentar, të enjten në ambientet e Bibliotekës Kombëtare Universitare të Kosovës është promovuar libri dhe filmi dokumentar “Me shqiptarët e Turqisë”, si dhe një ekspozitë me fotografi të autorit Fatmir Selimi.

Në emër të Zyrës për qeverisje jo rezidente pranë Kryeministrit, foli Naim Dedushaj, tha se në këtë libër prezantohen vuajtjet e mëdha të shqiptarëve me shekuj të tërë.

Dedushaj: Të mburremi me shqiptarët në Turqi
(Video)
“Jemi të gjithë ndoshta të emocionuar duke u bazuar në vuajtjet e mëdha që kanë bërë shqiptarët me shekuj e me shekuj, po dashtë Zotit, kontributit të madh të shqiptarëve, të miqve të shqiptarëve që kemi bërë shumë edhe në Turqi, edhe në Shtete të Bashkuara të Amerikës, edhe kudo që kemi shkuar kemi punuar shumë. Të gjithë që sot këtu të jeni edhe ju këtu prezent gjithë së bashku me neve dhe të diskutojmë të debatojmë, dhe të mburremi me një pjesë që duhet mburr dhe të shfaqim atë dhimbjen tonë të madhe që kanë ndodh me vite me shqiptarët e Turqisë”, ka thënë Dedushaj.

Shkrimtari Sarë Gjergji tha se shqiptarët tanë në Turqi janë faktor i rëndësishëm në ndërtimin e urave të reja të bashkëpunimit ndërmjet dy vendeve.

Gjergji: Shqiptarët në Turqi na ndihmojnë për të ndërtuar ura të reja
(Video)
“Shqiptarët tanë në Turqi janë faktor i mirë, i cili na ndihmon për të ndërtuar ura të reja bashkëpunim dhe në rrafshe të ndryshme në mes dy popujve, popullit shqiptar dhe atij turk”, ka thënë Gjergji.

Njëri ndër shqiptarët në Turqi, Bahri Gaçka, shprehi gëzimin e tij që gjendet në mesin e popullit të Kosovës.

Gaçka: Jam i gëzuar që kam ardhur këtu
(Video)
“Unë shumë i gëzueshëm jam, që jam ardhur këtu me juve si vëllezërit me ju pa, dhe gjithmonë juve prej mendje s’ju heqim sa keni heq, ju e dini që edhe ne aq ju kemi kujtuar për juve, shumë i gëzueshëm jam që kam ardhur këtu”, ka thënë Gaçka.

Autori i librit Fatmir Selimi, tha se ky libër është dokumentar, i cili përshkruan shtegtimet e shqiptarëve në Turqi.

Selimi: Libri përshkruan shtegtimet e shqiptarëve në Turqi
(Video)
“Ky është një libër dokumentar, i cili përshkruan shtegtimet tona nëpër Turqi prej vitit 1998 deri në 2009. Kemi zgjedh disa vende në Turqi ku ka shqiptar dhe kemi vizituar ato qytete ose fshatra, ku ka shumicë shqiptare”, tha Selimi.

“Me shqiptarët në Turqi” është botuar nga shtëpia “Rozafa” dhe ka 167 faqe.
/Sh.Zariqi/